ໃນວັນທີ 12 ເມສາ 2021 ເຈົ້າໜ້າທີ່ໜ່ວຍງານສະກັດກັ້ນ-ຕ້ານຢາເສບຕິດ ປກສ ນະຄອນໄກສອນ ພົມວິຫານ ແຂວງສະຫວັນນະເຂດ ໄດ້ກັກຕົວເປົ້າໝາຍຄ້າ-ຂາຍຢາເສບຕິດ (ຢາບ້າ) ຄື: ທ້າວ ສຸກຈິນດາ ຫຼືຕ້ອມ ອາຍຸ 28 ປີ, ວ່າງງານຢູ່ບ້ານໂພນສະອາດ ພົບຂອງກາງຢາບ້າຈຳນວນ 2 ຖົງ, ມີ 442 ເມັດ ຢູ່ໃນຖົງໂສ້ງ, ທ້າວ ອ້າຍ ອາຍຸ 28 ປີ, ປະຊາຊົນບ້ານໂພນສະຫວ່າງໃຕ້ ແລະທ້າວ ຄຳຫຼ້າ ຫຼືຊ້າງ ອາຍຸ 38 ປີ, ວ່າງ ງານ ບ້ານໄຊຍະມຸງຄຸນ ທັງສາມຄົນຢູ່ນະຄອນໄກສອນ ພົມ ວິຫານ.

 ຕາມການລາຍງານຂອງເຈົ້າໜ້າທີ່ໜ່ວຍງານສະກັດກັ້ນຕ້ານຢາເສບຕິດນະຄອນໄກສອນ ພົມວິຫານ ໃຫ້ຮູ້ວ່າ: ໃນຄັ້ງວັນທີ 5 ເມສາ2021 ເວລາປະມານ 13 ໂມງທາງເຈົ້າໜ້າທີ່ວິຊາສະເພາະ ໄດ້ກັກຕົວເປົ້າໝາຍຄ້າ-ຂາຍຢາເສບຕິດ (ຢາບ້າ)ໄດ້ 1 ຄົນ ຄືທ້າວ ສຸກຈິນດາ ຫຼືຕ້ອມ ໄດ້ຢູ່ຂອບເຂດເສັ້ນທາງຮ່ອມເຂົ້າ ວັດໜອງເມັກ ບ້ານສອນໄຊ ນະຄອນໄກສອນ ພົມວິຫານ, ຈາກການກວດກາຄົ້ນຕົວຜູ້ກ່ຽວພົບເຫັນຢາເສບຕິດປະເພດຢາບ້າ 2 ຖົງ, ມີຈຳນວນ 442 ເມັດ ຢູ່ໃນຖົງໂສ້ງທາງເບື້ອງຊາຍຂອງຜູ້ກ່ຽວ.

  ຜ່ານການສືບສວນ-ສອບສວນຜູ້ກ່ຽວໃຫ້ການຮັບສາລະພາບວ່າ: ຢາເສບຕິດຈຳນວນດັ່ງກ່າວແມ່ນຊື້ມາຈາກນຳທ້າວ ອ້າຍ ອາຍຸ 28 ປີ, ຄົນບ້ານໂພນສະຫວ່າງໃຕ້ ນະຄອນ ໄກສອນ ພົມວິຫານ ຈາກນັ້ນ, ເຈົ້າໜ້າທີ່ຈຶ່ງໄດ້ໃຫ້ ທ້າວ ສຸກຈິດດາ ໂທລະສັບຫາ ທ້າວ ອ້າຍ ພາຍຫຼັງລົມໂທລະສັບແລ້ວ ຈຶ່ງຮູ້ວ່າ ທ້າວ ອ້າຍ ຢູ່ເຮືອນທ້າວ ສຸກຈິນດາ,ຮອດເວລາປະມານ 14: 40 ໂມງ ຈຶ່ງສາມາດກັກຕົວທ້າວອ້າຍໄດ້ຊຶ່ງຜ່ານການກວດຄົ້ນຕົນຕົວແມ່ນບໍ່ພົບຂອງກາງຄະດີຫຼັງຈາກນັ້ນ,ຈຶ່ງໄດ້ປະສານສົມທົບກັບອຳນາດການປົກຄອງບ້ານໂພນສະອາດ ແລະເຈົ້າໜ້າທີ່ປກສກຸ່ມບ້ານທີ 6 ເພື່ອທຳການກວດຄົ້ນເຄຫະສະຖານໃນຫ້ອງນອນຂອງທ້າວ ສຸກຈິນດາ, ຜ່ານການກວດຄົ້ນແມ່ນບໍ່ພົບສິ່ງຂອງຜິດກົດໜາຍ. ເຈົ້າໜ້າທີ່ຈຶ່ງໄດ້ນຳຕົວພວກຜູ້ກ່ຽວເຂົ້າມາ ປກສ ນະຄອນໄກສອນ ພົມວິຫານ ແລະໄດ້ທຳການສຶບສວນ-ສອບສວນ ທ້າວ ອ້າຍ. ໂດຍທ້າອ້າຍ ໃຫ້ການຮັບສາລະພາບວ່າ: ຢາເສບຕິດ (ຢາບ້າ) ທີ່ເອົາມາຂາຍໃຫ້ກັບ ທ້າວ ສຸກຈິນດາ ແມ່ນຊື້ມາຈາກ ທ້າວ ຄຳຫຼ້າ ຫຼືຊ້າງ ອາຍຸ 38 ປີ ວ່າງງານບ້ານ ໄຊຍະມຸງ ຄຸນນະຄອນ ໄກສອນ ພົມວິຫານ ຕໍ່ຈາກນັ້ນ, ເຈົ້າໜ້າທີ່ ຈຶ່ງໄດ້ໃຫ້ທ້າວອ້າຍຕິດຕໍ່ທາງໂທລະສັບຫາທ້າວ ຄຳຫຼ້າ, ຈົນຕົກມາຮອດເວລາປະມານ 16 ໂມງ 30 ນາທີ ທາງເຈົ້າທີ່ຈຶ່ງເຫັນທ້າວ ຄຳຫຼ້າ ແລະທ້າວ ພອນໄຊ ຫຼືຊຽງ ຂີ່ລົດຈັກຮອນດ້າຊີບີສີແດງບໍ່ມີປ້າຍທະບຽນເຂົ້າມາໃນຈຸດນັດໜາຍ, ເຈົ້າໜ້າທີ່ຕຳຫຼວດຈຶ່ງສະ ແດງຕົວເຂົ້າຈັບກຸມທ້າວ ຄຳຫຼ້າ, ສ່ວນທ້າວ ພອນໄຊ ແມ່ນເອົາຕົວຫຼົບໜີໂດຍໄດ້ພົບເຫັນຢາບ້າຈຳນວນ 3 ແພັກ, ເທົ່າກັບ 9 ມັດ, ມີຈຳນວນ 18.000 ເມັດ ຢູ່ຂອບເຂດເດີ່ນຫຍ້າຊຶ່ງທາງເຈົ້າໜ້າທີ່ກໍ່ໄດ້ສົມທົບອຳນາດການປົກຄອງບ້ານໜອງຜື ແລະເຈົ້າໜ້າທີ່ ປກສ ກຸ່ມບ້ານທີ 4 ໄດ້ກວດຄົ້ນເຄຫະສະຖານຫ້ອງນອນຂອງທ້າວ ພອນໄຊ ຊຶ່ງຜ່ານການກວດຄົ້ນແມ່ນບໍ່ພົບສິ່ງຂອງທີ່ຜິດກົດໜາຍດັ່ງນັ້ນ, ຈຶ່ງນຳຕົວພວກຜູ້ກ່ຽວພ້ອມຂອງກາງຄະດີ, ພາຫະນະຈຳນວນ 3 ຄັນເຂົ້າມາ ປກສນະຄອນ ໄກສອນ ພົມວິຫານ ເພື່ອທຳການສືບສວນ-ສອບສວນດໍາເນີນຄະດີຕາມຂັ້ນຕອນຂອງກົດໝາຍ.

แชร์