ເຈົ້າໜ້າທີ່ເມືອງໂພນທອງທຳລາຍສວນຝິ່ນ 70 ກວ່າເຮັກຕາ

    ໃນກາງເດືອນ ກຸມພາ ຜ່ານມາກອງບັນຊາການ ປກສ ເມືອງໂພນທອງ ແຂວງຫຼວງພະບາງ ສົມທົບກັບຂະແໜງການຂອງເມືອງ ແລະອົງການປົກຄອງບ້ານໄດ້ທຳລາຍສວນຝິ່ນທີ່ປະຊາຊົນລັກລອບປູກຢູ່ກຸ່ມທອງສີ ເມືອງໂພນທອງ ຈໍານວນ 70 ກວ່າເຮັກຕາ ໂດຍມີຄະນະນໍາກອງບັນຊາການ ປກສ ເມືອງພ້ອມດ້ວຍພາກສ່ວນທີ່ກ່ຽວຂ້ອງ, ອົງການປົກຄອງ 4 ບ້ານເຂົ້າຮ່ວມ.

 ການທຳລາຍສວນຝິ່ນຄັ້ງນີ້ເປັນການປະ ຕິບັດຕາມຄຳສັ່ງຂອງທ່ານເຈົ້າແຂວງ ວ່າດ້ວຍການກວດກາ, ຄວບຄຸມ ແລະ ສະກັດກັ້ນການປູກຝິ່ນ, ສູບຝິ່ນຄືນໃໝ່ ແລະການລັກລອບຊື້-ຂາຍຢາເສບຕິດ ທຸກປະເພດ. ຜ່ານການກວດກາສວນຝິ່ນ ຂອງປະຊາຊົນໃນຂອບເຂດເມືອງພົບ ເຫັນປະຊາຊົນ ກຸ່ມທອງສີ ລັກລອບປູກ ຝິ່ນ 25 ຄອບຄົວ, ປະກອບມີບ້ານທອງ ສີ, ບ້ານຫ້ວຍແອ່ນ, ບ້ານກິ່ວດອກແຄ່ ແລະບ້ານຫ້ວຍເຮ້ຍ ລວມເນື້ອທ່ີທັງໝົດ 70 ກວ່າເຮັກຕາ ໃນນັ້ນເຈົ້າໜ້າທີ່ໄດ້ ສົມທົບກັບພາກສ່ວນທີ່ກ່ຽວຂ້ອງລົງມື ທໍາລາຍດ້ວຍການຖາງ ແລະຫຼົກເພື່ອບໍ່ ໃຫ້ຕົ້ນຝິ່ນເຕີບໃຫຍ່ໄດ້ອີກ.

 ພ້ອມນີ້ເຈົ້າໜ້າທີ່ໄດ້ມີການສຶກສາອົບຮົມກ່າວເຕືອນຜູ້ທີ່ເປັນເຈົ້າຂອງສວນຝິ່ນບໍ່ໃຫ້ລັກລອບປູກຝີ່ນຄືນອີກພ້ອມທັງເຊັ່ນບົດບັນທຶກໃຫ້ຢຸດເຊົາ ແລະອະທິ ບາຍໃຫ້ຮູ້ເຖິງຜົນຮ້າຍຂອງຝິ່ນ ຊຶ່ງເປັນ ການກະທຳຜິດຕໍ່ກົດໝາຍຂອງ ສປປ ລາວ ຫາກຜູ້ໃດກະທຳຜິດ ດ້ວຍການລັກ ລອບປູກ ຫຼື ລັກລອບຊື້-ຂາຍຊີ້ນສ່ວນ ຂອງຕົ້ນຝີ່ນ ແລະຢາເສບຕິດທຸກປະເພດ ແມ່ນຈະຖືກດຳເນີນຄະດີຕາມກົດໝາຍ.

ຂ່າວ: ທະນູສິນ ອິດທິພົນ    

แชร์