ຕອນເຊົ້າວັນທີ 12 ເມສາ 2021 ຢູ່ທີ່ ສະໂມສອນ ເມືອງເຊໂປນ ແຂວງສະຫວັນນະເຂດ ໄດ້ຈັດກອງປະຊຸມສະຫຼຸບການຈັດຕັ້ງແຜນປະຕິບັດງານປະຈຳປີ 2020 ແລະທິດທາງແຜນການປະຈຳປີ 2021 ຂອງໂຄງການເກັບກູ້ລະເບີດແຫ່ງຊາດປະຈຳ ແຂວງສະຫວັນນະເຂດ, ໂດຍການໃຫ້ກຽດເປັນປະທານຂອງ ທ່ານ ບຸນພະ ມິດ ໂສມວິຈິດອໍານວຍການເກັບກູ້ລະເບີດແຫ່ງຊາດ,ທ່ານ ພຸດທາ ພິມວົງສາ ຫົວໜ້າຫ້ອງການປະສານງານໂຄງການເກັບກູ້ລະເບີດແຫ່ງຊາດ, ຫົວໜ້າຫ້ອງການ ຄຄກລ ແຂວງສະຫວັນນະເຂດມີ ບັນ ດາຮອງເຈົ້າເມືອງ ເມືອງເຊ ໂປນ, ຮອງເຈົ້າເມືອງ ເມືອງນອງ, ຮອງເຈົ້າເມືອງໆວິລະບູລີ, ຮອງເຈົ້າເມືອງໆອາດສະພັງທອງ, ຮອງເຈົ້າເມືອງໆທ່າປາງທອງ,ກອງບັນຊາການທະຫານເມືອງເຊໂປນ, ກອງບັນຊາການ ປກສ ເມືອງເຊໂປນ,ຫົວໜ້າແຮງງານ ເມືອງເຊໂປນ, ເມືອງນອງ, ວິລະບູລີ, ອາດສະພັງທອງ,ອາດສະພອນ,ທ່າປາງທອງພ້ອມດ້ວຍພະນັກງານພາຍໃນໂຄງການເກັບກູ້ລະເບີດຢູໂຊລາວປະຈໍາຢູ່ ເມືອງເຊໂປນ ເຂົ້າຮ່ວມຈຳນວນ 297 ຄົນ, ຍິງ 166 ຄົນ, ໃນພິທີ ທ່ານ ບຸນພະມິດ ໂສມວິຈິດ ອໍານວຍການໂຄງການເກັບກູ້ລະເບີດແຫ່ງຊາດກໍ່ໄດ້ໃຫ້ກຽດກ່າວເປີດກອງປະຊຸມ ແລະມີຄຳເຫັນຕໍ່ກອງປະຊຸມດັ່ງກ່າວ, ຫຼັງ ຈາກນັ້ນ ທ່ານ ສຸວັນ ພັນທະວົງ ຊ່ຽວຊານເກັບກູ້ລະເບີດຂັ້ນສູງກໍ່ໄດ້ໃຫ້ກຽດຂື້ນຜ່ານບົດສະຫຼຸບການຈັດຕັ້ງປະຕິບັດງານປະຈຳປີ 2020 ແລະທິດທາງແຜນການປະ ຈຳປີ 2021 ຂອງໂຄງການເກັບກູ້ລະເບີດແຂວງສະຫວັນນະເຂດຊຶ່ງໃນໄລຍະ 1 ປີຜ່ານມາ ຄກລ ແຂວງສະຫວັນນະເຂດໄດ້ເອົາໃຈໃສ່ຈັດຕັ້ງປະຕິບັດໜ້າທີ່ວຽກງານຢ່າງເຂັ້ມງວດ ແລະສາມາດບັນລຸຜົນສໍາເລັດຈໍານວນໜຶ່ງໄດ້ຕາມເປົ້າໝາຍຊຶ່ງວຽກງານຕ່າງໆທີ່ພົ້ນເດັ້ນໃນປີ 2020 ສາມາດສະຫຼຸບໄດ້ດັ່ງນີ້: ຄກລ ແຂວງສະຫວັນນະເຂດໄດ້ສໍາລັດຜົນສອບເສັງຂັດເລືອກເອົາ 03 ຕຳແໜ່ງຄື: ຕຳແໜ່ງຜູ້ຊ່ວຍຊ່ຽວຊານ 05 ຄົນ, ຍິ 0 ຄົນ, ຕຳແໜ່ງຫົວໜ້າໜ່ວຍງານ 03 ຄົນ, ຍິງ 0 ຄົນ ແລະຕຳແໜ່ງຮອງຫົວໜ້າໜ່ວຍງານ 05 ຄົນ, 01 ຄົນ ແລະສຳເລັດການສົ່ງເສີມ ແລະການພັດທະນາຂີດຄວາມສາມາດໃຫ້ແກ່ພະນັກງານ ຄກລ ຢູ່ພາຍໃນມີຈຳນວນທັງໝົດ 27 ຄົນ, ຍິງ 12 ຄົນ (ຫຼັກສູດຝຶກອົບຮົມເກັບກູ້ຂັ້ນຟື້ນຖານ EOD1) ແລະດ້ານຈັດຕັ້ງພະນັງານມາຮອດປີ 2020 ຄກລ ແຂວງສະຫວັນນະເຂດ ທັງພາກຫ້ອງການ ແລະພາກສະ ໜາມມີພະນັກງານທັງໝົດ 278 ຄົນ, 83 ຄົນ, ພາກຫ້ອງການມີຈຳນວນ 17 ຄົນ, ຍິງ 06 ຄົນ ແລະພາກສະໜາມມີຈໍານວນພົນ 261 ຄົນ, ຍິງ 77 ຄົນ ແລະທິດທາງແຜນການຈັດຕັ້ງປະຕິບັດວຽກງານຈຸດສຸມປະຈໍາປີ 2021 ແມ່ນຈະຕ້ອງໄດ້ປັບປຸງລະບົບ ແລະພັດທະນາຄວາມສາມາດຄຸ້ມຄອງຂໍ້ມູນການປະຕິບັດວຽກງານໃຫ້ມີຄວາມທັນສະໄໝ ແລະວ່ອງໄວຂຶ້ນກວ່າເກົ່າເພື່ອຮັບປະກັນໄດ້ຄຸນນະພາບ ແລະການສະໜອງຂໍ້ມູນໃຫ້ທັນກັບເວລາທີ່ໄດ້ກຳນົດໄວ້ ແລະ ວຽກງານອື່ນໆ ໃຫ້ມີບາດກ້າວກະໂດດຂຶ້ນກວ່າເກົ່າ, ນອກຈາກນີ້ແລ້ວເພິ່ນຍັງໄດ້ມອບໃບຢັ້ງຢືນໃຫ້ຜູ້ທີ່ເຂົ້າຮ່ວມອົບຮົມສອບແຂ່ງຂັນເພື່ອເລືອກຕຳ ແໜ່ງ 03 ຂັ້ນ ຊຶ່ງມີຈຳນວນ 45 ຄົນ 05 ຄົນ ເປັນກຽດມອບໃບຢັ້ງຢືນເທື່ອນີ້ ທ່ານ ບຸນພະມິດ ໂສມວິຈິດ ອຳນວຍການໂຄງການເກັບກູ້ລະເບີດແຫ່ງຊາດ, ທ່ານ ພຸດທາ ພິມວົງສາ ຫົວໜ້າຫ້ອງການປະສານງານໂຄງການເກັບກູ້ລະເບີດແຫ່ງຊາດລາວ ແລະບັນດາຜູ້ມີລາຍຊື່ຂຶ້ນມາຮັບໃນເທື່ອນີ້.

ຂ່າວ: ວິໄລວອນ ສິດທິໄຊ

แชร์