ໄອເອັມເອຟ ສະເໜີແຜນການຕ້ານໂຄວິດ ທົ່ວໂລກ 50 ຕື້ໂດລາ

  ກອງທຶນການເງິນສາກົນ (ໄອເອັມເອຟ) ສະເໜີແຜນການຕ້ານໂຄວິດ-19 ທົ່ວໂລກທີ່ມີມູນຄ່າ 50 ຕື້ໂດລາສະຫະລັດເພື່ອເລັ່ງລັດການນຳໃຊ້ວັກແຊງໃຫ້ທົ່ວເຖິງ.
  ຕາມຂ່າວຕ່າງປະເທດລາຍງານວ່າ ອົງການກອງທຶນການເງິນສາກົນ (IMF) ໄດ້ເຜີຍແຜ່ບົດລາຍງານໂດຍສະເໜີໃຫ້ລະດົມທຶນ 50 ຕື້ໂດລາ ເພື່ອເລັ່ງລັດການນຳໃຊ້ວັກແຊງໂຄວິດ-19 ໃຫ້ທົ່ວເຖິງໃນທົ່ວໂລກ, ຮັບປະກັນໃຫ້ອັດຕາສ່ວນການສັກວັກແຊງຂອງປະຊາກອນທົ່ວໂລກສູງຂຶ້ນຮອດຢ່າງໜ້ອຍ 60% ເມື່ອຮອດເວລາ 6 ເດືອນຕົ້ນປີ 2022 ເພື່ອໃຫ້ການແຜ່ລະບາດຂອງພະຍາດ ໂຄວິດ-19 ສິ້ນສຸດລົງໂດຍໄວບົດລາຍງານຂຽນວ່າ, ຈຳນວນຜູ້ທີ່ຖືກບົ່ງມະຕິເປັນພະຍາດໂຄວິດ-19 ທີ່ເພີ່ມໃໝ່ຢູ່ທົ່ວໂລກຍັງເພີ່ມຂຶ້ນເລື້ອຍໆ, ຕ້ອງໃຊ້ມາດຕະການໂດຍ ດ່ວນເພື່ອສະກັດກັ້ນບໍ່ໃຫ້ມີຜູ້ເສຍຊີວິດຍ້ອນພະຍາດໂຄວິດ-19 ເພີ່ມຂຶ້ນຢ່າງບໍ່ຢຸດຢັ້ງແລະຜ່ອນຄາຍຄວາມກົດດັນທາງດ້ານເສດຖະກິດການຄວບຄຸມພະຍາດໂຄວິດ-19 ໃຫ້ໄດ້ຈະກ່ຽວພັນເຖິງເສດຖະກິດມະຫາພາກແລະຄວາມໝັ້ນ ຄົງດ້ານການທະນາຄານຂອງໂລກ, ນີ້ຕ້ອງການທົ່ວໂລກໃຊ້ມາດຕະການຢ່າງປະສານງານກັນຕື່ມອີກເພື່ອຄວບຄຸມພະຍາດໂຄວິດ- 19 ໃຫ້ໄດ້ໃນຢູ່ທົ່ວໂລກ.
  ບົດລາຍງານໄດ້ສະເໜີໃຫ້ຜ່ານຮູບການຕ່າງໆເຊັ່ນ: ສະໜັບສະໜູນເງິນທຶນຫຼາຍກວ່າເກົ່າໃຫ້ “ແຜນການດຳເນີນງານວັກຊິນພະຍາດໂຄວິດ-19”, ບໍລິຈາກວັກແຊງທີ່ເຫຼືອໃຊ້ແລະຊຸກຍູ້ການຄ້າວັດຖຸດິບທີ່ໃຊ້ໃນການຜະລິດວັກແຊງລະຫວ່າງຊາດເປັນຕົ້ນ, ເພື່ອຮັບປະກັນອັດຕາສ່ວນການສັກວັກແຊງຂອງປະຊາກອນປະເທດຕ່າງໆເພິ່ມຂຶ້ນຮອດຢ່າງໜ້ອຍ 40% ໃນທ້າຍປີ2021 ແລະເຮັດໃຫ້ອັດຕະສ່ວນດັ່ງກ່າວເພິ່ມຂຶ້ນຮອດ 60% ໃນ 6 ເດືອນຕົ້ນປີ 2022.

----

ໜັງສືພິມ ເສດຖະກິດ-ສັງຄົມ

แชร์