ພາກທຸລະກິດຄໍາມ່ວນສືບຕໍ່ຊ່ວຍແຂວງປ້ອງກັນໂຄວິດ

   ໃນວັນທີ 14 ພຶດສະພາ 2021 ຢູ່ທີ່ຫ້ອງວ່າການປົກຄອງແຂວງຄໍາມ່ວນພາກສ່ວນຜູ້ປະກອບການທຸລະກິດພາຍໃນແຂວງຄໍາມ່ວນຍັງສືບຕໍ່ມອບເງິນປະກອບສ່ວນໃຫ້ແກ່ຄະນະສະເພາະກິດຂອງແຂວງເພື່ອນໍາໃຊ້ເຂົ້າໃນວຽກງານປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ພາກສ່ວນທີ່ເຂົ້າມາມອບໃນວັນທີ 14 ພຶດສະພາ 2021 ນີ້ປະກອບມີທັງໝົດ 4 ພາກສ່ວນຄື:

   ໃນພາກເຊົ້າຕາງໜ້າທະນາຄານຮ່ວມພັດທະນາພ້ອມດ້ວຍຄະນະ (JDB) ໄດ້ມອບເງິນສົດຈໍານວນ 30 ລ້ານກີບ ຊຶ່ງຕາງໜ້າອໍານາດການປົກຄອງແຂວງຮັບໂດຍທ່ານ ປອ. ແກ້ວອຸດອນ ບຸດສິງຂອນ ຄະນະປະຈໍາພັກແຂວງຮອງເຈົ້າແຂວງໆຄໍາມ່ວນ.

   ນອກຈາກມອບເງິນສົດໃຫ້ແກ່ຄະນະສະເພາະກິດຂອງແຂວງເພື່ອນໍາໃຊ້ເຂົ້າໃນວຽກງານປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ຢູ່ທີ່ຫ້ອງວ່າການປົກຄອງແຂວງແລ້ວບໍລິສັດ ທະນົງພົນ ການຄ້າ ແລະ ກໍ່ສ້າງຈໍາກັດ (ໃນນາມບໍລິສັດສໍາປະທານແຫຼ່ງທ່ອງທ່ຽວຂຸນນໍ້າຄໍາດິບ) ກໍ່ໄດ້ມອບເງິນສົດຈໍານວນ 1 ລ້ານກີບ ໃຫ້ແກ່ພະແນກ ຖວທ ແຂວງ ຫຼັງຈາກນັ້ນທາງພະແນກ ຖວທ ແຂວງຈະໄດ້ເອົາເງິນຈໍາ ນວນດັ່ງກ່າວໄປມອບໃຫ້ແກ່ຄະ ນະສະເພາະກິດຂອງແຂວງຊຶ່ງ ເປັນກຽດມອບໂດຍ ທ່ານ ສົມຊາຍ ບຸນທະລາດ ຕາງໜ້າບໍລິສັດ ທະນົງພົນ ການຄ້າ ແລະ ກໍ່ສ້າງ ຈໍາກັດ ແລະ ຮັບໂດຍທ່ານ ແສງມະນີ ສີລາເພັດ ຮອງຫົວໜ້າພະ ແນກ ຖວທ ແຂວງ.

 ຊຶ່ງຈໍານວນເງິນທີ່ໄດ້ຮັບການປະກອບສ່ວນຈາກຜູ້ປະກອບການທຸລະກິດພາຍໃນແຂວງຄໍາມ່ວນໃນວັນທີ 14 ພຶດສະພາ 2021 ລວມເປັນຈໍານວນເງິນທັງໝົດ 156 ລ້ານກີບ.

   ສ່ວນໃນພາກບ່າຍ ທ່ານ ນາງ ເພັດສະໝອນ ແສງສະຫວ່າງ ປະທານບໍລິສັດກໍ່ສ້າງເຄຫາສະຖານຂົວ-ທາງ-ຊົນລະປະທານ ຈໍາກັດ ຜູ້ດຽວໄດ້ມອບເງິນສົດຈໍານວນ 100 ລ້ານກີບ, ທ່ານ ນາງ ສີສຸພັນ ອິນທິລາດ ຮອງປະທານບໍລິສັດ ທະນົງພົນ ການຄ້າ ແລະ ກໍ່ສ້າງ ຈໍາກັດໄດ້ມອບເງິນຈໍານວນ 20 ລ້ານກີບ , ຜູ້ປະກອບການໂຮງງານປຸງແຕ່ງໄມ້ສໍາເລັດຮູບ NT ມອບເງິນສົດຈໍານວນ 5 ລ້ານກີບ ຊຶ່ງຕາງໜ້າໃຫ້ແກ່ອໍານາດການປົກຄອງແຂວງຮັບເງິນໂດຍທ່ານ ບຸນມີ ພິມມະສອນ ຮອງເລຂາພັກແຂວງຮອງເຈົ້າແຂວງໆຄໍາມ່ວນ.

ຂ່າວ: ແດງສະຫວັດ ແສນພານິດ 

แชร์