ປະທານສະມະຄົມນັກທຸລະກິດເມືອງວັງວຽງມອບເຄື່ອງຊ່ວຍເຫລືອຫ້ອງການສາທາ ແລະໜ່ວຍກູ້ໄພປະຈຳເມືອງ

   ທ່ານ ບຸນພັນ ວົງສຳພັນ ປະທານສະມະຄົມນັກທຸລະກິດໜຸ່ມເມືອງວັງວຽງພ້ອມດ້ວຍຄະນະ ແລະສະພາການຄ້າເມືອງວັງວຽງເຫັນຄວາມເປັນຫ່ວງເປັນໃຍຕໍ່ພໍ່ແມ່ປະຊາຊົນ ແລະ ລຸກຫລານຊາວເມືອງວັງວຽງ ແຂວງວຽງຈັນ ທີ່ກໍາລັງເຝົ້າລະວັງ, ປ້ອງກັນ ແລະ ຄວບຄຸມການແພ່ລະບາດຂອງເຊື້ອພະຍາດໂຄວິດ-19 ໄດ້ເຕົ້າໂຮມລະດົມທຶນນຳບັນດາບໍລິສັດ, ຫົວໜ່ວຍທຸລະກິດຜູ້ປະກອບການທົ່ວເມືອງວັງວຽງເພຶ່ອຊື້ເຄື່ອງອຸປະໂພກ-ບໍລິໂພກ ນຳມາມອບໃຫ້ຫ້ອງການສາທາລະນາສຸກເມືອງ ແລະ ໜ່ວຍກູ້ໄພ 1623 ປະຈຳເມືອງວັງວຽງ.


   ໃຫ້ກຽດເຂົ້າຮ່ວມໂດຍທ່ານ ກວຽນທອງ ເທບທິດາ ຮອງເຈົ້າເມືອງໆວັງວຽງ. ເຄື່ອງທີ່ນຳມາມອບໃນຄັ້ງປະກອບມີນໍ້າມັນລົດ, ນໍ້າດື່ມ, ໝີ່ກ່ອງ, ຜ້າອັດປາກ, ເຈວລ້າງມື, ກາເຟ, ໂຈກ, ລວມມູນຄ້າທັງໝົດ 6,560,000 ກີບ, ເຊິ່ງຈຳນວນເຄື່ອງດັ່ງກ່າວແມ່ນໄດ້ແບ່ງມອບໃຫ້ 2 ຈຸດຄື ໄດ້ມອບໃຫ້ຫ້ອງການສາທາລະນະສຸກເມືອງວັງວຽງ ມີດັ່ງນີ້: ນໍ້າມັນລົດ ຈຳນວນ 1,500,000 ກີບ, ນໍ້າດື່ມ 20 ແກ໋ດ, ໝີ່ກ່ອງ 10 ແພັກ, ຜ້າອັດປາກ 30 ກັບ, ເຈວລ້າງມື 10 ຕຸກ, ກາເຟ 6 ຖົງ, ອາຫານສວຍ 360,000 ກິບ, ເຊົ່າເຕັ້ນເພື່ອນຳມາໃຊ້ໃນການຕັ້ງຈຸດສັກຢາວັກຊິນ 200,000 ກີບ ລວມເປັນເງີນທັງໝົດ 4,060,000 ກີບ,ໃນນີ້ມອບໃຫ້ໜ່ວຍກູ້ໄພ 1623 ປະຈຳເມືອງວັງວຽງ ປະກອບມີ: ນໍ້າມັນລົດ ຈໍານວນ 1,000,000 ກີບ,ນໍ້າດື່ມ 10 ແກັດ,ໝີ່ກ່ອງ+ໂຈກ 10 ແພັກ, ຜ້າອັດປາກ 20 ກັບ, ເຈວລ້າງມື 7 ຕຸກ, ເຂົ້າສານ 1 ເປົາ ລວມເປັນເງີນທັງໝົດ 2,500,000 ກີບ ໃຫ້ກຽດກ່າວມອບໂດຍປະທານນັກທຸລະກິດໜຸ່ມພ້ອມດ້ວຍຄະນະກ້າວຮັບໂດຍທ່ານ ດຣ ເພັດສະໝອນ ບູລົມມະວົງ ກຳມະການພັກເມືອງຫົວຫນ້າຫ້ອງການສາທາລະນະສຸກເມືອງ ແລະທ່ານ ມະນີວົງ ຫຼວງປັນຍາ ວ່າການປະທານມຸນີທິຊ່ວຍເຫລືອຄົນທຸກແຂວງວຽງຈັນ ພ້ອມທັງເປັນຫົວໜ້າໜ່ວຍກູ້ໄພ 1623 ປະຈຳເມືອງວັງວຽງ.


  ໃນໂອກາດດຽວກັນນີ້ ທ່ານ ສິດທົງ ມີໄຊພົນ ຕ່າງໜ້າທີມງານມັງກອນທອງ ແລະທີມງານລົດຖີບເມືອງວັງວຽງກໍ່ໄດ້ນຳເອົາເຄື່ອງບໍລິໂພກເຊັນ: ນໍ້າດື່ມຈຳນວນ 40 ແພັກ, ໝີ່ໄວ່ໆ ຈຳນວນ 3 ແກັດ, ກາເຟ 6 ຖົງ ລວມເປັນເງີນທັງໝົດ 1 ລ້ານກວ່າກີບ ມອບໃຫ້ແກ່ຫ້ອງການສາທາລະນະສຸກເມືອງວັງວຽງກ່າວກັບໂດຍທ່ານຫົວຫນ້າຫ້ອງການສາທາລະນະສຸກເມືອງວັງວຽງ.

แชร์