ລາວພົບຜູ້ຕິດເຊື້ອໂຄວິດໃໝ່ 69 ຄົນ ເສຍຊີວິດ 1 ຄົນ

  ໃນວັນທີ 9 ພຶດສະພາ ຜ່ານມາຄະນະສະເພາະກິດໄດ້ລາຍງານໃຫ້ຮູ້ວ່າ: ສະພາບການລະບາດຂອງພະຍາດ COVID-19 ຢູ່ໃນໂລກ, ຮອດປະຈຸບັນທົ່ວໂລກມີການລາຍງານການຕົວເລກຜູ້ຕິດເຊື້ອສະສົມທັງໝົດ 158.302.220 ຄົນ, ເສຍຊີວິດສະສົມ 3.295.974 ຄົນ ແລະປິ່ນປົວຫາຍດີ 136.579.825 ຄົນ, ປະເທດທີ່ຍັງມີຜູ້ຕິດເຊື້ອ ແລະເສຍຊີວິດຫຼາຍກວ່າໝູ່ໃນໂລກກໍ່ຍັງແມ່ນສະຫະລັດອາເມລິກາ, ອິນເດຍ, ບຣາຊິວ ແລະຝຣັ່ງຕາມລໍາດັບ.

    ສຳລັບ ສປປ ລາວ ມາຮອດປະຈຸບັນມີລາຍງານຜູ້ຕິດເຊື້ອທັງໝົດ 1.302 ຄົນ ໃນຈຳນວນຜູ້ຕິດເຊື້ອທັງໝົດແມ່ນໄດ້ຮັບການປິ່ນປົວຫາຍດີທັງໝົດ 232 ຄົນ (ປິ່ນປົວຫາຍດີ 78 ຄົນ) ຜ່ານການວິເຄາະກວດຊອກຫາເຊື້ອພະຍາດໂຄວິດ19, ໃນວັນທີ 8 ພຶດສະພາ 2021 ໄດ້ເກັບຕົວຢ່າງມາກວດວິເຄາະທັງໝົດ 6.827 ຕົວຢ່າງຜົນກວດວິເຄາະແມ່ນພົບຜູ້ຕິດເຊື້ອໃໝ່ 69 ຄົນຄື: ນະຄອນຫຼວງ 16 ຄົນ, ຈໍາປາສັກ 3 ຄົນ, ບໍ່ແກ້ວ 46 ຄົນ ແລະສະຫວັນນະເຂດ 4 ຄົນ, ນອກນັ້ນຍັງມີກໍລະນີເສຍຊີວິດ 1 ຄົນ.

 ສຳລັບການຕິດຕາມຜູ້ເດີນທາງເຂົ້າມາ ສປປ ລາວ ວັນທີ 8 ພຶດສະພາ 2021 ທົ່ວປະເທດມີຜູ້ເດີນທາງເຂົ້າມາທັງໝົດ 1.110 ຄົນ: ຈຸດຜ່ານດ່ານ ລາວ-ໄທ ທັງ ໝົດ 839 ຄົນ, ຈຸດຜ່ານດ່ານສະໜາມບິນສາກົນວັດໄຕທັງໝົດ 271 ຄົນ, ທຸກຄົນທີ່ເຂົ້າມາທາງຈຸດຜ່ານແດນແມ່ນໄດ້ຜ່ານການວັດແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້, ໄດ້ເກັບຕົວຢ່າງທຸກໆຄົນມາກວດຫາເຊື້ອ COVID- 19, ນຳສົ່ງ ໄປຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້.

  ການຈຳກັດບໍລິເວນຢູ່ສູນຈຳກັດບໍລິເວນປະຈຸບັນທົ່ວປະເທດມີສູນຈໍາກັດບໍລິເວນທີ່ເປີດນຳໃຊ້ຢູ່ທັງໝົດ 46 ສູນ, ມີຜູ້ຈຳກັດບໍລິເວນທັງໝົດ 3.055 ຄົນ, ທຸກຄົນແມ່ນໄດ້ເກັບຕົວຢ່າງມາກວດວິເຄາະຫາເຊື້ອພະຍາດ COVID-19.

แชร์