ທ່ານ ຈັນທະນູສອນ ອຸດົມ ເຈົ້າຂອງຫ້ອງແຖວທົ່ງປົ່ງ ບໍ່ເກັບຄ່າພັກເຊົ່າຊ່ວງໂຄວິດ

   ຊົມເຊີຍ ຄົນລາວທີ່ມີນໍ້າໃຈ ແລະຊ່ວຍເຫຼືອກັນໃນຍາມວິກິດໂດຍສະເພາະຊ່ວງໂລກລະບາດພະຍາດໂຄວິດ-19 ທ່ານ ຈັນທະນູສອນ ອຸດົມ ເຈົ້າຂອງຫ້ອງແຖວບ້ານທົ່ງປົ່ງຂ້າງໂຮງໝໍປົ່ວຕາເພິ່ນໄດ້ແຈ້ງຈະບໍ່ເກັບຄາເຊົາຈົນໂຄວິດຈະຫາຍຈາກບ້ານເຮົາເຮັດໃຫ້ປະຊາຊົນທຳມາຫາກິນໄດ້.

  ທ່ານ ຈັນທະນູສອນ ອຸດົມ ເຈົ້າຂອງຫ້ອງແຖວ ຫຼືເປັນທີຮູ້ຈັກຊື່ຫລີ້ນ ເປເລ້ ໃຫ້ສຳພາດຜ່ານທາງໂທລະສັບນັກຂ່າວພວກເຮົາຮູ້ວ່າ: ຕາມທີ່ເຫັນສະພາບບ້ານເມືອງປະຈຸບັນຖືວ່າຫຼາຍຄົນທີ່ກຳລັງປະເຊີນພົບຄວາມຫຍຸ້ງຍາກລຳບາກໂດຍສະເພາະຄົນອາໄສພັກເຊົາບໍ່ວ່າຈະເປັນນັກສຶກສາ ແລະຜູ້ທີ່ມາຊອກວຽກເຮັດງານທຳຕອນນີ້.

ສະນັ້ນເພື່ອເປັນການຊ່ວຍແບ່ງເບົາໃນນາມຕົນເອງມີຫ້ອງແຖວກໍ່ຢາກຊ່ວຍເພື່ອຄົນລາວນໍ້າກັນຊຶ່ງຫ້ອງແຖວແມ່ນຕັ້ງຢູ່ບ້ານທົ່ງປົ່ງຂ້າງໂຮງໝໍປົວຕາເປັນຫ້ອງແຖວ 2ຊັ້ນ ແມ່ນໄດ້ໃຫ້ຜູ້ພັກເຊົ່າມາຢູ່ບໍ່ໄດ້ເສຍຄ່າພັກ ແລະ ໃຫ້ຢູ່ຈົນພະຍາດໂຄວິດເບົາບາງລົງ ແລະ ເຮັດໃຫ້ປະຊາຊົນທຳມາຫາກິນໄດ້.

• 30/04/2021