ສພຂ ຫຼວງນໍ້າທາຈະເປີດກອງປະຊຸມປະຖົມມະລຶກ

   ການດຳເນີນກອງປະຊຸມຄັ້ງປະຖົມມະລຶກຂອງສະພາປະຊາຊົນແຂວງຫຼວງນໍ້າທາ ຊຸດທີ II ຈະເປີດຂຶ້ນຢ່າງ ເປັນທາງການວັນທີ 18 ພຶດສະພາ 2021 ນີ້ໂດຍຈະມີພິຈາລະນາແລະຮັບຮອງເອົາຫຼາຍບັນຫາສຳຄັນຂອງແຂວງ.

  ທ່ານ ມີໄຊ ມີວິໄລ ກຳມະການຄະນະປະຈໍາສະພາປະຊາຊົນແຂວງ, ເລຂາທິການສະພາປະຊາຊົນ ແຂວງຫຼວງນໍ້າທາ ຊຸດທີ I ຖະແຫຼງໃຫ້ຮູ້ວ່າ: ກອງປະຊຸມຄັ້ງປະຖົມມະລຶກຂອງສະພາປະຊາຊົນແຂວງຊຸດທີ II ໃນຄາບເຊົ້າດຽວຂອງມື້ເປີດຊຶ່ງຈະໄດ້ຮັບຟັງການລາຍງານພິຈາລະນາ ແລະຮັບຮອງເອົາບັນຫາສຳຄັນພື້ນຖານຂອງທ້ອງຖິ່ນທຳອິດແມ່ນຈະຮັບຟັງການລາຍງານຂອງຄະນະກຳມະການເລືອກຕັ້ງຂັກສະນະຂອງສະມາຊິກສະພາປະຊາຊົນແຂວງ ຊຸດທີ II; ເລືອກຕັ້ງປະທານສະພາປະຊາຊົນແຂວງຊຸດທີ II ຕາມການສະເໜີຂອງຄະນະປະຈໍາສະພາປະຊາຊົນແຂວງ ຊຸດທີ I; ເລືອກຕັ້ງຮອງປະທານສະພາປະຊາຊົນ ແຂວງຊຸດທີ II ແລະ ກໍາມະການຄະນະປະຈໍາສະພາປະຊາຊົນແຂວງຕາມການສະເໜີຂອງປະທານສະພາປະຊາຊົນແຂວງ ຊຸດທີ II; ພິຈາລະນາ,ຮັບຮອງໂຄງປະກອບກົງຈັກຂອງສະພາປະຊາຊົນ ແຂວງ, ການແຕ່ງຕັ້ງປະທານຄະນະກຳມະການ, ເລຂາທິການສະພາປະຊາຊົນແຂວງ ແລະຮອງປະທານຄະນະກຳ ມະການຕາມການສະເໜີຂອງຄະນະປະຈຳສະພາປະຊາຊົນແຂວງຊຸດທີ II; ພິຈາລະນາ,ຮັບຮອງເອົາແຜນການເຄື່ອນໄຫວວຽກງານ 5 ປີ ( 2021-2025) ສະພາປະຊາຊົນແຂວງຊຸດທີ II ຕາມການສະເໜີຂອງ ຄະນະປະຈໍາສະພາປະຊາຊົນແຂວງ; ແລະພິຈາລະນາ, ຮັບຮອງເອົາແຜນການສ້າງ ແລະປັບປຸງນິຕິກຳໃຕ້ກົດໝາຍໄລຍະ 5 ປີ (2021-2025) ຂອງແຂວງຕາມການສະເໜີຂອງເຈົ້າແຂວງ.

ຂ່າວ: ມຸນຕີ

แชร์