JDB ມອບ 2,5 ຕື້ກີບ ຊ່ວຍລັດຕ້ານໂຄວິດ-19

  ເພື່ອເປັນການປະກອບສ່ວນເຂົ້າໃນການສ້າງຄວາມເຂັ້ມແຂງໃນການຄວບຄຸມ ແລະປ້ອງກັນພະຍາດໂຄວິດ-19.

   ໃນຕອນບ່າຍຂອງວັນທີ 7 ພຶດສະພາ 2021 ທີ່ສໍານັກງານນາຍົກລັດຖະມົນຕີ, ທະນາຄານຮ່ວມພັດທະນາໄດ້ມອບເງິນສົດ ແລະອຸປະກອນການແພດລວມມູນຄ່າ 2.500,000,000ກີບ (ສອງພັນຫ້າຮ້ອຍລ້ານກີບ) ໃຫ້ລັດຖະບານລາວເພື່ອເປັນການປະກອບສ່ວນເຂົ້າໃນວຽກງານການຕໍ່ຕ້ານການແຜ່ລະບາດຂອງພະຍາດໂຄວິດ-19. 

   ເປັນກຽດກ່າວມອບໂດຍ ທ່ານ ເອກະພັນ ພະພິທັກ ປະທານສະພາບໍລິຫານທະນາຄານຮ່ວມພັດທະນາພ້ອມດ້ວຍຄະນະ ແລະເປັນກຽດກ່າວຮັບໂດຍ ທ່ານ ສຈ.ປອ ກິແກ້ວ ໄຂຄໍາພິທູນ ຮອງນາຍຍົກລັດຖະມົນຕີຫົວໜ້າສະເພາະກິດຄວບຄຸມ, ສະກັດກັ້ນຕ້ານ ແລະແກ້ໄຂການແຜ່ລະບາດຂອງພະຍາດໂຄວິດ-19, ໄດ້ສະແດງຄວາມ ຂອບໃຈເປັນຢ່າງສູງມາຍັງປະທານສະພາບໍລິຫານທະນາຄານຮ່ວມພັດທະນາທີ່ໄດ້ມີນໍ້າໃຈອັນສູງສົ່ງເຫັນໄດ້ຄວາມຈໍາເປັນໃນການຕ້ານການແຜ່ລະບາດຂອງພະຍາດໂຄວິດ-19 ແລະໃຫ້ການຊ່ວຍເຫຼືອລັດຖະບານລາວ,ເງິນ ແລະອຸປະກອນທີ່ໄດ້ຮັບຈາກທະນາຄານຮ່ວມພັດທະນາໃນຄັ້ງນີ້ເປັນການປະກອບສ່ວນທີ່ສໍາຄັນໃນການສະໜັບ ສະໜູນແຜນປະຕິບັດງານຂອງຄະນະສະເພາະກິດເພື່ອຄວບຄຸມ ແລະ ຕ້ານການລະບາດຂອງພະຍາດໂຄວິດ-19 ເພື່ອສ້າງຄວາມເຂັ້ມແຂງໃນການປ້ອງກັນການແຜ່ລະບາດຂອງພະຍາດ ໂຄວິດ-19 ຢ່າງມີມີປະສິດທິຜົນ. ຊຶ່ງມີອຸປະກອນການແພດມູນຄ່າ 400 ລ້ານກີບ ຈະມອບໃຫ້ກະຊວງສາທາ ແລະ ຈະໄດ້ແບ່ງງົບໄປສະໜັບ ສະໜູນແຕ່ລະແຂວງທີ່ມີການລະບາດຂອງພະຍາດໂຄວິດ-19 ຕາມຈຸດປະສົງຂອງ ທ່ານ ເອກະພັນ ພະພິທັກ ປະທານສະພາບໍລິຫານທະນາຄານຮ່ວມພັດທະນາ.

   ໃນໄລຍະທີ່ຜ່ານມາ ທ່ານ ເອກະພັນ ພະພິທັກປະທານສະພາບໍລິຫານທະນາຄານຮ່ວມພັດທະນາຍັງຊ່ວຍເຫຼືອຊຸກຍູ້ສັງຄົມຫຼາຍດ້ານ ແລະໃນອະນາຄົດທ່ານຈະໃຫ້ການຊ່ວຍເຫຼືອດ້ານສາທາລະນະສຸກຕື່ມອີກ.

   ມາມອບໃຫ້ແຂວງໄຊຍະບູລີໃນນັ້ນ: ບໍລິສັດ ເບຍລາວ ມອບເງິນສົດຈໍານວນ 100 ລ້ານກີບ ຕາງໜ້າມອບໂດຍແມ່ນ ທ່ານ ບຸນລ້ຽງ ພົມມະສອນ ຜູ້ຈັດການພາກ ເໜືອ ບໍລິສັດເບຍລາວ, ມີບໍລິສັດ ຈໍາປາຄໍາ ມອບເງິນສົດ 5 ລ້ານກີບ, ພະແນກແຜນການ 2 ລ້ານກີບ, ພະແນກໂຍທາ 3 ລ້ານກີບ ພະແນກການເງິນ 1 ລ້ານກີບ, ທະນາຄານການຄ້າຕ່າງປະເທດ 5 ລ້ານກີບ, ບໍລິສັດ ແສງເພັດ ເກັບກູ້ລະເບີດ 10 ລ້ານກີບ, ຮ້ານຂາຍຢາມຸງຄຸນໄຊຍະບູລີຮ່ວມກັບຮ້ານຂາຍຢາແກ້ວມະນີໂຊດນະຄອນຫຼວງວຽງຈັນ ມອບເຄື່ອງປ້ອງກັນໂຄວິດ-19 ມູນຄ່າ 10 ລ້ານກີບ, ບໍລິສັດໄຟຟ້າສາຂາແຂວງໄຊຍະບູລີມອບເຄື່ອງປ້ອງກັນໂຄວິດ ແລະນໍ້າດື່ມມູນຄ່າ 2 ລ້ານກີບ ແລະສະຖາບັນການເງິນຈຸນລະພາກທີ່ບໍ່ຮັບເງິນຝາກອານຸສອນມອບເຄື່ອງປ້ອງກັນ ໂຄວິດ-19, ນໍ້າ ດື່ມ, ກາເຟ ແລະໝີ່ແຫ້ງ ມູນຄ່າ 1,5 ລ້ານກີບ, ໂດຍມີທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ທ່ານ ເພັດພິໄຊ ສູນວິໄລ ຮອງເຈົ້າແຂວງ, ຫົວໜ້າຄະນະສະເພາະກິດຂັ້ນ ແຂວງ ແລະ ທ່ານ ພອນສະຫວັນ ໄຊສົມພັນ ຫົວໜ້າຫ້ອງວ່າການແຂວງກ່າວຮັບຕາມລໍາດັບ

ຂ່າວ: ຄໍາຕົ້ນ ວໍລະຈັກ

แชร์