ຈີນ-ຣັດເຊຍ ຮ່ວມມືດ້ານພະລັງງານນິວເຄຼຍ

  ຜູ້ນໍາ ສປ ຈີນ ແລະຣັດເຊຍ ຈະເປັນສັກຂີພິຍານຮ່ວມກັນໃນພິທີເປີດໂຄງການການຮ່ວມມືດ້ານພະລັງງານນິວເຄຼຍ.
  ຕາມຂ່າວ Cri ລາຍງານວ່າ ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວວ່າ, ການຮ່ວມມືດ້ານພະລັງງານນິວເຄຼຍແມ່ນຂົງເຂດການຮ່ວມມືບູລິມະສິດທີ່ເປັນມູນເຊື້ອລະຫວ່າງ ຈີນ-ຣັດເຊຍ, ຊຶ່ງໄດ້ຮັບການພັດທະນາຢ່າງວ່ອງໄວໃນປີມໍ່ໆມານີ້, ແລະໄດ້ຮັບຄວາມເອົາໃຈໃສ່ໃນລະດັບສູງຈາກປະມຸກລັດສອງປະເທດໃນເດືອນມິຖຸນາປີ2018 ແລ້ວນີ້, ພາຍໃຕ້ການເປັນສັກຂີພິຍານຮ່ວມກັນຂອງທ່ານ ສີຈິ້ນ ຜີງ ປະທານປະເທດຂອງຈີນ ແລະທ່ານ ວະລາ ດີເມຍປູຕີນປະທານາທິບໍດີຂອງຣັດເຊຍໂດຍສອງຝ່າຍໄດ້ຮ່ວມກັນລົງນາມໃນສັນຍາການຮ່ວມມືຕ່າງໆໃນຂົງເຂດນິວເຄຼຍ, ຊຶ່ງໄດ້ປຶກສາຫາລື ແລະກຳນົດການຮ່ວມມືໃນການສ້າງເຕົາປະຕິມາກອນເລກ 7, ເລກ 8 ຂອງໂຮງຜະລິດໄຟຟ້ານິວເຄຼຍທຽນວ່ານ ແລະເຕົາປະຕິມາກອນເລກ 3, ເລກ 4 ຂອງໂຮງຜະລິດໄຟຟ້ານີວເຄລຍຊູດ້າປາວ.
  ນີ້ແມ່ນໂຄງການການຮ່ວມມືດ້ານພະລັງງານນິວເຄຼຍທີ່ໃຫຍ່ທີ່ສຸດລະຫວ່າງຈີນ-ຣັດເຊຍ ໃນປປະຈຸບັນນີ້, ຊຶ່ງເປັນສັນຍາລັກດ້ານການຮ່ວມມືຕົວຈິງໃນລະດັບສູງລະຫວ່າງສອງປະເທດ.

----

ໜັງສືພິມເສດຸະກິດ-ສັງຄົມ

• 21/05/2021