2 ຕະຫຼາດຂາຍເຄື່ອງສົດ ເປີດຄືນໃໝ່ໃຫ້ປະຊາຊົນເຂົ້າຂາຍເຄື່ອງປົກກະຕິແລ້ວ

   ຕະຫຼາດໂພສີ ແລະຕະຫຼາດຊຸມຊົນລວມເຖິງບັນດາຮ້ານຂາຍເຄື່ອງຕ່າງໆໃກ້ຄຽງບ້ານໂພສີ ນະຄອນຫຼວງພະບາງ ໄດ້ຖຶກສັ່ງປິດການການຂາຍເຄື່ອງຊົ່ວຄາວນັບແຕ່ເຈົ້ານະຄອນຫຼວງພະບາງອອກແຈ້ງລ໋ອກດາວວັນທີ 26 ເມສາ ປິດບ້ານໂພສີ ເພື່ອເພີມທະວີມາດຕະການສະກັດກັ້ນ, ຄວບຄຸມ ແລະ ກຽມພ້ອມຮອບດ້ານຕ້ານໂຄວິດ-19 ຢູ່ບ້ານໂພສີ ມາຮອດວັນທີ 30 ເມສາ 2021 ນີ້ ແມ່ນໄດ້ສັ່ງເປີດໃຫ້ຂາຍເຄື່ອງເປັນປົກກະຕິແລ້ວແຕ່ຕ້ອງເຂັ່ງຂັດການປ້ອງກັນໂຄວິດ-19.


   ທ່ານ ທ່ານ ປອ ສຸລິໄຊ ຫົງສາຄອນ ຮອງຫົວໜ້າພະແນກອຸດສາຫະກໍາ ແລະການຄ້າແຂວງຫຼວງພະບາງໄດ້ໃຫ້ສໍາພາດຕໍ່ນັກຂ່າວພວກເຮົາຮູ້ວ່າຫຼັງຈາກທີ່ປິດສອງຕະຫຼາດຄືຕະຫຼາດໂພສີ ແລະຕະຫຼາດຊຸມຊົນໃນຕອນເຊົ້າຂອງວັນທີ 28 ເມສາ ຜ່ານມານີ້ທາງການຄ້າແຂວງ, ນະຄອນໄດ້ຈັດສັນໃຫ້ແມ່ຄ້າທີ່ຂາຍເຄື່ອງຢູ່ຕະຫຼາດໂພສີ ແລະຕະຫຼາດຊຸມຊົນໄປຂາຍເຄື່ອງຢູ່ທີ່ເດີ່ນທາດຫຼວງເພື່ອລໍຖ້າການຊີດພົ່ນຢາຂ້າເຊື້ອທັງສອງບ່ອນຈາກນັ້ນຈິ່ງໃຫ້ແມ່ຄ້າກັບຄືນໄປຂາຍເຄື່ອງປົກກະຕິນັບແຕ່ວັນທີ 30 ເມສາ 2021 ນີ້ ແລະແມ່ຄ້າຊາວຂາຍໃຫ້ເພີ່ມທະວີມາດຕະການສະກັດກັ້ນ-ປ້ອງກັນການແຜ່ລະບາດຂອງພະຍາດໂຄວິດ-19 ຊ່ວຍກັນຈັດຕັ້ງປະຕິບັດຕາມມາດຕະການຮັກສາໄລຍະຫ່າງໃສ່ຜ້າປິດປາກ-ປິດດັງ ທຸກຄັ້ງທີ່ອອກຈາກເຮືອນເພື່ອປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໂຄວິດຢ່າງເຂັ້ມຢ່າງເຄັ່ງຂັດ. ພ້ອມໄດ້ຮຽກຮ້ອງເຖິງຜູ້ປະກອບການທຸລະກິດຄ້າຂາຍຢູ່ບັນດາຫ້າງຮ້ານລວມເຖິງບັນດາຕະຫຼາດຈໍາໜ່າຍເຄື່ອງສົດທຸກແຫ່ງພາຍໃນແຂວງຫຼວງພະບາງຫ້າມເດັດຂາດບໍ່ໃຫ້ສວຍໂອກາດຂຶ້ນລາຄາສິນຄ້າທຸກປະເພດເພື່ອບໍ່ໃຫ້ເອົາປຽບຂອງຜູ້ບໍລິໂພກ.


 ພ້ອມດຽວກັນນີ້ພະແນກອຸດສາຫະກໍາ ແລະການຄ້າກໍໄດ້ອອກແຈ້ງການເຖິງຫ້ອງການອຸດສາຫະກໍາ ແລະ ການຄ້າ 11 ເມືອງ ແລະນະຄອນເພື່ອເເຈ້ງໃຫ້ຜູ້ປະກອບການທຸລະກິດທຸກປະເພດຈົນເຖິງຮ້ານຄ້າຂາຍສົ່ງ-ຂາຍຍົກ,ຂາຍຍ່ອຍ, ຮ້ານຂາຍຢາ,ບັນດາຕະຫຼາດຜັກສົດບໍ່ໃຫ້ສວຍໂອກາດຂຶ້ນລາຄາສິນຄ້າທຸກປະເພດເປັນຕົ້ນແມ່ນ ເຂົ້າກິນ,ຊິ້ນ(ໝູ, ງົວ, ຄວາຍ ) ໄຂ່, ໄກ່ປອກ, ເປັນປອກ, ປານິນ ແລະ ປະເພດຜຶດຜັກຕ່າງໆ ໂດຍໃຫ້ຂາຍຢູ່ໃນລາຄາເກນປົກກະຕິທີ່ທາງການກໍານົດໃຫ້ ແລະຫາກກວດພົບຜູ້ໃດລະເມີດແມ່ນຈະຖຶກກ່າວເຕືອນ ແລະປະຕິບັດມາດຕະການປັບໃໝຕາມລະບຽບກົດໝາຍ.

ຂ່າວ: ສີສຸວັນ

แชร์