ໄຊສົມບູນ ຢຶດອາວຸດທີ່ຜິດກົດໝາຍ

   ໃນການເຄື່ອນໄຫວປະຕິບັດໜ້າວຽກງານກໍາລັງວິຊາສະເພາະຂອງກອງບັນຊາການ ປກສ ແຂວງໄຊສົມບູນ ໄດ້ລົງສົມທົບກັບກອງບັນຊາການ ປກສ ເມືອງທ່າໂທມ ຕັ້ງຈຸດກວດກາຄົນເຂົ້າອອກເມືອງ, ພາຫະນະ, ເຄື່ອງຂອງທີ່ຜິດກົດໝາຍທຸກປະເພດ ແລະຄົນບໍ່ດີທີ່ມີການເຄື່ອນໄຫວພົວພັນເຖິງຄວາມບໍ່ສະຫງົບຢູ່ເມືອງທ່າໂທມ, ແຂວງໄຊສົມບູນເລີ່ມແຕ່ວັນທີ 8 ມີນາ 2021 ຫາ ວັນທີ 10 ເມສາ 2021 ຜ່ານການຈັດຕັ້ງປະຕິບັດຕັ້ງຈຸດກວດກາ, ພາຫະນະ, ຄົນເຂົ້າ-ອອກ ແລະ ເຄື່ອງຂອງຜິດກົດ ໝາຍທຸກປະເພດຈຶ່ງສາມາດຢຶດອາວຸດເສິກ, ອາວຸດລ່າເນື້ອ ແລະເຄື່ອງຂອງທີ່ຜິດກົດໝາຍມາໄດ້ດັ່ງນີ້: ປືນ AK ຈໍານວນ 1 ກະບອກ, CKC ຈໍານວນ 1 ກະບອກ, ປືນກຼາບີ່ນ 1 ກະບອກ, ປືນລູກຊອງ 4 ກະບອກ, ປືນແວ່ງ 1 ກະບອກ, ປືນລົມ 2 ກະບອກ, ປືນແກັບ 30 ກະບອກ, ປືນສັ້ນ 1 ກະ ບອກ, ໝໍ້ຊ໋ອດປາ 7 ເຄື່ອງ, ຈັກສະຕິ່ນ 7 ເຄື່ອງ ແລະອາວຸດມີຄົມຈຳນວນໜຶ່ງ (ສຳລັບຈັກສະຕິ່ນ 6 ເຄື່ອງແມ່ນປະໄວ້ ຢູ່ກອງບັນຊາການ ປກສ ເມືອງທ່າໂທມ ເພື່ອລໍຖ້າບໍລິສັດເອົາເອກະສານມາຢັ້ງ ຢືນເອົາ ແລະໝໍ້ຊ໋ອດອີກ 2 ເຄື່ອງແມ່ນຍັງດໍາເນີນການສືບສວນ-ສອບສວນ. ດັ່ງນັ້ນ, ມາໃນວັນທີ 4 ພຶດສະພາ ຜ່ານມານີ້ ຫ້ອງວິຊາສະເພາະກໍໄດ້ນຳເອົາເຄື່ອງຈຳນວນດັ່ງກ່າວມາມອບໃຫ້ກອງບັນຊາການ ປກສ ແຂວງເພື່ອເກັບຮັກສາ ແລະ ຄຸ້ມຄອງໄວ້ຕາງໜ້ານໍາມາມອບໃນຄັ້ງນີ້ໂດຍທ່ານ ພັທ ແກ້ວປະເສີດ ໄຊຍະສານ ຫົວກອງພັນປ້ອງກັນເຄື່ອນທີ່ ປກສ ແຂວງ ຕາງໜ້າຮັບໂດຍ ທ່ານ ພັທ ອິນປັນ ຍາດຕິວົງ ຮອງກອງ ບັນຊາການ ປກສ ແຂວງ ເຂົ້າຮ່ວມມີບັນບັນດາຫ້ອງວິຊາສະເພາະ ແລະ ວິຊາ ການທີ່ກ່ຽວຂ້ອງເປັນສັກຂີພິຍານ.

ຂ່າວ: ປກສ ແຂວງໄຊສົມບູນ

แชร์