ເມືອງມະຫາໄຊ ປະກາດ 7 ບ້ານ ແບບຢ່າງກະສີກໍາ

 ພິທີປະກາດຮັບຮອງບ້ານເວີນ, ບ້ານອີລານ, ບ້ານນາຕຸງ, ບ້ານດ້າງ, ບ້ານນາກຽວ, ບ້ານນາທານ ແລະບ້ານນາດີເປັນບ້ານທີ 02–08 ຂອງເມືອງມະຫາໄຊ ແລະ ເປັນບ້ານທີ 38–48 ຂອງແຂວງ ຄຳມ່ວນ, ໄດ້ຈັດຂຶ້ນໃນວັນທີ 26 ກຸມພາ 2019 ຢູ່ທີ່ໂຮງຮຽນມັດ ທະຍົມສົມບູນບ້ານນາທານໂດຍ ການເຂົ້າຮ່ວມຂອງທ່ານ ຄຳສີ ອຸດທິວົງ ຮອງເຈົ້າແຂວງໆຄຳມ່ວນ, ທ່ານ ຄໍາດີ ອາດຈະເລີນສັກຮອງເຈົ້າເມືອງໆມະຫາໄຊ, ທ່ານ ບຸນຈັນ ໄຊປັນຍາ ຫົວໜ້າພະແນກກະສິ ກຳ ແລະປ່າໄມ້ແຂວງພ້ອມດ້ວຍບັນດາແຂກຈາກພາກສ່ວນພະແນກການຂອງແຂວງ, ເມືອງ ແລະບ້ານທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

  ທ່ານ ຊຽງພອນ ວໍລະຈິດເລ ຂາຄະນະພັກຮາກຖານກຸ່ມບ້ານ ເວີນໄດ້ຕາງໜ້າໃຫ້ແກ່ນາຍບ້ານທັງ 7 ບ້ານ ລາຍງານຜົນການ ເຄື່ອນໄຫວຈັດຕັ້ງປະຕິບັດການ ສ້າງບ້ານແບບຢ່າງດ້ານກະສິກໍາ ຊຶ່ງໃນຈໍານວນ 7 ບ້ານແມ່ນມີ 2 ບ້ານ ຕັ້ງຢູ່ລຽບຕາມເສັ້ນທາງເລກ ທີ 12 ຄື: ບ້ານນາຕຸງ ແລະບ້ານ ນາດີ, ສ່ວນອີກ 5 ບ້ານທີ່ເຫຼືອແມ່ນຕັ້ງຢູ່ລຽບຕາມແຄມສາຍນໍ້າ ເຊບັ້ງໄຟ, ເນື້ອທີ່ດິນຂອງບ້ານມີ ທັງໝົດ 18.876 ເຮັກຕາ, ໄດ້ ແບ່ງອອກເປັນແຕ່ລະເຂດດິນຄື:  ເຂດດິນກະສິກໍາ 1.985 ເຮັກຕາ ກວມເອົາ 10,51%, ເຂດດິນປ່າ ໄມ້ 7.975 ເຮັກຕາ ກວມເອົາ 42,24%  ແລະເຂດດິນອື່ນໆ 8.916 ເຮັກຕາ ກວມເອົາກວມ ເອົາ 47,23%, ດິນດັ່ງກ່າວໄດ້ ສໍາເລັດການຈັດສັນ-ແບ່ງເຂດ ຕອນດິນແລ້ວ; ຈໍານວນ 7 ບ້ານ ທັງໝົດ ມີ 795 ຄອບຄົວ, ຈໍານວນ ພົນລະເມືອງ 4.180 ຄົນ, ຍິງ 2.080 ຄົນ. ໃນນັ້ນເປັນຄອບຄົວ ທີ່ເຮັດການຜະລິດກະສິກໍາທັງໝົດ 95%; ປະກອບດ້ວຍ 2 ຊົນເຜົ່າ ຄື: ເຜົ່າມະກ໋ອງ 70% ແລະເຜົ່າ ລາວ 30%; ຄວາມໜາແໜ້ນພົນ ລະເມືອງ 21,73 ຄົນຕໍ່ກິໂລຕາ ແມັດ .

  ໃນເມື່ອກ່ອນປະຊາຊົນໄດ້ພາກັນດໍາລົງຊີວິດທໍາມາຫາກິນແບບອາໄສທຳມະຊາດຕິດພັນກັບປ່າໄມ້ ເປັນຕົ້ນຕໍ, ການຕັ້ງຖິ່ນຖານບ້ານເຮືອນແມ່ນເລາະລຽບໄປຕາມ ແຄມສາຍນໍ້າເຊບັ້ງໄຟ ແລະແຄມ ສາຍທາງເລກທີ 12, ເປັນເຂດທີ່ ເໝາະສົມໃຫ້ແກ່ການປູກຝັງ-ລ້ຽງ ສັດ; ແຕ່ບາງປີເກີດມີສະພາບນໍ້າຖ້ວມເນື້ອທີ່ການຜະລິດເຊັ່ນໃນປີ 2018 ໃນຕອນດິນກະສິກໍາມີເນື້ອ ທີ່ນາ 824 ເຮັກຕາ ໃນນັ້ນມີເນື້ອທີ່ ປູກເຂົ້ານາແຊງ 421 ເຮັກຕາ, ເນື້ອ ທີ່ປູກພືດຊະນິດຕ່າງໆ 433,33 ເຮັກຕາ, ຈໍານວນສັດລ້ຽງມີ: ຄວາຍ 912 ໂຕ, ງົວ 1.871 ໂຕ, ໝູ 2.015 ໂຕ, ແບ້ 625 ໂຕ ແລະ ສັດປີກ 9.246 ໂຕ; ເນື້ອທີ່ໜອງ ປາ5,73 ເຮັກຕາ, ຈຳນວນປາທີ່ ລ້ຽງ 6 ແສນໂຕ; ມີລົດຈັກ-ລົດ ໄຖນາຍ່າງຕາມ-ເຄື່ອງປັ່ນເຂົ້າ 241 ຊຸດ, ມີເງິນກອງທຶນພັດທະນາບ້ານປະ ມານ 1 ຕື້ກວ່າກີບ; ມີການຈັດຕັ້ງກຸ່ມຜະລິດກະສິກຳສະມາ ຊິກ 120 ຄົນ ເຊັ່ນ: ກຸ່ມປູກພືດ ຜັກ-ໄມ້ໃຫ້ໝາກ; ກຸ່ມການປະມົງ-ການລ້ຽງປາ, ໄດ້ຈັດຕັ້ງກຸມປູກເຂົ້ານາແຊງຈໍານວນສະມາຊິກ 125 ຄົນເນື້ອທີ່ເຮັດການຜະລິດ 521 ເຮັກຕາ,ມີສະຖານີບໍລິການເຕັກນິກກະສິກໍາ 1 ແຫ່ງ,ມີລະບົບຊົນລະປະທາ ນ 5 ແຫ່ງ (ແບບ ຈັກສູບນໍ້າ) ມີຄວາມສາມາດຫົດ ເນື້ອທີ່ໄດ້ 622 ເຮັກຕາ, ໄດ້ມີ ການຝຶກອົບຮົມດ້ານວິຊາການ-ວິຊາຊີບດ້ານກະສິກຳ ແລະປ່າໄມ້ ແລະສ້າງໄດ້ວິຊາການກະສິກຳ ແລະປ່າໄມ້ປະຈໍາຢູ່ບ້ານເພື່ອນໍາພາ ຕົວຈິງ ຈໍານວນ 95 ຄົນ ໃນນັ້ນ ມີວິຊາການດ້ານການຜະລິດຝຸ່ນ-ໝໍດິນ 30 ຄົນ, ສັດຕະວະແພດ 27 ຄົນ , ປ່າໄມ້ບ້ານ 31 ຄົນ , ປູກພືດ 25 ຄົນ , ປູກເຂົ້າ 37 ຄົນ ສໍາລັບຄອບຄົວກະສິກຳ ແລະປ່າໄມ້ ຕົວແບບສະຫຼຸບແລ້ວຄອບຄົວພາຍ ໃນບ້ານບັນລຸມາດຕະຖານທີ່ກຳ ນົດກວມເອົາ 87,29%, ສໍາລັບ ບ້ານແບບຢ່າງດ້ານກະສິກຳ ແລະ ປ່າໄມ້ສະຫຼຸບແລ້ວບ້ານບັນລຸມາດ ຕະຖານທີ່ກຳນົດ ກວມເອົາ 95,7% ສ່ວນຄອບຄົວພັດທະນາ ແລະ ບ້ານ ພັດທະນາທັງ 7 ບ້ານ ແມ່ນບັນ ລຸມາດຖານທີ່ກໍານົດໄວ້ກວມເອົາ 87,25% ຊຶ່ງເປັນບ້ານທີ 52 – 58 ຂອງເມືອງ ແລະເປັນບ້ານທີ 431 – 437 ຂອງແຂວງ .

  ໃນພິທີ ທ່ານ ສີວອນ ທໍາມະ ວົງ ຄະນະຈັດຕັ້ງເມືອງໄດ້ຜ່ານ ຂໍ້ຕົກລົງຂອງເຈົ້າເມືອງໆມະຫາໄຊວ່າດ້ວຍການຢັ້ງຢຶນບ້ານທີ່ສຳເລັດການຈັດສັນທີ່ດິນກະສິກຳ ແລະປ່າໄມ້ ພ້ອມທັງໃບຢັ້ງຢຶນຍ້ອງ ຍໍກົມກອງ-ບຸກຄົນດີເດັ່ນປະຈໍາປີ 2018, ຂໍ້ຕົກລົງຂອງເຈົ້າແຂວງຄຳມ່ວນວ່າດ້ວຍການອອກໃບຢັ້ງຢືນບ້ານແບບຢ່າງດ້ານກະສິກຳ ແລະປ່າໄມ້ເປັນກຽດມອບໃບຢັ້ງ ຢືນບ້ານທີ່ສຳເລັດການຈັດສັນທີ່ ດິນກະສິກຳ ແລະປ່າໄມ້ພ້ອມທັງ ໃບຍ້ອງຍໍກົມກອງ-ບຸກຄົນດີເດັ່ນໃນຂະ ບວນການປະກາດບ້ານແບບ ຢ່າງດ້ານກະສິກໍາ  ແລະປ່າໄມ້ ໂດຍແມ່ນທ່ານ ສົມພົງ ວັນໄພທອງ ເຈົ້າເມືອງໆນາກາຍ, ແລະມອບໃບ ຢັ້ງຢຶນບ້ານແບບຢ່າງດ້ານກະສິ ກໍາ  ແລະປ່າໄມ້  ໂດຍແມ່ນທ່ານ ຄຳສີ ອຸດທິວົງ ຮອງເຈົ້າແຂວງໆ ຄຳມ່ວນ. ຫຼັງຈາກນັ້ນການນຳຂັ້ນ ແຂວງ, ຂັ້ນເມືອງກໍໄດ້ນໍາພາບັນດາແຂກທຸກພາກສ່ວນທີ່ເຂົ້າຮ່ວມ ພ້ອມກັນເປີດປ້າຍ ແລະລັ່ນຄ້ອງ 9 ບາດ ເພຶ່ອປະກາດຮັບຮອງທັງ 07 ບ້ານ ເປັນບ້ານແບບຢ່າງດ້ານກະສິກໍາ ແລະປ່າໄມ້ຢ່າງເປັນທາງການ.

ໂດຍ: ແດງສະຫວັດ ແສນພານິດ 

แชร์