ວິລະບູລີ ປະຊຸມຜູ້ບໍລິຫານການສຶກສາ

  ເມື່ອບໍ່ດົນມານີ້ຫ້ອງການສຶກສາທິການ ແລະກີລາເມືອງວິລະບູລີ ໄດ້ຈັດກອງປະຊຸມສະຫຼຸບຜູ້ບໍລິຫານການສຶກສາປະຈໍາພາກຮຽນທີ I ແລະວາງທິດທາງແຜນການປະຈໍາພາກຮຽນທີ II ປະຈໍາສົກຮຽນ 2020–2021 ແລະປະດັບຫຼຽນໄຊແຮງງານ, ຫຼຽນກາແຮງງານ, ໃບຍ້ອງຍໍວຽກງານບໍາລຸງມັດທະຍົມຕົ້ນທີ່ສະໂມສອນຂອງເມືອງ,ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ຄໍາຜຸຍ ສີບຸນເຮືອງ ເຈົ້າເມືອງວິລະບູລີ,ທ່ານ ສີອຸດອນ ທອງສຸວັນ ຮັກສາການຫົວໜ້າພະແນກສຶກສາທິການ ແລະກີລາ ແຂວງສະຫວັນນະເຂດ, ທ່ານ ນາງທູນທະລາ ໄຊຍະສານ ຫົວໜ້າຫ້ອງການສຶກສາທິການ ແລະກີລາເມືອງ, ມີບັນດາຫົວໜ້າຄະນະຫ້ອງການພ້ອມດ້ວຍພະນັກງານວິຊາການຫ້ອງການສຶກສາທິການ ແລະກີລາເມືອງ, ຄະນະອໍານວຍການໂຮງຮຽນໃນແຕ່ລະໂຮງຮຽນ, ຄູ-ອາຈານ ແລະແຂກທີ່ຖືກເຊີນເຂົ້າຮ່ວມ.

  ກອງປະຊຸມໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດວຽກງານການສຶກສາປະຈໍາພາກຮຽນທີ I ພ້ອມທັງວາງທິດທາງແຜນການປະຈໍາພາກຮຽນທີ II ປະຈໍາສົກຮຽນ 2020–2021 ຈາກຄະນະຫ້ອງການສຶກສາທິການ ແລະກີລາເມືອງ, ນອກນັ້ນ,  ໃນກອງປະຊຸມໃນຄັ້ງນີ້ກໍ່ຍັງໄດ້ມີການຜ່ານລັດຖະດໍາລັດ, ດໍາລັດວ່າດ້ວຍການປະດັບຫຼຽນ ແລະຍ້ອງຍໍໃນແຕ່ລະຂັ້ນ ຊຶ່ງໃນນີ້ມີລັດຖະດໍາລັດຂອງປະທານປະເທດວ່າດ້ວຍການປະດັບຫຼຽນໄຊແຮງງານຂອງ ແຂວງສະຫວັນນະເຂດ ສະບັບເລກທີ 206 / ປປທ, ລົງວັນທີ 19 ພະຈິກ 2020, ສໍາລັບຢູ່ເມືອງວິລະບູລີ ຜູ້ທີ່ໄດ້ຮັບຫຼຽນໄຊແຮງງານຊັ້ນ I ມີ 1 ທ່ານ, ຫຼຽນໄຊແຮງງານຊັ້ນ II ມີຈໍານວນ 3 ທ່ານ ແລະ 1 ກົມກອງ, ຫຼຽນໄຊແຮງງານຊັ້ນ III ມີ 21 ທ່ານ, ຍິງ 4 ທ່ານ,ຜ່ານດໍາລັດຂອງນາຍົກລັດຖະມົນຕີວ່າດ້ວຍການປະດັບຫຼຽນກາແຮງງານສະບັບເລກ ທີ 579 / ນຍ ແລະດໍາລັດວ່າດ້ວຍການມອບໃບຍ້ອງຍໍລັດຖະບານ ສະບັບເລກທີ 580 /ນຍ ລົງວັນທີ 16 /11/ 2020 ໃນນີ້ໄດ້ມີຜູ້ໄດ້ຮັບຫຼຽນກາແຮງງານ ຈໍານວນ 21 ທ່ານ, ຍິງ 1 ທ່ານ ແລະຜູ້ທີ່ໄດ້ຮັບໃບຍ້ອງຍໍຂັ້ນລັດຖະບານມີຈໍານວນ 16 ທ່ານ, ຍິງ 2 ທ່ານ ແລະ 2 ກົມກອງ; ນອກຈາກນີ້ກໍ່ມີຜູ້ທີ່ໄດ້ຮັບໃບຍ້ອງຍໍຂັ້ນກະຊວງສຶກສາທິການ ແລະ ກີລາຈໍານວນ 24 ທ່ານ, ຍິງ 5 ທ່ານ ແລະ 4 ກົມກອງ, ຜູ້ທີ່ໄດ້ຮັບໃບຍ້ອງຍໍຂັ້ນພະແນກສຶກສາທິການ ແລະ ກີລາແຂວງມີຈໍານວນ 17 ທ່ານ, ຍິງ 2 ທ່ານ.   

แชร์