ນວ ກຳນົດລາຄາ ແລະຈຸດຂາຍສະບຽງອາຫານຊ່ວງໂຄວິດລະບາດ

 ເພື່ອເປັນການປະຕິບັດທິດຊີ້ນຳຂັ້ນເທິງໃນການປະຕິບັດວຽກງານຄຸ້ມຄອງລາຄາ ແລະດັດສົມສິນຄ້າໃນຕະຫຼາດຮັບປະກັນສະຖຽນລະພາບທາງດ້ານລາຄາມີຄວາມໝັ່ນຄົງທາງດ້ານການສະໜອງສິນຄ້າພຽງພໍກັບຄວາມຕ້ອງການ, ບໍ່ມີຜົນກະທົບຕໍ່ສັງຄົມຫຼີກລ່ຽງການສວຍໂອກາດຂຶ້ລາຄາສິນຄ້າ ແລະການເກງກຳໄລທີ່ບໍ່ສົມເຫດສົມຜົນເປັນການເອົາລັດເອົາປຽບຜູ້ບໍລິໂພກ.

   ພະແນກອຸດສາຫະກຳ ແລະການຄ້ານະຄອນຫຼວງວຽງຈັນ ຮ່ວມມືກັບລັດວິສາຫະກິດ ແລະຜູ້ປະກອບການກຳນົດຈຸດບໍລິການຈຳໜ່າຍໃນລາຄາຊີ້ນຳ ແລະການຈຳໜ່າຍໂດຍຈຸດທີ 1. ບໍລິສັດວິສາຫະກິດສະບຽງອາຫານນະຄອນຫຼວງວຽງຈັນ ນຳເອົາປະເພດສິນຄ້າເຂົ້າກິນ ແລະຊີ້ນໝູອອກຈຳໜ່າຍຢູ່ນະຄອນຫຼວງ 2 ຈຸດເຊັ່ນຢູ່ບ້ານສີຫອມ ເມືອງຈັນທະບູລີ ເລີ່ມເວລາ 8:00 ຫາ 17:00 ໂມງ ຈັນຫາສຸກຕິດຕໍ່ 02022223339, 020 55646928; ຈຸດທີ 2 ຢູ່ຕະຫຼາດບຶງທາດຫຼວງ ມີສະເພາະຊີ້ນໝູເລີ່ມ 8:00 ຫາ 17:00 ໂມງ ວັນຈັນ ຫາ ວັນສຸກ ສ່ວນລາຄາເຂົ້າໜຽວປະເພດ 1 ລາຄາ 35 ພັນກີບ ຖົງ 5 ກິໂລ , ເຂົ້າຈ້າວລາຄາ 42 ພັນກີບຖົງ 5 ກິໂລ, ຊີ້ນໝູປະເພດ 1 ລາຄາສູງສຸດ 48 ພັນກີບຕໍ່ກິໂລ, ຊີ້ນໝູປະເພດ 2 ລາຄາ 44 ພັນກີບຕໍ່ກິໂລ.

   ຈຸດທີ 2 ແມ່ນໃຫ້ບໍລິສັດຊີພີຈຳກັດນຳເອົາສິນຄ້າປະເພດຊີ້ນໝູອອກມາຈຳໜ່າຍພາຍໃນຮ້ານຊີພີພັອກຊັອບ 20 ຮ້ານ ຢູ່ໃນນະຄອນຫຼວງວຽຈັນຮອດວັນທີ 23 ພຶດສະພາ 2021 ເລີ່ມເວລາ 6:00 ໂມງ ຫາ 19:00 ໂມງ ໃນລາຄາກະດູກຂ້າງໝູລາຄາ 47 ພັນກີບຕໍ່ກິໂລ, ສັນໃນລາຄາ 44 ພັນກີບຕໍ່ກິໂລ, ກະດູກອ່ອນ ລາຄາ 47.5 ພັນກີບຕໍ່ກິໂລ, ຊີ້ນສະໂພກ39.500 ກີບຕໍ່ກິໂລ, ຄໍໝູປີ້ງ 47.500 ກີບກິໂລ, ຊີ້ນບ່າໄຫຼ່ 38.500 ກີບກິ ໂລ, ສັນຄໍ 47.500 ກີບກິໂລ, ຊີ້ນສອງ ຊັ້ນ 39.500 ກີບກິໂລ,ສັນນອກ 41.500 ກີບກິໂລ,ຊີ້ນ 3 ຊັ້ນລອກໜັງລາຄາ 44.500 ກີບກິໂລ,ສັນນອກຕິດໜັງ 44.500 ກີບກິໂລ,ຊີ້ນ 3 ຊັ້ນ 46.500 ກີບກິໂລ.

   ຈຸດທີ 3 ບໍລິສັດແສງເພັດ ແຈ້ງສະຫວ່າງສົ່ງເສີມການກະເສດຂາອອກ-ຂາເຂົ້າຈຳກັດຜູ້ດຽວນຳເອົາສິນຄ້າປະເພດເຂົ້າກິນອອກມາຈຳໜ່າຍຢູ່ນະຄອນຫຼວງວຽງຈັນ ຈຸດຈຳໜ່າຍບ້ານນາສ້ຽວ ເມືອງນາຊາຍທອງ ຫຼືຕະຫຼາດຈັນສະຫວ່າງເລີ່ມເວລາ 8:00 ໂມງຫາ 17:00 ໂມງ ວັນຈັນຫາວັນທິດລາຄາເຂົ້າໜຽວປະເພດ 1 ລາຄາ 35.00 ກີບ 5 ກິໂລ,ປະເພດ 2 ລາຄາ 32.500 ກີບ 5 ກິໂລ, ເຂົ້າສານຈ້າວ 42.000 ກີບ 5 ກິໂລ, ເຂົ້າສານຈ້າວຫອມມະລິປະເພດ 1 ລາຄາ 50.000 ກີບ 5 ກິໂລ ແລະປະເພດ 2 ລາຄາ 45.000 ກີບ 5 ກິໂລ.

   ຈຸດຈຳໜ່າຍທີ 4 ຈຳໜ່າຍພັກອິນຊີຕະຫຼາດດົງນາໂຊກຂາຍໝົດມື້ແຕ່ວັນຈັນຫາພະຫັດ, ຕະຫຼາດຊ້າງຄູຂາຍຕອນບ່າຍວັນຈັນ ແລະວັນພະຫັດ, ຕະຫຼາດຫຼັກ 8 ສົມຫວັງ ຂາຍທາງອອນລາຍສົ່ງເປັນມື້, ຮ້ານຄ້າກອງທັບຫຼັກ 5 ຂາຍຕອນບາຍວັນຈັນ ແລະວັນພະຫັດ, ຕະຫຼາດທົ່ງຂັນຄຳຂາຍຕອນເຊົ້າວັນອາທິດ,ຕະຫຼາດຊຳເກດລາວສຳພັນຂາຍຕອນເຊົ້າວັນທິດ, ເດີ່ນສູນການຄ້າລາວ-ໄອເຕັກ ຂາຍວັນພຸດ ແລະວັນເສົາ.

  ຈຸດທີ 5 ແມ່ນຈຳໜ່າຍທົ່ວໄປກໍມີການບໍລິການປົກກະຕິຕະຫຼາດ, ສູນການຄ້າ, ຊັບສິນຄ້າ ແລະຮ້ານຄ້າບ່ອນທີຮັບອະນຸມັດ.

แชร์