ບໍລິສັດດາຊິກເນເຈີ-ຮ້ານອາຫານສະຕໍລີ້ບາ ຮ່ວມລະດົມທຶນໝູ່ຄູ່ແຈກອາຫານນໍ້າແພດໝໍ ແລະຕຳຫຼວດ

  ເພື່ອເປັນການຊ່ວຍເຫຼື່ອເພື່ອມະນຸດຮ່ວມຊາດໂດຍສະເພາະໃນຊ່ວງສັງຄົມກຳລັງປະເຊີນພະຍາດໂຄວິດຊຶ່ງປະຈຸບັນເຮັດໃຫ້ພໍ່ແມ່ປະຊາຊົນພົບບັນຫາຄວາມຫຍຸ້ງຍາກ ແລະການປະຕິບັດໜ້າທີ່ເຈົ້າໜ້າຕໍາຫຼວດ, ທະຫານ ແລະ ແພດໝໍລວມພາກສ່ວນທີ່ກ່ຽວຂ້ອງສະນັ້ນເພື່ອເປັນການແບ່ງເບົາຊ່ວຍສັງຄົມບໍລິສັດດາຊິກເນເຈີ-ຮ້ານອາ ຫານສະຕໍລີ້ບາຮ່ວມລະດົມທຶນເຕົ້າໂຮມໝູ່ຄູ່ ແລະ ຄົນຮັກແພງທີ່ມີນໍ້າໃຈຢາກຊ່ວຍສັງຄົມໄດ້ແຈກນໍ້າ ແລະ ອາຫານແພດໝໍ ແລະ ຕໍາຫຼວດ 6ຈຸດທີ່ກຳລັງປະຕິບັດໜ້າທີ່.


   ທ່ານ ນາງ ດາລຸນນີ ສຸທຳມະວົງ ເຈົ້າຂອງບໍລິສັດດາຊິກເນເຈີ-ຮ້ານອາຫານສະຕໍລີ້ບາ ໃຫ້ສຳພາດນັກຂ່າວພວກເຮົາຜ່ານໂທລະສັບໃຫ້ຮູ້ວ່າ: ໃນວັນທີ 27 ເມສາ 2021 ຜ່ານມາ ທາງບໍລິສັດດາຊິກເນເຈີ ແລະຮ້ານອາຫານສະຕໍລີ້ບາ ໄດ້ປຸກລະດົມເຕົ້າໂຮມໝູ່ຄູ່ ແລະຄົນຮັກແພງທີ່ມີຈິດໃຈຢາກຊ່ວຍສັງຄົມແຈກຍ້າຍແພດມໍ ແລະ ຕໍາຫຼວດ 6 ຈຸດທີ່ກຳລັງປະຕິບັດໜ້າທີ່.
  ໂອກາດດັ່ງກ່າວທ່ານ ນາງ ດາລຸນນີ ພູມມະສັກ ໃນນາມເປັນແມ່ຍິງລາວແລະປະຊາຊົນລາວຂໍສົ່ງມອບກຳລັງໃຈພອ້ມດວ້ຍວັດຖຸປັດໃຈບາງສວ່ນກໍ່ຄືອາຫານ ແລະນໍ້າດື່ມພອ້ມດວ້ຍອຸປະກອນບາງສ່ວນເພື່ອສະແດງເຖີງຄວາມຮູ້ບຸນຄຸນຄວາມຮັກຄວາມຫວ່ງໄຍເປັນກຳລັງໃຈຈາກຄົນລາວນຳກັນເຜື່ອໃຫ້ນັກຮົບຊຸດຂາວຂອງເຮົາຈະໄດ້ມີເຮື່ອແຮງມີກຳລັງໃຈໃນການຕໍ່ສູ້ໃນບັ້ນຮົບຄັ້ງນີ້.


  ຢາກໃຫ້ທຸກຄົນມີສະຕິໃນເຫດການຄັ້ງນີ້ໃນເມື່ອມັນເກີດຂື້ນແລ້ວເຮົາຕອ້ງແກ້ໄຂໃນສີ່ງທີ່ເກີດຍອມຮັບໃນສີ່ງທີ່ເປັນແລ້ວທຸກຄົນຈະເຫັນທາງອອກ. ໃນເມື່ອເຮົາຕ້ານທານມັນບໍ່ໄດ້ເຮົາກໍ່ຕອ້ງຍອມເປັນພັນທະມິດກໍ່ຄືພວກດຽວກັບມັນ (COVID-19)ນີ້ໂດຍການທີ່ຄົນເຮົາທຸກຄົນຮວ່ມແຮງຮວ່ມໃຈໄປຮັບວັກຊີນກໍ່ຄືໄປຝັງເຊື້ອຂອງມັນໄວ້ໃນໂຕເຮົາກັນທຸກຄົນ ແລະດາຮຽກຮອ້ງໃຫ້ທຸກພາກສວ່ນປະຕິບັດຕາມຄຳຊີ້ແນະຂອງຫນວ່ຍງານສະເພາະກິດເພື່ອຕົວທ່ານເອງເພື່ອຄອບຄົວເພື່ອຄົນທີ່ເຮົາຮັກ ແລະເພື່ອປະເທດຊາດ.
  ສຸດທ້າຍນີ້ດາຂໍອວຍພອນໃຫ້ນັກຮົບຊຸດຂາວ ແລະພາກສວ່ນທີ່ກ່ຽວຂອງກໍ່ຄືເຈົ້າຫນ້າທີ່ຕຳຫລວດທະຫານຜູ້ການຮັກສາການທຸກຄົນພອ້ມດວ້ຍປະຊາຊົນລາວເຮົາທຸກຄົນຜ່ານພົ້ນວິກິດນີ້ໃຫ້ໄດ້ໂດຍໄວໃຫ້ປະເທດເຮົາກັບໃຊ້ຊີວິດປົກກະຕິໄດ້ຄືເກົ່າຮັກສາໂຕຮັກສາໃຈໂລກໄພຈະໄດ້ບໍ່ມາໃກ້ຂໍໃຫ້ທຸກຄົນປອດໄພ.

แชร์