ແອວເອັນທຣີ ທຸລະກິດເສື້ອຜ້າຊື່ດັງໄດ້ມາຈຳໜ່າຍຢູ່ລາວແລ້ວ

 ແອວເອັນທຣີ ດີຊາຍ ເປັນທຸລະກິດຈຳໜ່າຍສິນຄ້າເຄື່ອງປະດັບຍີ່ຫໍ້ໜຶ່ງທີ່ເປັນຊຸດແຟຊັນຊາຍ ແລະລິດຕະພັນທີ່ໄດ້ຄຸນນະພາບບໍ່ວ່າຈະເປັນເສື້ອ,ໂສ້ງ ແລະ ເຄື່ອງແຟຊັນອື່ນໆໂດຍຜ່ານການອອກແບບເອົາທີ່ເປັນເອກະລັກສາມປະເທດມາປະສົມປະສານກັນ ແລະ ເປັນແບນຊື່ດັງທີ່ຕະຫຼາດອາຊຽນໃຫ້ຄວາມນິຍົມສູງ ທັງໝົດນີ້ ແອວເອັນທຣີ ດີຊາຍ ແມ່ນໄດ້ເອົາມາວາງຂາຍຢູ່ລາວແລ້ວ.

 ທ່ານ ນາງ ວັນນາລີ ພອນສະຫວັດ ເຈົ້າຂອງຮ້ານແອວເອັນທຣີ ດີຊາຍໃຫ້ສຳພາດວ່າ: ສິນຄ້າ ແອວເອັນທຣີ ແມ່ນເຄື່ອງປະດັບເສື້ອຜ້າຊຸດສູດຂອງຜູ້ຊາຍ, ເສື້ອ, ໂສ້ງ ແລະຊຸດແຟຊັນຕ່າງໆໂດຍມີນັກອອກແບບຊື່ດັງຈາກປະເທດໄທທີ່ເຄີຍໄດ້ຮັບລາງວັນປະກວດມາແລ້ວຫຼາຍເວທີມາໃຫ້ຄຳປຶກສາແນະນຳກ່ຽວກັບການອອກແບບດັ່ງນັ້ນເພື່ອໃຫ້ຍີ່ຫໍ້ສິນຄ້າໄດ້ຮັບຄວາມນິຍົມສູງພັດທະນາຂະຫຍາຍຕະຫຼາດອອກກວ້າງຂວາງ ແລະໄດ້ເພີ່ມຄຸນນະພາບປະສົມປະສານເຂົ້າກັບຊຸດແຟຊັນໃນຍຸກປະຈຸບັນເລີຍໄດ້ນຳເອົາແບນດັ່ງກ່າວນີ້ເປີດຕະຫຼາດທຸລະກິດເພື່ອສ້າງລາຍໄດ້ຮັບ ແລະຕອບສະໜອງຂອງກຸ່ມລູກຄ້າໃຫ້ໄດ້ຕາມເປົ້າໝາຍທີ່ວາງໄວ້ໂດຍສະເພາະແມ່ນວົງການບັນເທີງລາວ.

  ທ່ານ ອາສິດທະນາທັດ ອະພິ ຣັນທາດາພອນ ນັກອອກແບບເສື້ອຜ້າຊື່ດັງຈາກປະເທດໄທໄດ້ກ່າວໃຫ້ຮູ້ອີກວ່າ: ແອວເອັນທຣີ ເປັນສູນຈຳໜ່າຍເຄື່ອງແຟຊັນສຳລັບຜູ້ຊາຍທີ່ໄດ້ມີຄັດເລືອກທີ່ເປັນເອກະລັກໂດດເດັ່ນສາມປະເທດເຂົ້າມາລວມຕົວກັນຄື: ໄທ, ລາວ ແລະ ຫວຽດນາມ ຈຸດປະສົງແມ່ນເປັນການເປີດຕະຫຼາດອາຊຽນເພື່ອຕອບສະໜອງໃຫ້ລູກຄ້າທຸກກຸ່ມໄດ້ ນຳໃຊ້ຊຸດແຟຊັນ ແລະວັດທະນະທຳສາມສັນຊາດມາປະສົມປະສານກັນນອກນັ້ນຍັງເປັນສິນຄ້າລາຄາຖືກ ແລະ ສາມາດຕອບໂຈດວ່ອງໄວທັນໃຈໃຫ້ແກ່ລູກຄ້າບໍ່ວ່າຈະເປັນການບໍລິການ, ການຮັບປະກັນສິນຄ້າ, ດ້ານຄຸນນະພາບ ແລະຄວາມທົນທານກັບອົງປະ ກອບທີ່ຜະລິດວັດຖຸດິບຈາກໜັງແທ້.

ເນື່ອງໃນໂອກາດເປີດຮ້ານໃໝ່ສິນຄ້າທຸກປະເພດແມ່ນມີສ່ວນຫຼຸດ 10% ເລີ່ມມື້ນີ້ຈົນຮອດວັນທີ 30 ມີນາ ນອກນັ້ນຍັງມີແຜນຂະຫຍາຍເປີດຫ້ອງເສື້ອຜ້າສຳລັບເດັກໂດຍ ຄາດວ່າຈະເປີດບໍລິການໃນທ້າຍປີ ນີ້ການທີ່ໄດ້ມາເປີດຫ້ອງຂາຍເສື້ອຜ້າຢູ່ລາວນີ້ກໍ່ເມື່ອເຫັນວ່າຢູ່ບ້ານຍັງບໍ່ມີຜະລິດຕະພັນຍີ່ຫໍ້ທີ່ມັນເປັນຊຸດເອກະລັກວັດທະນະທຳ ສາມສັນຊາດທີ່ໄດ້ປະສົມເຂົ້າກັນ ນີ້ເທື່ອ ແລະໃຫ້ລູກຄ້າທີ່ຍັງບໍ່ເຄີຍ ນຳໃຊ້ໄດ້ມາຮູ້ຈັກກັບຄຸນນະພາບ ວ່າສິນຄ້າຂອງເຮົາໂດດເດັ່ນໄດ້ ມາດຕະຖານແທ້ ໂດຍສະເພາະເຮົາ ຕັ້ງເປົ້າໝາຍລູກຄ້າແມ່ນວົງການຊຸບເປີໂມເດວ ແລະວົງການບັນເທີງອື່ນໆທັງໝົດນີ້ ແອວເອັນທຣີ ດີຊາຍຈະພັດທະນາຂະຫຍາຍວ່ອງໄວທັນໃຈໃຫ້ແກ່ລູກຄ້າບໍ່ວ່າຈະເປັນການບໍລິການ, ການຮັບປະກັນສິນຄ້າ ແລະດ້ານການຕະຫຼາດນອກນັ້ນຍັງຮັບເປັນທີ່ປຶກສາດ້ານອອກແບບຜະລິດຊຸດຕາມທີ່ລູກຄ້າຕ້ອງການເພື່ອໃຫ້ເປັນຫ້ອງຈຳ ໜ່າຍເສື້ອຜ້າທີ່ໄດ້ຮັບຕອບສະໜອງຈາກລູກຄ້າທັງພາຍໃນ ແລະຕ່າງປະເທດສຳລັບທ່ານໃດສົນໃຈສະໜັບສະໜູນສິນຄ້າກໍ່ສາມາດສອບຖາມຂໍ້ມູນເພີ່ມຕື່ມໄດ້ທີ່ເຟດສ໌ບຸກ: Land three ສະຖານຕັ້ງຢູ່ບ້ານວັດໄຕນ້ອຍທ່າ ເມືອງສີໂຄດຕະບອງ ນະຄອນ ຫຼວງວຽງຈັນ.

ນສພ ເສດຖະກິດ-ສັງຄົມ

แชร์