ໄຊຍະບູລີມີ 40 ໂຄງການລົງທຶນ ມູນຄ່າທັງໝົດ 503,06 ຕື້ກີບ

ທ່ານ ບຸນລ້ອມຊົມ ສີຫາປັນຍາ ຫົວໜ້າພະແນກແຜນການ ແລະການລົງທຶນ ແຂວງໄຊຍະບູລີ ໄດ້ໃຫ້ຮູ້ວ່າພະແນກແຜນການ ແລະການລົງທຶນໃນນາມເປັນເສນາທິການໃຫ້ກະຊວງແຜນການ ແລະການລົງທຶນ ແລະອົງການປົກຄອງແຂວງໃນການສັງລວມເອົາແຜນການລົງທຶນຈາກກະຊວງສາຍຕັ້ງ. ການລົງທຶນຂອງເອກະຊົນພາຍໃນ ແລະ ຕ່າງປະເທດທີ່ຂັ້ນສູນກາງອານຸມັດມາຈັດຕັ້ງຢູ່ແຂວງໄຊຍະບູລີ ເຊັ່ນໃນປີ 2018 ໄຊຍະບູລີມີໂຄງການລົງທຶນທັງໝົດ 40 ໂຄງ ການມູນຄ່າລວມໂຄງການ 503,06 ຕື້ກີບ. ໃນນີ້ທຶນພາຍໃນ 498,1 ຕື້ກີບ ແລະແຜນລົງທຶນປະຈໍາປີ 2018 ມູນຄ່າ 59,84 ຕື້ກີບ ໃນນັ້ນທຶນພາຍໃນ 59,3 ຕື້ກີບ ທຶນຕ່າງປະເທດ 519,76 ລ້ານກີບ, ສາມາດປະຕິບັດໜ້າທີ່ວຽກງານສໍາເລັດ 258,4 ຕື້ກີບ ເທົ່າກັບ 51,4% ປະຕິບັດແຜນການລົງທຶນປະຈໍາປີ 2018 ໄດ້ 40 ໂຄງ ການເປັນທຶນ 59,5 ຕື້ກີບ ເທົ່າ ກັບ 99,42% ຊໍາລະສໍາເລັດ ຕາມສັນຍາມີ 4 ໂຄງການເປັນ ທຶນ 4,316,09 ລ້ານກີບ, ໃນນີ້ມີພະແນກ ຍທຂ ມີ 20 ໂຄງການມູນຄ່າ 306,72 ຕື້ກີບ ທຶນພາຍໃນ 100% ແລະປະຕິບັດໜ້າທີ່ວຽກງານສໍາເລັດ 91,38 ຕື້ກີບເທົ່າກັບ 30% ຊໍາລະຜ່ານມາຮອດ ປີ 2018 ມູນຄ່າ 51,72 ຕື້ກີບ ຊໍາລະສໍາເລັດຕາມມູນຄ່າໂຄງການ 2 ໂຄງການມູນຄ່າ 3,97 ຕື້ກີບ ແລະສືບຕໍ່ຈັດຕັ້ງປະຕິບັດ ແລະຊໍາລະ 18 ໂຄງການມູນຄ່າ 302,74 ຕື້ກີບ.

  ໃນນັ້ນຂະແໜງພະລັງງານ ແລະ ບໍ່ແຮ່ມີ 6 ໂຄງການມູນຄ່າລວມ 143,94 ຕື້ກີບ ທຶນພາຍໃນ 100% ປະຕິບັດໜ້າທີ່ວຽກງານ ແລ້ວ 100% ຊໍາລະຜ່ານມາປີ 2018 ມູນຄ່າ 61,78 ຕື້ກີບ ສືບຕໍ່ຊໍາລະມູນຄ່າ 82,15 ຕື້ກີບ, ພະແນກສຶກສາທິການ ແລະກິລາແຂວງມີ 7 ໂຄງການມູນຄ່າລວມ 15,75 ຕື້ກີບ ທຶນພາຍໃນ 100% ປະຕິບັດໜ້າວຽກສໍາເລັດ 14,35 ຕື້ກີບເທົ່າ 91% ຊໍາລະຜ່ານມາປີ 2018 ມູນຄ່າ 8,83 ຕື້ກີບ. ຊໍາລະສໍາເລັດຕາມມູນຄ່າໂຄງການ 1 ໂຄງການມູນຄ່າ 950 ລ້ານກີບ ແລະສຶບຕໍ່ຈັດຕັ້ງປະຕິບັດຊໍາລະ 6 ໂຄງການມູນຄ່າ 6,92 ຕື້ກີບ; ສາທາລະນະສຸກແຂວງມີ 1 ໂຄງການມູນຄ່າ 3,3 ຕື້ກີບ ທຶນພາຍໃນ 100% ປະຕິບັດໜ້າວຽກສໍາເລັດ 100% ຊໍາລະຜ່ານມາຮອດປີ 2018 ມູນຄ່າ 3,300 ລ້ານກີບ ຊໍາລະສໍາເລັດຕາມມູນຄ່າໂຄງການ. ພະແນກສັບພະຍາກອນທໍາມະຊາດ ແລະສິ່ງແວດລ້ອມມີ  2 ໂຄງການ ມູນຄ່າລວມ 4,960,32 ລ້ານກີບ ທຶນຕ່າງປະເທດ 100% ປະຕິບັດ ໜ້າວຽກສໍາເລັດ 100% ຊໍາລະຜ່ານມາຮອດປີ 2018 ມູນຄ່າ 1,84 ຕື້ກີບສຶບຕໍ່ຈັດຕັ້ງປະຕິບັດ ແລະຊໍາລະ 2 ໂຄງການມູນຄ່າ 3,11 ຕື້ກີບ ພະແນກກະສິກໍາ ແລະປ່າໄມ້ມີ 4 ໂຄງການມູນຄ່າລວມ 28,38 ຕື້ກີບ ທຶນພາຍໃນ 100% ຊໍາລະຜ່ານມາຮອດປີ 2018 ມູນຄ່າ 9,5 ຕື້ກີບສືບຕໍ່ຈັດຕັ້ງປະຕິບັດ ແລະຊໍາມູນຄ່າ 16,96 ຕື້ກີບ.

 ສັງລວມແລ້ວໂຄງການລົງທຶນຂອງລັດບັນດາກະຊວງຈັດຕັ້ງຢູ່ ແຂວງໄຊຍະບູລີ 40 ໂຄງການມູນຄ່າລວມ 503,061,24 ລ້ານກີບ ໃນນີ້ທຶນພາຍໃນ 49 8,1 ຕື້ກີບ ປະຕິບັດໜ້າວຽກສໍາເລັດ 258,41 ຕື້ກີບເທົ່າກັບ 51,4% ປະຕິບັດແຜນລົງທຶນປີ 2018 ໄດ້ 40 ໂຄງການເປັນທຶນ 59,59 ຕື້ກີບເທົ່າ ກັບ 99,42% ໃນນີ້ ທຶນຕ່າງປະເທດ 272 ຕື້ກີບ.                                                                                                     

 ໂດຍ: ບຸນທີ

แชร์