ສສກ ເນັ້ນຢາກໄດ້ຄູດີ ຕ້ອງຄັດເລືອກຜູ້ຮຽນດີ

     ທ່ານນາງແສງເດືອນຫຼ້າຈັນທະບູນລັດຖະມົນຕີກະຊວງສຶກສາທິການ ແລະກີລາ (ສສກ) ໄດ້ໂອ້ລົມຕໍ່ພະນັກງານຄູ-ອາຈານວິທະຍາໄລຄູປາກເຊ (ວຄປ) ໃນ ໂອກາດທີ່ເຄື່ອນໄຫວຢ້ຽມຢາມແລະເຮັດວຽກຢູ່ແຂວງຈຳປາສັກພ້ອມດ້ວຍຄະນະໃນວັນທີ 17 ທັນວາຜ່ານມາທີ່ວິທະຍາໄລຄູປາກເຊໂດຍເປັນກຽດຕ້ອນຮັບຂອງທ່ານ ພອນພູວັນໂນ ຜູ້ອຳນວຍ ການວິທະຍາໄລຄູປາກເຊ ພ້ອມ ດ້ວຍຄະນະມີຜູ້ເຂົ້າຮ່ວມຫົວໜ້າກົມຮອງກົມກະຊວງສຶກສາທິການແລະກີລາພະນັກງານຄູ-ອາຈານ.ທ່ານລັດຖະມົນຕີກະຊວງສຶກ ສາທິການແລະກີລາໄດ້ເນັ້ນຫຼາຍບັນຫາໂດຍສະເພາະແມ່ນກ່ຽວກັບການສ້າງນັກສຶກສາເປັນຄູສິ່ງສຳຄັນຜູ້ທີ່ຈະເປັນຄູຕ້ອງແມ່ນເປັນຜູ້    ຮຽນດີຮຽນເກັ່ງ, ຜູ້ທີ່ມັກອາຊີບຄູແທ້ສ້າງຄູຕ້ອງໃຫ້ມີຄຸນນະພາບພຽບພ້ອມເພື່ອໄປສິດສອນໃນຂັ້ນທ້ອງຖິ່ນໃນແຕ່ລະແຂວງຈິງຈະ ສາມາດສ້າງຄົນໃຫ້ເກັ່ງໄດ້ ແລະໃຫ້ຖືບັນຫານີ້ເປັນສິ່ງສຳຄັນຫຼາຍ, ບັນຫາການສອບເສັງນັກຮຽນເຂົ້າຮຽນວິຊາຊີບຄູ-ອາຈານຄວນເບິ່ງຄືນຜົນການຮຽນຂອງນັກຮຽນທີ່ຜ່ານມາບໍ່ແມ່ນເສັງໄດ້ຄະແນນດີໄລຍະສອບເສັງສຸດທ້າຍເທົ່ານັ້ນ ແຕ່ບາງຄົນເສັງເຂົ້າຮຽນວິຊາຊີບພັດໄດ້ຄະແນນຕໍ່າແຕ່ຜົນການຮຽນທີ່ຜ່ານມາພັດຮຽນໄດ້ດີສຳລັບບັນຫາຢາກໄດ້ຄູຜູ້ສອນດີສອນເກັ່ງນັ້ນ ຕ້ອງຄັດເລືອກຜູ້ຮຽນດີເພື່ອຈະໄດ້ຜູ້ສອນທີ່ດີມີຄຸນນະພາບ, ຕ້ອງຊຸກຍູ້ໃຫ້ລູກຫຼານໃນສາຍອະຊີວະສຶກສາຄືສາຍວິຊາຊີບຫຼາຍໆເພື່ອຈະຊອກຫາວຽກເຮັດ ງານທຳໄດ້ງ່າຍ ແລະຈະບໍ່ກາຍເປັນຜູ້ວ່າງງານ, ສຳລັບເຂດຫ່າງໄກສອກຫຼີກຕ້ອງປຸກລະດົມຊຸກຍູ້ຢ່າງແຂງແຮງຕ້ອງໄດ້ສ້າງຫໍພັກນັກຮຽນເພື່ອຮອງຮັບໃຫ້ແກ່ລູກຫຼານຜູ້ຢູ່ຫ່າງໄກທີ່ໄດ້ເຂົ້າມາຮຽນການຮໍ່າຮຽນກໍຕ້ອງເອົາໃຈໃສ່ລະຫວ່າງຕົວເມືອງແລະເຂດຫ່າງໄກສອກຫຼີກບໍ່ໃຫ້ຫຼຸດໂຕນກັນຫຼາຍເຮັດໃຫ້ຄຸນນະພາບການ ສຶກສາຫຍັບມໍ່ເຂົ້າກັນ ແລະຖືສາຄັນບັນຫາທຳອິດເລື່ອງການປັບປຸງການຮຽນ-ການສອນເຂດຫ່າງໄກສອກຫຼີກ, ເອົາໃຈໃສ່ສ້າງຄວາມເຂັ້ມແຂງການບໍລິຫານວຽກງານການສຶກສາໃນແຕ່ລະຂັ້ນ, ເອົາໃຈໃສ່ແຂ່ງຂັນກັນຮັກຊາດແລະພັດທະນາພ້ອມນີ້ກໍໃຫ້ສົມທົບແໜ້ນກັບທຸກພາກສ່ວນໃຫ້ມີສ່ວນຮ່ວມເຂົ້າໃນການພັດທະນາການສຶກສາແລະກີລາຫັນເອົາການສຶກສາ-ກີລາເປັນວຽກຂອງທົ່ວປວງຊົນສ້າງ ໂຮງຮຽນເປັນບ່ອນດຶງດູດແລະສ້າງຄວາມສົນໃຈແກ່ນັກຮຽນ, ຖືເອົາການພັດທະນາມະນຸດເປັນ ຂອດຕັດສິນໃນການພັດທະນາເສດ ຖະກິດສັງຄົມ, ຜູ້ບໍລິຫານການສຶກ ສາກິລາຄູອາຈານຕ້ອງໄດ້ເຊີດຊູ ສະຕິຄວາມຮັບຜິດຊອບ, ຄວາມເປັນເຈົ້າການໃນການປະຕິບັດໜ້າທີ່ຂອງຕົນຢ່າງໜັກແໜ້ນສືບຕໍ່ບຸກທະລຸທັງ 4 ດ້ານ, ເອົາໃຈໃສ່ປະຕິບັດວຽກງານສຶກສາ-ກີລາຕາມຂໍ້ ແຂ່ງຂັນແລະຕາມສາມລັກສະນະ 5 ຫຼັກມູນການສຶກສາ-ກີລາໃຫ້ປະກົດຜົນເປັນຈິງ.

แชร์