ກະຊວງສາທາກຳນົດບ້ານໂຄວິດລະບາດ 3 ເຂດ

  ເພື່ອເຮັດໃຫ້ການວາງມາດຕະການສະກັດກັ້ນ ແລະຄວບຄຸມການລະບາດຂອງພະຍາດໂຄວິດ-19 ໃຫ້ມີຄວາມຮັດກຸມ, ສອດຄ່ອງ ແລະແທດເໝາະກັບສະພາບການລະບາດຕົວຈິງຂອງພະຍາດໃນແຕ່ລະຂົງເຂດກະຊວງສາທາລະນະສຸກຈຶ່ງໄດ້ກໍານົດເອົາບ້ານເປັນຫົວໜ່ວຍໃນການແບ່ງເຂດການລະບາດຂອງພະຍາດໂຄວິດ-19 ອອກເປັນ 3 ເຂດ ຄື: ເຂດແດງ, ເຂດເຫຼືອງ ແລະເຂດຂຽວ. 

   ການກໍານົດເຂດການລະບາດສຳລັບເຂດບ້ານສິແດງໝາຍເຖິງບ້ານທີ່ມີຜູ້ຕິດເຊື້ອ 1 ກໍລະນີທີ່ບໍ່ຮູ້ແຫຼ່ງທີ່ມາຂອງການຕິດເຊື້ອ ຫຼືການເກີດເປັນຈຸ້ມທີ່ມີ 2 ກໍລະນີຂຶ້ນໄປໃນໄລຍະ 14 ວັນຜ່ານມາ; ເຂດບ້ານສີເຫຼືອງແມ່ນບ້ານທີ່ມີຜູ້ຕິດເຊື້ອ 1 ກໍລະນີທີ່ຮູ້ແຫຼ່ງທີ່ມາຂອງການຕິດເຊື້ອໃນໄລຍະ 14 ວັນຜ່ານມາ ຫຼື ເປັນບ້ານທີ່ມີ ຊາຍແດນຕິດກັບເຂດບ້ານສີແດງ ຫຼືເປັນບ້ານທີ່ມີລາຍງານຜູ້ສໍາຜັດໃກ້ຊິດກັບຜູ້ຕິດເຊື້ອສ່ວນເຂດບ້ານສີຂຽວໝາຍເຖິງບ້ານທີ່ບໍ່ມີກໍລະນີຕິດເຊື້ອ ແລະບໍ່ມີຜູ້ສໍາຜັດໃກ້ ຊິດໃນໄລຍະ 14 ວັນຜ່ານມາ. 

   ໂດຍມາດຕະການຈັດຕັ້ງປະຕິບັດສຳລັບເຂດບ້ານສິແດງສືບຕໍ່ປະຕິບັດຄໍາສັ່ງສະບັບເລກທີ 15/ ນຍ ລົງວັນທີ 21 ເມສາ 2021. ປິດຮ້ານເສີມສວຍ, ຮ້ານຕັດຜົມ, ສະຖານທີ່ທ່ອງທ່ຽວ, ສວນອາຫານ, ກາຊິໂນ ແລະຮ້ານເກມທຸກປະເພດ. ໃຫ້ປິດບັນດາໂຮງງານອຸດສາຫະກໍາປຸງແຕ່ງ ແລະຫັດຖະກໍາ, ຍົກເວັ້ນໂຮງງານທີ່ມີຫໍພັກ ຂອງແຮງງານຢູ່ໃນບໍລິເວນໂຮງງານຂອງຕົນ, ໂຮງງານຜະລິດສິນຄ້າບໍລິໂພກ, ຢາປົວພະຍາດ, ເຄື່ອງປ້ອງກັນການລະບາດ ແລະອຸປະກອນການແພດແຕ່ໃຫ້ມີການຄຸ້ມ ຄອງຕາມມາດຕະການປ້ອງກັນຂອງຄະນະສະເພາະກິດວາງອອກຢ່າງເຂັ້ມງວດໃນໄລຍະພັກວຽກນີ້, ໃຫ້ຜູ້ປະກອບການຂອງບັນດາໂຮງງານທີ່ປິດມີການຄຸ້ມຄອງແຮງ ງານໃຫ້ພັກຢູ່ທີ່ພັກຂອງຕົນ ແລະປະຕິບັດນະໂຍບາຍສະຫວັດດີການໃຫ້ແກ່ແຮງງານເຫຼົ່ານັ້ນ.

  ອະນຸຍາດໃຫ້ເປີດຫ້ອງການບ້ານ, ປກສ ກຸ່ມບ້ານ, ສຸກສາລາ ແລະຮ້ານຂາຍຢາແຕ່ປະຕິບັດມາດຕະການປ້ອງກັນການຕິດເຊື້ອຢ່າງເຂັ້ມງວດ. ຫ້າມບຸກຄົນອອກຈາກບໍລິເວນເຮືອນຍົກເວັ້ນຜູ້ທີ່ໄດ້ຮັບອະນຸຍາດຈາກອົງການປົກຄອງ ທ້ອງຖິ່ນທີ່ກ່ຽວຂ້ອງຍ້ອນເຫດ ຜົນຈໍາເປັນເຊັ່ນ: ຂົນສົ່ງສິນຄ້າແລະ ສົ່ງອາຫານ, ໄປໂຮງໝໍ, ໄປຮັບວັກແຊງແຕ່ໃຫ້ຂະແໜງສາທາລະນະສຸກ ແລະເຈົ້າໜ້າທີ່ກ່ຽວຂ້ອງຕັ້ງດ່ານກວດສຸຂະພາບ, ກວດກາເອກະສານ ແລະເກັບກໍາຂໍ້ມູນຢ່າງເຂັ້ມງວດ.

 ສໍານັກງານຫ້ອງການທີ່ມີຄວາມຈໍາເປັນຕ້ອງມີການເຮັດວຽກຕໍ່ເນື່ອງຕ້ອງແຕ່ງຕັ້ງພະນັກງານມາປະຈໍາການ 14 ວັນ ໂດຍບໍ່ມີການຜັດປ່ຽນຜູ້ໃໝ່. ຫ້າມຈັດປະຊຸມ, ໂຮມຊຸມນຸມ ຫຼືກິດຈະກໍາຕ່າງໆ,ກໍລະນີຈໍາເປັນຕ້ອງຈັດກິດຈະກໍາໃດໜຶ່ງຕ້ອງໄດ້ຮັບອະນຸຍາດຈາກຄະນະສະເພາະກິດ ແລະຕ້ອງປະຕິບັດຕາມມາດຕະການຂອງຄະນະສະເພາະກິດວາງອອກຢ່າງເຂັ້ມງວດເປັນຕົ້ນແທກອຸນຫະພູມ, ການຮັກສາໄລຍະຫ່າງຢ່າງໜ້ອຍ 1 ແມັດ, ໃສ່ຜ້າອັດປາກ-ດັງ, ລ້າງມືໃສ່ສະບູ ຫຼືນໍ້າຢາຂ້າເຊື້ອ.ຫ້າມນັ່ງກິນ-ດື່ມ ຢູ່ໃນຮ້ານອາຫານ ຫຼືຮ້ານກາເຟ, ໃຫ້ເປີດສະເພາະສັ່ງກັບເຮືອນເທົ່ານັ້ນ ຫຼືມີບໍລິການສົ່ງເຖິງສະຖານທີ່ໃນເຂດທີ່ມີການລະບາດ, ໃຫ້ເພີ່ມທະວີຄວາມເຂັ້ມງວດໃນການປະຕິບັດບັນດາມາດຕະການປ້ອງກັນການຕິດເຊື້ອ ແລະ ແຜ່ເຊື້ອຢູ່ບັນດາຮ້ານຂາຍເຄື່ອງຍ່ອຍ, ມິນິມາດ, ຊຸບເປີມາເກັດ ແລະ ຕະຫຼາດເປັນຕົ້ນແທກອຸນຫະພູມ, ຮັກສາໄລຍະຫ່າງຢ່າງໜ້ອຍ 1 ແມັດ, ໃສ່ຜ້າອັດປາກ-ດັງ, ລ້າງມືດ້ວຍນໍ້າສະອາດໃສ່ສະບູ ຫຼືເຈວລ້າງມື. ອະນຸຍາດໃຫ້ ລົດໂຮງໝໍ, ທີມແພດ, ຄະນະສະເພາະກິດ, ລົດດັບເພິງ ແລະລົດເກັບມ້ຽນຂີ້ເຫຍື້ອເຂົ້າໄປປະຕິບັດໜ້າທີ່ຈັດໃຫ້ມີເວນຍາມ ແລະລາດຕະເວນ 24 ຊົ່ວໂມງ ເພື່ອສະກັດກັ້ນການລັກເຂົ້າ-ອອກບ້ານ ໂດຍບໍ່ໄດ້ຮັບອະນຸຍາດອະນາໄມຂ້າເຊື້ອຢູ່ເຮືອນ ແລະສະຖານທີ່ໆຜູ້ຕິດເຊື້ອໄດ້ເດີນທາງໄປເປັນຕົ້ນການຂ້າເຊື້ອຢູ່ໃນເຮືອນເປີດປະຕູປ່ອງຢ້ຽມ, ອະນາໄມຕາມລູກບິດປະ ຕູ, ຮາວຂັ້ນໄດດ້ວຍເຫຼົ້າ 70 ອົງສາ-ການຈໍາກັດຂີ້ເຫຍື້ອຕ້ອງໃສ່ຖົງຢາງ 2 ຊັ້ນ ແລະສີດຜົ່ນດ້ວຍເຫຼົ້າ 90 ອົງສາ ແລະມາດຕະການອື່ນໆ ທີ່ເຫັນວ່າມີຈໍາເປັນໃນການສະກັດກັ້ນ ແລະຄວບຄຸມການລະບາດຂອງພະຍາດຖ້າບໍ່ມີກໍລະນີພົບເຊື້ອໃໝ່ຫຼັງຈາກ 14 ວັນ ຈະໄດ້ມີການປະເມີນອອກຈາກເຂດແດງ.

   ເຂດບ້ານສີເຫຼືອງໃຫ້ສືບຕໍ່ປະຕິບັດຄໍາສັ່ງ ສະບັບເລກທີ 15/ ນຍ ລົງວັນທີ 21 ເມສາ 2021 ສາມາດເດີນທາງໄປເຂດສີເຫຼືອງໄດ້ພ້ອມທັງປະຕິບັດມາດຕະການ ປ້ອງກັນການຕິດເຊື້ອຢ່າງເຄັ່ງຄັດ, ຮ້ານອາຫານ ແລະຄາເຟໃຫ້ບໍລິການໃນຮູບແບບຊື້ກັບເຮືອນສໍານັກງານຫ້ອງການໃຫ້ເຮັດວຽກທາງອອນລາຍແຕ່ຖ້າມີຄວາມຈໍາເປັນມາເຮັດວຽກຢູ່ຫ້ອງການແມ່ນໃຫ້ຜັດປ່ຽນກັນມາປະຈໍາການເພື່ອບໍ່ໃຫ້ມີຈຳນວນພົນແອອັດ; ຫ້າມບໍ່ໃຫ້ໂຮມຊຸມນຸມເກີນ 5 ຄົນ, ກໍລະນີຈໍາເປັນຕ້ອງຈັດກິດຈະກໍາໃດໜຶ່ງຕ້ອງໄດ້ຮັບອະນຸຍາດຈາກຄະນະສະເພາະກິດ ແລະຕ້ອງປະຕິບັດຕາມມາດຕະການຂອງຄະນະສະເພາະກິດວາງອອກຢ່າງເຂັ້ມງວດເປັນຕົ້ນແທກອຸນຫະພູມ, ການຮັກສາໄລຍະຫ່າງຢ່າງໜ້ອຍ 1 ແມັດ, ໃສ່ຜ້າອັດປາກດັງ,ລ້າງມືໃສ່ສະບູ ຫຼືນໍ້າຢາຂ້າເຊື້ອບໍ່ມີການເວນຍາມ ແລະລາດຕະເວນການເຂົ້າ-ອອກຕາມຊາຍ ແດນລະຫ່ວາງບ້ານເຫຼືອງ ແລະບ້ານຂຽວ.

   ໃຫ້ເພີ່ມທະວີຄວາມເຂັ້ມງວດໃນການປະຕິບັດບັນດາມາດຕະການປ້ອງກັນການຕິດເຊື້ອ ແລະແຜ່ເຊື້ອຢູ່ບັນດາຮ້ານຂາຍເຄື່ອງຍ່ອຍ, ມິນິມາດ, ຊຸບເປີມາເກັດ ແລະ ຕະຫຼາດເປັນຕົ້ນ ແທກອຸນຫະພູມ, ຮັກສາໄລຍະຫ່າງຢ່າງໜ້ອຍ 1 ແມັດ, ໃສ່ຜ້າອັດປາກ-ດັງ, ລ້າງມືດ້ວຍນໍ້າສະອາດໃສ່ສະບູ ຫຼືເຈວລ້າງມື.-ມາດຕະການອື່ນໆ ທີ່ເຫັນວ່າຈໍາເປັນໃນການສະກັດກັ້ນ ແລະຄວບຄຸມການລະບາດຂອງພະຍາດ.

  ສ່ວນເຂດບ້ານສີຂຽວສືບຕໍ່ປະຕິບັດຄໍາສັ່ງ ສະບັບເລກທີ 15/ນຍ ລົງວັນທີ 21 ເມສາ 2021 ສາມາດເດີນທາງເຂດສີຂຽວໄດ້ພ້ອມທັງປະຕິບັດມາດຕະການປ້ອງກັນການຕິດເຊື້ອຢ່າງເຄັ່ງຄັດຮ້ານອາຫານ ແລະ ຄາເຟໃຫ້ບໍລິການໃນຮູບແບບຊື້ກັບເຮືອນຫ້າມບໍ່ໃຫ້ໂຮມຊຸມນຸມເກີນ 10 ຄົນ, ກໍລະນີຈໍາເປັນຕ້ອງຈັດກິດຈະກໍາໃດໜຶ່ງຕ້ອງໄດ້ຮັບອະນຸຍາດຈາກຄະນະສະເພາະກິດ ແລະຕ້ອງປະຕິບັດຕາມມາດຕະການຂອງຄະນະສະເພາະກິດວາງອອກຢ່າງເຂັ້ມງວດເປັນຕົ້ນແທກອຸນຫະພູມ, ການຮັກສາໄລຍະຫ່າງຢ່າງໜ້ອຍ 1 ແມັດ, ໃສ່ຜ້າອັດປາກ-ດັງ, ລ້າງມືໃສ່ສະບູ ຫຼືນໍ້າຢາຂ້າເຊື້ອ-ໃຫ້ເພີ່ມທະວີຄວາມເຂັ້ມງວດໃນການປະຕິບັດບັນດາມາດຕະການປ້ອງກັນ ການຕິດເຊື້ອ ແລະ ແຜ່ເຊື້ອຢູ່ບັນດາຮ້ານຂາຍເຄື່ອງຍ່ອຍ, ມິນິມາດ, ຊຸບເປີມາເກັດ ແລະ ຕະຫຼາດເປັນຕົ້ນແທກອຸນຫະພູມ, ຮັກສາໄລຍະຫ່າງຢ່າງຫນ້ອຍ 1 ແມັດ, ໃສ່ຜ້າອັດປາກ-ດັ່ງ, ລ້າງມືດ້ວຍນໍ້າສະອາດໃສ່ສະບູ ຫຼືເຈວລ້າງມື. - ມາດຕະການອື່ນໆທີ່ເຫັນວ່າຈໍາເປັນໃນການສະກັດກັ້ນ ແລະຄວບຄຸມການລະບາດຂອງພະຍາດ.

แชร์