ເຄແອນບີໃຈດີມອບເງິນຊຸກຍູ້ກອງຫຼອນບ້ານຕ້ານໂຄວິດ

   ປະຈຸບັນພະຍາດໂຄວິດ-19 ໄດ້ແຜ່ລະບາດວົງກວ້າງຢ່າງໜ້າເປັນຫ່ວງໃນຂອບເຂດທົ່ວປະເທດຍັງພຽງ 3 ແຂວງເທົ່ານັ້ນທີ່ຍັງບໍ່ທັນມີລາຍງານການລະບາດອັນໄດ້ສົງຜົນກະທົບຢ່າງຫຼີກລຽງບໍ່ໄດ້ຕໍ່ທຸກພາກສ່ວນໜຶ່ງໃນນັ້ນກໍແມ່ນຫົວໜ່ວຍທຸລະກິດເຟີນິເຈີຊຶ່ງເປັນໜຶ່ງທີ່ສ້າງລາຍຮັບສຳຄັນແກ່ລັດຖະບານໃນຜ່ານມາແນວໃດກໍດີເຖິງຈະຫຍຸ້ງຍາກພຽງໃດກໍຕາມແຕ່ດ້ວຍຄວາມມີນໍ້າໃຈເສຍສະຫຼະຊ່ວຍພັກຊ່ວຍລັດ ແລະຊ່ວຍປະຊາຊົນກໍຄືປະເທດຊາດທ່ານ ກອງມາລາ ພົມມະໄລ ເຈົ້າຂອງ ໂຮງ ງານເຄແອນບີ ເຟີນິເຈີ ໃນຍາມວິກິດກໍບໍ່ຍອມຢູ່ລ້າໄດ້ອອກມາໃຫ້ການຊຸກຍູ້ຊ່ວຍເຫຼືອເຈົ້າໜ້າທີ່ກ່ຽວຂ້ອງທີ່ກຳລັງປະຕິບັດໜ້າທີ່ຕໍ່ສູ້ກັບສັດຕູໂຕດຽວກັນນັ້ນກໍຄືໂຄວິດ-19.

   ເມື່ອບໍ່ດົນຜ່ານມານີ້ທ່ານ ກອງມາລາ ພົມມະໄລ ເຈົ້າຂອງໂຮງງານເຄແອນບີເຟີນີເຈີທັງເປັນຮອງປະທານສະມາຄົມຟີນິເຈີລາວ ໄດ້ນຳເງິນ 1 ລ້ານກີບມອບ ໃຫ້ແກ່ອົງການປົກຄອງບ້ານບໍ່ນາງົວເມືອງຈັນທະບູລີ ແລະ5 ແສນກີບ ໃຫ້ແກ່ບ້ານໂສກປ່າຫຼວງ ເມືອງສີສັດຕະນາກ ນະຄອນຫຼວງວຽງຈັນ ໂດຍມີນາຍບ້ານ ແລະ ເຈົ້າໜ້າທີ່ກອງຫຼອນຕະຫຼອດຮອດທຸກພາກສ່ວນທີ່ກ່ຽວຂ້ອງໃນ 2 ບ້ານດັ່ງກ່າວເຂົ້າຮ່ວມນຳ.

   ທ່ານ ກອງມາລາ ພົມມະໄລ ກ່າວວ່າ: ຄືດັ່ງທີ່ຮັບຮູ້ນຳກັນແລ້ວພະຍາດໂຄວິດ-19 ໄດ້ແຜ່ລະບາດເຂົ້າມາໃນປະເທດເຮົາເປັນຮອບທີ 2 ນັບແຕ່ຕົ້ນເດືອນເມສາມານີ້ ຍອດຕົວເລກຜູ້ຕິດເຊື້ອກາຍພັນຄົນແລ້ວຊຶ່ງເຫັນວ່າເພີ່ມຂຶ້ນຢ່າງໄວວາຫຼາຍຖ້າທຽບໃສ່ການລະບາດໃນຮອບທຳອິດເມື່ອປີ 2020 ຜ່ານມາອັນໄດ້ສົ່ງຜົນໃຫ້ທຸກພາກ ສ່ວນໃນສັງຄົມຖືກກະທົບຢ່າງໜັກແຕ່ທີ່ສຳຄັນກວ່າອື່ນໃດກໍແມ່ນພະນັກງານແພດໝໍທີ່ເປັນນັກຮົບຊຸດຂ່າວເຮັດວຽກຕໍ່ສູ້ຢ່າງບໍ່ຮູ້ອິດຮູ້ເມື່ອຍຫຼາຍທ່ານນັບແຕ່ມີພະຍາດລະບາດມານີ້ຍັງບໍ່ທັນໄດ້ກັບຄືນເຮືອນຫາຄອບຄົວລູກເຕົ້າສີ່ງເຫຼົ່ານີ້ກໍຂໍສົ່ງເປັນອີກໜື່ງກຳລັງແຮງໃຈຊ່ວຍ.

  ສຳລັບການນຳເງິນມອບໃຫ້ແກ່ 2 ບ້ານຄັ້ງນີ້ກໍນັບວ່າເປັນສິນນໍ້າໃຈຈາກທຸລະກິດເຄແອນບີເຟີນິເຈີເພື່ອປະກອບສ່ວນຊຸກຍູ້ວຽກເວນຍາມຂອງເຈົ້າໜ້າກອງຫຼອນປ້ອງ ກັນຊຶ່ງເປັນອີກວຽກສຳຄັນໃນການຕ້ານໄພໂຄວິດປະຕິບັດໜ້າທີ່ເຂັ້ມງວດກວດການເຂົ້າ-ອອກຂອງລູກບ້ານໃນແຕ່ລະວັນ ແລະໃນມໍ່ໆໜ້ານີ້ທາງພວກເຮົາກໍຍັງຈະສືບຕໍ່ຊຸກຍູ້ເງິນ ແລະວັດຖຸສີ່ງຂອງຈຳເປັນມອບໃຫ້ບັນດາບ້ານໃກ້ຄຽງໃຫ້ໄດ້ 4-5 ບ້ານຕື່ມອີກ.

แชร์