ຮ້ານກາເຟປະຊານິຍົມຊີດຢາຂ້າເຊື້ອຕ້ານໂຄວິດ-19 ແລ້ວ

 ເພື່ອເປັນການຕ້ານ ແລະສະກັດກັ້ນໂຄວິດ-19 ທີ່ກໍາລັງແຜ່ລະບາດໄປທົ່ວເກືອບທຸກແຂວງຂອງລາວເຮົາຢູ່ໃນຂະນະນີ້ໂດຍສະເພາະແມ່ນຢູ່ພາຍໃນແຂວງຫຼວງພະບາງໄດ້ມີຜູ້ຕິດເຊື້ອພະຍາດໂຄວິດ-19 ແລະຮ້ານກາເຟປະຊານິຍົມເຊິ່ງເປັນຮ້ານທີ່ມີຜູ້ຄົນຈໍານວນຫຼາຍເຂົ້າໃຊ້ບໍລິການທາງຮ້ານຈິ່ງໄດ້ປະຕິບັດຕາມແຈ້ງການ ແລະຄຳສັ່ງແນະນຳຂອງຄະນະສະເພາະກິດຂັ້ນແຂວງ, ນະຄອນ, ວ່າດ້ວຍການປະຕິບັດຕາມມາດຕະການຕ້ານ ແລະ ສະກັດກັນການລະບາດຂອງພະຍາດໂຄວິດ-19.


   ທ່ານ ແຂກ ພົມມະຈັນ ເຈົ້າຂອງຮ້ານກາເຟ ປະຊານິຍົມ ນະຄອນຫຼວງພະບາງ ໄດ້ໃຫ້ສໍາພາດຕໍ່ທິມຂ່າວພວກເຮົາໃນວັນທີ 2 ພຶດສະພາ 2021 ນີ້ຮູ້ວ່າ: ຮ້ານກາເຟປະຊານິຍົມຖືວ່າເປັນຮ້ານໜຶ່ງທີ່ຫຼາຍຄົນຮູ້ຈັກ ແລະມີຊື່ສຽງໂດງດັງທີ່ນັກທ່ອງທ່ຽວຈາກປະເທດເພື່ອນບ້ານນິຍົມໄປກິນເວລາມາທ່ຽວນະຄອນຫຼວງພະບາງ, ລົດ ຊາດດ້ານການຊົງກາເຟແບບລາວໆ ແມ່ນຖຶກໃຈລູກຄ້າ. ສໍາລັບຮ້ານກາເຟປະຊານິຍົມແມ່ນໄດ້ເປີດມາເປັນເວລາ 30 ກວ່າປີແລ້ວ ແລະເນື່ອງຈາກໃນໄລຍະນີ້ໄດ້ມີການແຜ່ລະບາດຂອງເຊື້ອພະຍາດໂຄວິດ-19 ໃນຮອບສອງທີ່ພວມລະບາດໜັກເປັນວົງກ້ວາງໄປທົ່ວໂລກໃນປະຈຸບັນລວມເຖິງປະເທດລາວເຮົາທີ່ກໍາລັງແຜ່ລະບາດໄປທົ່ວ

ເກືອບທຸກແຂວງ ແລະແຂວງຫຼວງພະບາງກໍ່ເປັນແຂວງໜຶ່ງທີ່ໄດ້ກວດພົບມີຜູ້ຕິດເຊື້ອພະຍາດໂຄວິດ-19 ຈໍານວນໜຶ່ງອີກຢ່າງຮ້ານກາເຟປະຊານິຍົມເຊິ່ງເປັນຮ້ານທີ່ມີຜູ້ຄົນຈໍານວນຫຼາຍເຂົ້າໃຊ້ບໍລິການ ທາງຮ້ານຈິ່ງໄດ້ປະຕິບັດຕາມແຈ້ງການ ແລະ ຄຳສັ່ງແນະນຳຂອງຄະນະສະເພາະກິດຂັ້ນແຂວງ, ນະຄອນວ່າດ້ວຍການປະຕິບັດຕາມມາດຕະການຕ້ານ ແລະສະກັດກັນການລະບາດຂອງພະຍາດໂຄວິດ-19 ຈິ່ງໄດ້ສົມທົບກັບໜ່ວຍງານທີ່ກ່ຽວຂ້ອງໃຫ້ມາຊີດຢາຂ້າເຊື້ອ, ອະນາໄມ, ທຳຄວາມສະອາດຮ້ານ, ເພື່ອກະກຽມຈະເປີດໃຫ້ການບໍລິການຄື້ນໃໝ່ນໍາຢາຂ້າເຊື້ອມາຊີດສໍາເລັດແລ້ວ.


  ທັງນີ້ກໍເພື່ອເປັນການປ້ອງກັນ ແລະຄວບຄຸມການແຜ່ລະບາດຂອງເຊື້ອພະຍາດກ່າວ ແລະຫຼັງທີ່ມີມາດຕະການຜ່ອນຜັນກໍຈະໄດ້ເປີດໃຫ້ບໍລິການຢ່າງເປັນປົກກະຕິພ້ອມນີ້ທ່ານຍັງໄດ້ເຊີນຊວນລູກຄ້າທີ່ເຄີຍໃຊ້ບໍລິການຮ້ານກາເຟປະຊານິຍົມໃຫ້ມາໃຊ້ບໍລິການຕາມເຄີຍແຕ່ບົນພື້ນຖານການປ້ອງກັນໂຄວິດ-19, ຮັກສາໄລຍະຫ່າງ, ໃສ່ຜ້າອັດປາກ-ອັດດັງ ແລະທາງຮ້ານໄດ້ມີການບໍລິການໃຫ້ຊື້ກັບບ້ານໂດຍຈະບໍ່ໃຫ້ນັ່ງກິນຢູ່ໃນຮ້ານ, ທ່ານແຂກກ່າວ.

--------

ຂ່າວ: ສີສຸວັນ

แชร์