ສະກາຍຄູລ ນຳສະເໜີສິນຄ້າໄດກິ້ນໃໝ່

  ໃນວັນທີ 1 ມີນາຜ່ານມາທີ່ນະຄອນຫຼວງວຽງຈັນ ບໍລິສັດສະກາຍຄູລຂາອອກ-ຂາເຂົ້າ ຈໍາກັດ ໄດ້ຈັດງານລ້ຽງຂອບໃຈລູກຄ້າ ແລະນຳສະເໜີສິນຄ້າໄດກິ້ນໃໝ່ 2019 ໂດຍການເຂົ້າຮ່ວມຂອງທ່ານ ນາງ ສາຍສຸລີ ຈ່າສານ ຜູ້ອໍານວຍການບໍລິສັດ ສະກາຍຄູລຂາອອກ-ຂາເຂົ້າ ຈໍາກັດ, ທ່ານ ໂພສະຫວ່າງ ຈ່າສານ ປະທານກຸ່ມບໍລິສັດ LDC, ທ່ານ Sum chee choong ທົ່ວໄປຝ່າຍຂາຍ ແລະການຕະຫຼາດ ບໍລິສັດ ໄດກິ້ນ ມາເລເຊຍ, ມີບັນດາຕົວແທນ ແລະ ພາກ ສ່ວນທີ່ກ່ຽວຂ້ອງເຂົ້າຮ່ວມ.

  ທ່ານ ນາງ ສາຍສຸລີ ຈ່າສານ ໃຫ້ຮູ້ວ່າ:ບໍລິສັດ ສະກາຍຄູລຂາອອກ-ຂາເຂົ້າ ຈໍາກັດ ໄດ້ທໍາການເປີດໂຕເພື່ອດໍາເນີນທຸລະກິດເຄື່ອງປັບອາກາດໄດກິ້ນພາຍ ຫຼັງທີ່ໄດ້ຮັບການແຕ່ງຕັ້ງຈາກບໍລະສັດໄດກິ້ນມາເລເຊຍ ໃຫ້ເປັນຕົວແທນຈໍາ ໜ່າຍທາງການຜະລິດຕະພັນໄດກິ້ນໃນ ປະເທດລາວ ແລະໃນວັນດຽວກັນນັ້ນ, ຍັງ ໄດ້ເປີດຫ້ອງວາງສະແດງຜະລິດຕະພັນ ໄດກິ້ນແຫ່ງທໍາອິດໃນລາວ ເພື່ອເປັນສູນ ນໍາສະເໜີສິນຄ້າທີ່ລໍ້າໜ້າດ້ວຍເຕັກໂນໂລຊີ ຍີ່ປຸ່ນ ໃຫ້ແກ່ສັງຄົມລາວ. ພາຍຫຼັງ ການເປີດໂຕຢ່າງເປັນທາງການ, ສະກາຍຄູລ ກໍໄດ້ເລີ່ມຕົ້ນຈໍາໜ່າຍເຄື່ອງປັບອາ ກາດໄດກິ້ນທີ່ມີປະສິດທິພາບສູງການໃຊ້ງານດ້ວຍລາຄາຢ່າງສົມ ເຫດສົມຜົນລວມທັງການໃຫ້ບໍລິການຫຼັງການຂາຍດ້ວຍຄວາມຮັບຜິດຊອບສູງ.

 ພຽງໜຶ່ງປີພາຍຫຼັງຈາກການເປີດໂຕ ເປັນຕົ້ນມາ ບໍລິສັດ ສະກາຍຄູລ ໄດ້ຮັບຄວາມເຊື່ອຖືຈາກລູກຄ້າຢ່າງກວ້າງຂວາງຊຶ່ງມາຮອດປະຈຸບັນບໍລິສັດສາມາດເຊັນສັນຍາສ້າງຕັ້ງສາຂາຈໍາໜ່າຍກັບ 50 ກວ່າຮ້ານຈໍາໜ່າຍ, ຮ້ານສ້ອມແປງ ແລະບໍລິສັດຕິດຕັ້ງແອຢູ່ໃນນະຄອນຫຼວງວຽງຈັນ ແລະໃນແຂວງຕ່າງພ້ອມ ກັນນີ້ຍັງໄດ້ສ້າງຕັ້ງຄວາມສໍາພັນ ແລະເປັນພັນທະມິດກັບບໍລິສັດທີ່ປຶກສາ, ສະຖາປັດ ແລະກໍ່ສ້າງເຄຫາສະຖານທີ່ສໍາຄັນ. ນອກຈາກຈໍາໜ່າຍຜະສິດຕະພັນ ໄດກິ້ນທົ່ວໄປໃຫ້ແກ່ສາຂາຈໍາໜ່າຍ ແລະ ໂຄງການກໍ່ສ້າງທັງຫຼາຍແລ້ວບໍລິສັດຍັງໄດ້ຂະຫຍາຍຕະຫຼາດ, ໄດກິ້ນເຂົ້າໄປສູ່ສູນການຄ້າທີ່ຈໍາໜ່າຍວັດສະດຸກໍ່ສ້າງ ແລະເຄື່ອງໃຊ້ໄຟຟ້າຕ່າງໆໃນຂອບເຂດທົ່ວປະເທດ.

   ເຄື່ອງປັບອາກາດໄດກິ້ນເລີ່ມຜະລິດໃນປີ 1924 ທີ່ປະເທດຍີ່ປຸ່ນ ແລະ ດ້ວຍເຕັກໂນໂລຊີຍີ່ປຸ່ນອັນລໍ້າໜ້າ, ປະຫຍັດພະລັງງານ ແລະ ເປັນມິດຕໍ່ສິ່ງແວດ ລ້ອມ, ມາເຖິງປະຈຸບັນໄດກິ້ນ ໄດ້ກາຍມາເປັນຍີ້ຫໍ້ເຄື່ອງປັບອາກາດອັນອັບໜຶ່ງຂອງໂລກ ແລະໄດກິ້ນກໍໄດ້ຖືກຍອມຮັບວ່າເປັນຜູ້ຊ່ຽວຊານດ້ານເຕັກໂນໂລຊີເຄື່ອງປັບອາກາດຂອງໂລກ.

ຂ່າວ: ວົງມະນີ    

แชร์