.

  ລາຍງານຂໍ້ມູນຫຼ້າສຸດທີ່ມີການລວບລວມຈາກໜ່ວຍງານດ້ານສາທາລະສຸກທົ່ວໂລກລະບຸວ່າຍອດຜູ້ຕິດເຊື້ອໂຄວິດ-19 ທົ່ວໂລກສະສົມທີ່ຈຳນວນ 152.700.000 ຄົນ ແລະຍອດຜູ້ເສຍຊີວິດຢູ່ທີ່ 3,2 ລ້ານຄົນ.

  ຕາມຂ່າວຕ່າງປະເທດລາຍງານວ່າອາເມລິກາມີຍອດຜູ້ຕິດເຊື້ອໂຄວິດ-19 ສູງສຸດໃນໂລກ 33.145.766 ຄົນ, ຮອງລົງມາຄືອິນເດຍ 19.549.656 ຄົນ, ບຣາຊິນ 14.725.975 ຄົນ, ຝຣັ່ງ 5.642.359 ຄົນ, ຕວັກກີ 4.849.408 ຄົນ, ຣັດເຊຍ 4.814.558 ຄົນ, ອັງກິດ 4.418. 530 ຄົນ, ອີຕາລີ 4.035.617 ຄົນ, ແອັດສະປາຍ 3.524.077 ຄົນ ແລະເຢຍລະມັນ 3.41.373 ຄົນ ປະເທດທີ່ມີຈຳນວນຜູ້ຕິດເຊື້ອຫຼາຍກວ່າ 2 ລ້ານຄົນ ຄື: ອາກຊັງຕິນ, ໂຄໂລມບີ, ໂປໂລຍ, ອີຣານ, ເມັກຊິກ ແລະອູແກຣນ.

  ນອກຈາກນີ້ອາເມລິກາຍັງເປັນປະເທດທີ່ມີຈຳນວນຜູ້ເສຍຊີວິດສູງສຸດໃນໂລກ 590.704 ຄົນ, ຮອງລົງມາແມ່ນ ບຣາຊິນ 406.565 ຄົນ, ເມັກຊິກ 216.907 ຄົນ, ອິນເດຍ 215.523 ຄົນ, ອັງກິດ 127.524 ຄົນ, ອີຕາລີ 121.033, ຣັດເຊຍ 110.520 ຄົນ ແລະຝຣັ່ງ 104.706 ຄົນ.

แชร์