ຢູ່ລາວ ຍອດຕິດໂຄວິດສະສົມ 1.591 ຄົນ

  ຄະນະສະເພາະກິດເພື່ອປ້ອງກັນຄວບຄຸມ ແລະແກ້ໄຂພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ຖະແຫຼງຂ່າວປະຈຳວັນທີ 16 ພຶດສະພາ 2021 ໃຫ້ຮູ້ວ່າ: ສະພາບການລະບາດຂອງພະຍາດ COVID-19 ຢູ່ໃນໂລກ, ຮອດປະຈຸບັນໃນທົ່ວໂລກມີການລາຍງານການຕົວເລກຜູ້ຕິດເຊື້ອສະສົມທັງ ໝົດ 163,1 ລ້ານຄົນ, ເສຍຊີວິດສະສົມ 3,38 ລ້ານຄົນ ແລະປິ່ນປົວຫາຍດີ 142,5 ລ້ານຄົນ, ປະເທດທີ່ຍັງມີຜູ້ຕິດເຊື້ອ ແລະເສຍຊີວິດຫຼາຍກວ່າໝູ່ໃນໂລກກໍ່ຍັງແມ່ນສະຫະລັດອາເມລິກາ, ອິນເດຍ, ບຣາຊິວ ແລະຝຣັ່ງຕາມລໍາດັບ.

 ສຳລັບ ສປປ ລາວ ໃນວັນທີ 15 ພຶດສະພາ 2021 ໄດ້ເກັບຕົວຢ່າງມາກວດວິເຄາະທັງໝົດ 1.427 ຕົວຢ່າງ ໃນນັ້ນນະຄອນຫຼວງ 941 ຕົວຢ່າງ ແລະຕ່າງແຂວງ 486 ຕົວຢາງ, ພົບຜູ້ຕິດເຊື້ອໃໝ່ 21 ຄົນ ເຮັດໃຫ້ຜູ້ຕິດເຊື້ອສະສົມທັງໝົດເປັນ 1.591 ຄົນ ເສຍຊີວິດສະສົມທັງໝົດ 2 ຄົນ.

   ກ່ຽວກັບກໍລະນີຕິດເຊື້ອໃໝ່ 21 ຄົນ ຈາກນະຄອນຫຼວງ 11 ຄົນນັ້ນ ແມ່ນການຕິດເຊື້ອໃນຊຸມຊົນ, ສໍາລັບຈໍາປາສັກ 7 ຄົນ ແລະສະຫວັນນະເຂດ 3 ຄົນ ກໍລະນີກວດພົບເຊື້ອໃນແຮງງານລາວທີ່ກັບຄືນປະເທດຖືກກົດໝາຍ.

 ສໍາລັບນະຄອນຫຼວງວຽງຈັນທີ່ກໍລະນີຕິດເຊື້ອໃໝ່ຊີວິດຜູ້ທີ 2, ກຸ່ມບໍລິສັດ ສັນຕິພາບສັງກະສີລາວ,ກຸ່ມພະນັກງານສະພາການຄ້ານະຄອນຫຼວງ,ກຸ່ມໃກ້ຊິດກັບພະນັກ ງານ T-Plus (Lao telecom company) ທີ່ອາໄສຢູ່ຫ້ອງແຖວບ້ານຫວ້ຍຫົງ, ກຸ່ມພະນັກງານອາສາສະໝັກ UNDP ແລະ ກຸ່ມພະນັກງານບຳນານກົມປິ່ນປົວ ແລະຟື້ນຟູໜ້າທີ່ການ.

   ປະຈຸບັນມີຜູ້ຍັງຕິດຕາມປິ່ນປົວທົ່ວປະເທດທັງໝົດ 574 ຄົນ ແລະພວກກ່ຽວຈະຕ້ອງໄປສືບຕໍ່ຈຳກັດບໍລິເວນຢູ່ເຮືອນ ຫຼືສູນຈໍາກັດບໍລິເວນສໍາລັບຜູ້ທີ່ບໍ່ມີເງື່ອນໄຂ, ຈົນຄົບກຳນົດຕາມຄຳແນະນຳຂອງແພດຢ່າງເຄັງຄັດ, ແຍກຕົນເອງອອກຈາກຄົນໃນຄອບຄົວ, ບໍ່ໃຊ້ສິ່ງຂອງຮ່ວມກັນແລະມອບໃຫ້ອໍານາດການປົກຄອງເມືອງບ້ານ ແລະເຈົ້າໜ້າທີ່ສູນລົງໄປຕິດຕາມກວດກາສຸຂະພາບຂອງພາກສ່ວນດັ່ງກ່າວເຊັ່ນ: ວັດແທກອຸນຫະພູມ, ສອບຖາມອາການຖ້າພົບເຫັນເປັນໄຂ້, ມີໄອ ແລະຈາມຕ້ອງຮີບຮ້ອນໄປພົບແພດຢູ່ສະຖານທີ່ບໍລິການໃກບ້ານທ່ານ. ທັງໝົດນີ້ແມ່ນສ້າງຄວາມໝັ້ນໃຈໃຫ້ແກ່ສັງຄົມວ່າຄົນເຈັບທີ່ອອກຈາກໂຮງໝໍແມ່ນປະຕິບັດຕາມຄໍາແນະນໍາຢ່າງເຄັງຄັດ ແລະບໍ່ອອກຈາກບ້ານຈົນໝົດກໍານົດ.

   ສໍາລັບກວດພົບຜູ້ຕິດເຊື້ອກໍລະນີໃໝ່, ຈະໄດ້ມີທີມງານລົງສອບສວນ, ສອບຖາມປະຫວັດການເຄື່ອນໄຫວໃນໄລຍະເວລາ 14 ວັນ ຜ່ານມາໃຜເປັນຜູ້ຜັດໃກ້ຊິດເພື່ອ ຈະໄດ້ນໍາມາເກັບຕົວຢ່າງ, ຈໍາກັດບໍລິເວນຢູ່ເຮືອນຢ່າງເຄັງຄັດ ແລະສໍາລັບຜູ້ບໍ່ມີເງື່ອນແມ່ນຈະຖືກນໍາສົ່ງໄປສູນຈໍາກັດບໍລິເວນ.

แชร์