ລາວພົບຜູ້ຕິດເຊື້ອໂຄວິດອີກ 6 ກໍລະນີ ມວນຊົນຕື່ນຕົວສັກວັກແຊງແລ້ວເກືອບ 50 ພັນຄົນ

  ຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດ COVID-19, ຖະແຫຼງຕໍ່ສື່ມວນຊົນໃນຕອນບ່າຍວັນທີ 22 ເມສາ 2021 ນີ້ວ່າ: ມາເຖິງປະຈຸບັນທົ່ວໂລກມີຕົວເລກຜູ້ຕິດເຊື້ອໂຄວິດ-19 ທັງໝົດ 144,3 ລ້ານກວ່າຄົນ ເສຍຊີວີດ 3,7 ລ້ານຄົນ ປີ່ນປົວຫາຍດີ 122,8 ລ້ານຄົນ ປະເທດທີ່ມີຜູ້ຕິດເຊື້ຫຼາຍກວ່າໝູ່ແມ່ນສະຫາລັດອາເມລິກາມີຕົວເລກສະສົມ 32 ລ້ານກວ່າຄົນ,ເສຍຊີວິດກວ່າ 5,8 ແສນຄົນ ຮອງມາແມ່ນອິນເດຍ 15 ລ້ານກວ່າຄົນ ເສຍຊີວິດ 1,8 ແສນຄົນ ສ່ວນອາຊຽນແມ່ນອິນໂດນິເຊຍມີຄົນຕິດເຊື້ອຫຼາຍສຸດ 1,6 ລ້ານຄົນ ຖັດລົງມາແມ່ນຟິລິບປິນ, ມາເລເຊຍປະເທດໃກ້ຄຽງກໍມີການຕິດເຊື້ອໃໝ່ຫຼາຍ ເຊັ່ນ: ໄທ.

  ສຳລັບວຽກຜ່ານແດນທົ່ວປະເທດມີຄົນເຂົ້າ-ອອກ 2,8 ພັນຄົນ ລາວໄທ 1,6 ພັນຄົນ, ລາວ-ຈີນ 37 ຄົນ, ລາວ-ຫວຽດນາມ 800 ກວ່າຄົນ ສະໜາມບິນວັດໄຕ 300 ກວ່າຄົນ ທຸກຄົນທີ່ເຂົ້າມາແມ່ນກວດອຸນຫະພູມ, ເກັບຕົວຢ່າງມາກວດຫາເຊື້ອ ແລະສົ່ງຈຳກັດບໍລິເວນທີ່ມີທັງໝົດ 47 ສູນມີຄົນກັກ ຢູ່ປະຈຸບັນ 3,4 ພັນຄົນ ໃນວັນທີ 21 ເມສາເກັບມາກວດ 758 ຄົນ ລວມທັງຈຸດຂະຫຍາຍຈຸດກວດໃໝ່ຢູນະຄອນຫຼວງ 6 ແຫ່ງ 1 ພັນກວ່າຕົວຢ່າງ ແລະພົບຜູ້ຕິດເຊື້ອ 6 ກໍລະນີ 4 ກໍລະ ນີຢູ່ນະຄອນຫຼວງ 1 ກໍລະນີຢູ່ບໍ່ແກ້ວ ແລະອີກ 1 ກໍລະນີຢູ່ສະຫວັນນະເຂດເຮັດໃຫ້ປະຈຸບັນຢູ່ ສປປ ລາວ ລວມມີຕົວເລກຜູ້ຕິດເຊື້ອສາສົມແລ້ວ 94 ກໍລະນີ ກຳລັງ ປີ່ນປົວ 45 ກໍລະນີ ແລະປີ່ນປົວຫາຍດີແລ້ວ 49 ກໍລະນີ.

 ຢ່າງໃດກໍດີທັງນີ້ຄະນະສະເພາະກິດໄດ້ຮຽກຮ້ອງມາຍັງບັນດາພໍ່ແມ່ນຊາຊົນທີ່ມີຄວາມສ່ຽງ ແລະມີອາການສົງໃສຈົ່ງຮີບຮ້ອນເຂົ້າມາກວດຫາເຊື້ອຕາມຈຸດທີ່ລັດຈັດວາງໄວ້ໃຫ້ ແລະໄປສັກຢາວັກແຊງກັນພະຍາດໂຄວິດ-19 ໂດຍບໍ່ມີການເສຍຄ່າໃຊ້ຈ່າຍແຕ່ຢ່າງໃດໂດຍນັບແຕ່ເດືອນມັງກອນມາຮອດຂະນະນີ້ກະຊວງສາທາລະນະສຸກເປີດ ເຜີຍວ່າ: ໄດ້ສັກໃຫ້ປະຊາຊົນ ແລະກຸ່ມສ່ຽງແລ້ວໃນເຂັມທຳອິດ 1,09 ແສນຄົນສ່ວນຜູ້ທີ່ສັກຄົບເຂັມທີ 2 ແລ້ວມີ 47,1 ພັນກວ່າຄົນ ຢູ່ໃນ 3 ກຸ່ມເປົ້າໝາຍຫຼັກເປັນຕົ້ນແພດໝໍຜູ້ເຮັດວຽກຈຸກກັກບໍລິເວນ ແລະກຸ່ມເຮັດວຽກຢູ່ຈຸດຜ່ານແດນທົ່ວປະເທດ.

 ຊຶ່ງປະຈຸບັນຍັງມີວັກແຊງ 1 ລ້ານກວ່າໂດສ ໄວ້ສັກໃຫ້ປະຊາຊົນໄດ້ອີກ 5 ແສນກວ່າຄົນ ແລະກຳລັງຊອກຫາມາອີກຄາດວ່າໃນເດືອນຕໍ່ໜ້ານີ້ຈະຈັດສັນມາໄດ້ຕື່ມ ແລະບໍ່ໃຫ້ຕົກໃຈຄາດວ່າຈະພຽງພໍກັບຄວາມຕ້ອງການຢ່າງແນ່ນອນໂດຍປະະຈຸບັນພາຍຫຼັງປີໃໝ່ ຫຼື ພົບກໍລະນີຕິດເຊື້ອໃນຮອບໃໝ່ມານີ້ແມ່ນປະຊາຊົນໄດ້ຕື່ນຕົວຂຶ້ນຫຼາຍໂດຍສະເພາະແມ່ນໃນນະຄອນຫຼວງວຽງຈັນ ແລະຕ່າງແຂວງ.

แชร์