ວຽງຈັນຟິດເນັດ ສູນລວມເຄື່ອງອອກກຳລັງກາຍ

       ວັນທີ 2 ມີນາຜ່ານມາທີ່ບ້ານນາ ຄຳເມືອງສີໂຄດຕະບອງ ໄດ້ມີພິທີເປີດບໍລິສັດໃໝ່ບໍລິສັດວຽງຈັນຟິດເນັດ (ວີ-ຟິດເນັດ) ຂາອອກ-ຂາເຂົ້າຈຳກັດ ຈຳ ໜ່າຍເຄື່ອງອອກກຳລັງກາຍຄົບວົງຈອນທີ່ໃຫຍ່ທີ່ສຸດໃນລາວໂດຍໃຫ້ກຽດເຂົ້າຮ່ວມຂອງທ່ານ ບົວລານ ສີລິປັນຍາ ຮອງລັດຖະມົນຕີກະຊວງສຶກສາທິການ ແລະ ກີລາ, ທ່ານ ສະຖາພອນ ພິຈິດ ປະທານບໍລິສັດວຽງຈັນຟິດເນັດ (ວີ-ຟິດເນັດ) ຂາອອກ-ຂາເຂົ້າຈຳກັດ,  ມີບັນດາພາກສ່ວນທີ່ກ່ຽວຂ້ອງເຂົ້າຮ່ວມ.

  ທ່ານສະຖາພອນພິຈິດກ່າວ່າ: ບໍລິສັດວຽງຈັນຟິດເນັດ (ວີ-ຟິດເນັດ) ຂາອອກ-ຂາເຂົ້າຈຳກັດ ຈຳໜ່າຍເຄື່ອງອອກກຳລັງກາຍຄົບວົງຈອນທີ່ໃຫຍ່ທີ່ສຸດໃນປະເທດລາວມີຫຼາຍຍີ່ຫໍ້ທີ່ສັ່ງໂດຍກົງຈາກໂຮງງານເປັນຕົ້ນຍີ່ຫໍ້ທີ່ຂາຍດີໃນປະຈຸບັນຄືວີ-ຟິດເນັດ (V-Fitness) ແລະຄິໂມຈິ (Kimochi) ນອກນັ້ນຍັງ ຈຳໜ່າຍສິນຄ້າເພື່ອສຸຂະພາບເຊັ່ນ: ເຄື່ອງ ນວດ, ນັ່ງນວດເພື່ອສຸຂະພາບ, ສິນຄ້າ ມາດ ຕະຖານສາກົນ, ໄດ້ຮັບຄວາມນິຍົມຈາກ ລູກຄ້າທົ່ວປະເທດທັງພາກລັດ ແລະເອກະຊົນ, ມີສູນສ້ອມແປງ ແລະກວດເຊັກສະພາບເຄື່ອງ, ສູນຟິດເນັດນອກສະຖານທີ່, ມີສູນບໍລິການຂາຍທ່ານສາມາດເລືອກຊື້ໄດ້ຢ່າງສະດວກສະບາຍ, ສິນຄ້າຫຼາກຫຼາຍ, ບໍລິການສົ່ງລ້າ, ຊື້ສົດ-ຜ່ອນດອກເບ້ຍ 0%.

 ປະຈຸບັນບໍລິສັດວຽງຈັນຟິດເນັດ (ວີ-ຟິດເນັດ) ຂາອອກ-ຂາເຂົ້າຈຳກັດຢູ່ນະ ຄອນຫຼວງວຽງຈັນປະກອບມີຫຼາຍສາຂາຄື: ສາຂາສີໄຄ, ສາຂາວຽງຈັນເຊັນເຕີ, ສາຂາໄອເຕັກມໍ, ສາຂານາຄຳ ແລະ ອື່ນໆນອກນັ້ນຍັງມີສາຂາຢູ່ຕ່າງແຂວງເປັນຕົ້ນແຂວງຈຳປາສັກ, ສະຫວັນນະເຂດ, ຫຼວງພະບາງ ແລະແຂວງໄຊຍະບູລີ ຊຶ່ງໃນອະນາຄົດແມ່ນຈະຂະຫຍາຍໄປທຸກແຂວງທົ່ວປະເທດ.

ນສພ ເສດຖະກິດ-ສັງຄົມ

แชร์