ຫຼວງພະບາງຫຼຸດຄ່າໄຟຟ້າ 3% ໃຫ້ຜູ້ຊົມໃຊ້

   ສະພາບການແຜ່ລະບາດຂງພະຍາດໂຄວິດ-19 ໃນປີ 2021 ທີ່ເພີ່ມທະວີຄວາມຮຸນແຮງຂຶ້ນໃນປະຈຸບັນ ແລະອີງໃສ່ນະໂຍບາຍຂອງລັດຖະບານເພື່ອເປັນການຊ່ວຍ ເຫຼືອພໍ່ແມ່ປະຊາຊົນທີ່ໄດ້ຮັບຜົນກະທົບຈາກພະຍາດໂຄວິດ-19 ໄຟຟ້າລາວສາຂາຫຼວງພະບາງຈະຫຼຸດຄ່າໄຟລົງ 3 ເດືອນຕິດຕໍ່ກັນ 3% ຂອງມູນຄ່າຊົມໃຊ້ໃນແຕ່ລະເດືອນສຳລັບປະເພດທີ່ຢູ່ອາໄສ.

  ວັນທີ 12 ພຶດສະພາ 2021 ລັດວິສາຫະກິດໄຟຟ້າລາວຝ່າຍລະບົບຈໍາໜ່າຍສາຂາແຂວງຫຼວງພະບາງໄດ້ແຈ້ງມາຍັງບັນດາທ່ານຜູ້ຊົມໃຊ້ໄຟຟ້າທົ່ວແຂວງຫຼວງພະບາງຊາບທົ່ວເຖິງກັນວ່າ: ທາງລັດວິສາຫະກິດໄຟຟ້າລາວສາຂາແຂວງຫຼວງພະບາງ ໄດ້ຈັດຕັ້ງປະຕິບັດນະໂຍບາຍຂອງລັດຖະບານໃນການຫຼຸດຄ່າໄຟຟ້າພາກທີ່ຢູ່ອາໄສໃຫ້ແກ່ຜູ້ຊົມໃຊ້ໄຟຟ້າທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ໃນປີ 2021 ຊຶ່ງຈະຫຼຸດຄ່າໄຟຟ້າປະເພດທີ່ຢູ່ອາໄສ 3% ຂອງຄ່າໄຟ ແລະຄ່າບໍາລຸງຮັກສາປະຈໍາເດືອນພຶດສະພາ, ມິຖຸນາ ກໍລະກົດ ປີ 2021. ພ້ອມທັງຈະເລື່ອນໄລຍະການຊໍາລະໜີ້ຄ່າໄຟຟ້າຂອງລູກຄ້າອອກໄປຕື່ມຈາກ 2 ເດືອນ ມາເປັນ 3 ເດືອນເພື່ອຊ່ວຍຫຼຸດຜ່ອນຜົນກະທົບຈາກສະພາບການລະບາດຂອງພະຍາດໂຄວິດ-19.

   ການປັບຫຼຸດລົງຄັ້ງນີ້ກໍ່ແມ່ນອີງໃສ່ສະພາບການແຜ່ລະບາດຂອງພະຍາດໂຄວິດ-19 ໃນປີ 2021 ທີ່ເພີ່ມທະວີຄວາມຮຸນແຮງຂຶ້ນໃນປະຈຸບັນ ແລະອີງໃສ່ນະໂຍບາຍ ຂອງລັດຖະບານເພື່ອເປັນການຊ່ວຍເຫຼືອພໍ່ແມ່ປະຊາຊົນທີ່ໄດ້ຮັບຜົນກະທົບຈາກພະຍາດໂຄວິດ-19.

แชร์