ທີບພະຍະປະກັນໄພມີຍອດຂາຍເພີ່ມຂື້ນ

ວັນທີ 1 ມີນາ 2019 ບໍລິສັດ ທິບພະຍະປະກັນໄພ ຈໍາກັດ ໄດ້ຈັດກອງປະຊຸມສໍາມະນາຕົວແທນທົ່ວປະເທດທີ່ຫໍປະຊຸມແຫ່ງຊາດໂດຍການເປັນປະທານຂອງ ທ່ານ ຫໍຣະດີ ວໍລະຣາດ ຜູ້ອໍານວຍການໃຫຍ່ບໍລິສັດທິບພະຍະປະກັນໄພ ຈໍາກັດ ສປປ ລາວ, ທ່ານ ສະຍາມ ຣາມມະສູດ ປະທານຄະນະກໍາມະການຂັບເຄື່ອນທຸລະກິດ ບໍລິສັດທິບພະຍະປະກັນໄພ ຈໍາກັດ ສປປ ລາວ ບັນດາຕົວແທນຈາກນະຄອນຫຼວງວຽງຈັນ ແລະຕົວແທນຈໍາໜ່າຍທົ່ວປະເທດເຂົ້າຮ່ວມ.

  ທ່ານ ຫໍຣະດີ ວໍລະຣາດ ໄດ້ກ່າວໃຫ້ຮູ້ວ່າ: ໃນຕະຫຼອດໄລຍະເວລາ 5 ປີທີ່ ບໍລິສັດ ທິບພະຍະປະກັນໄພ ຈໍາກັດ ສປປ ລາວ ສ້າງຕັ້ງຂຶ້ນມາໄດ້ຜ່ານອຸປະສັກນາໆປະການນັບທັງການຊັບປ່ຽນຜູ້ບໍລິຫານ ແລະປັບປຸງບັນຫາຕ່າງໆແຕ່ດ້ວຍຄວາມສາມັກຄີເປັນຈິດໜຶ່ງໃຈດຽວຂອງຄະນະຜູ້ບໍລິຫານແຕ່ລະຊຸດຈົນກາຍມາເປັນບໍລິສັດປະກັນໄພລະດັບແຖວໜ້າຂອງປະເທດສະແດງໃຫ້ເຫັນຈາກການຄັດເລືອກຈາກ 24 ບໍລິສັດປະກັນໄພຍໃນລາວຈົນກາຍເປັນປະທານສະມາ ຄົມປະກັນໄພ ແຫ່ງ ສປປ ລາວ ຄົນທໍາອິດຂອງປະເທດໃນປີຜ່ານມາບໍລິສັດພວກເຮົາໄດ້ສ້າງຜົນງານອັນໂດດເດັ່ນເຂົ້າໃນສັງຄົມເປັນຕົ້ນຮັບປະມູນເຄື່ອນໄຟຟ້າພະລັງນໍ້າໄດ້ 10 ເຂື່ອນ ແລະໂຮງງານໄຟຟ້າ ແສງຕາເວັນໄດ້ 5 ໂຮງງານພ້ອມທັງໄດ້ຮັບລາງວັນທຸລະກິດດີເດັ່ນ 30 ປີ ຈາກສະພາການຄ້າ ແລະອຸດສາຫະກໍາ ແຫ່ງຊາດລາວ ໃນນັ້ນມີຈຳນວນ 24 ບໍລິສັດປະກັນໄພ ຊຶ່ງມີແຕ່ບໍລິສັດພວກເຮົາທີ່ເທົ່ານັ້ນໄດ້ຮັບໂລ້ລາງວັນສຳລັບຕົວເລກຍອດຂາຍປີ 2018 ເພີ່ມຂຶ້ນ 37% ຈາກປີ 2016 ແລະເພີ່ມຂຶ້ນ 70,6% ຈາກປີ 2017.

  ສຳລັບປີ 2019 ພວກເຮົາໄດ້ວາງຍຸດທະສາດ Tip First ໝາຍເຖິງການກ້າວເປັນຜູ້ນໍາໜ້າໃນການຂາຍປະກັນໄພໃນລາວໂດຍໄດ້ວາງຕົວເລກເປົ້າໝາຍເພີ່ມຂຶ້ນໃຫ້ໄດ້ຢ່າງຕໍ່າ 50% ຈາກຍອດຂາຍ 2018 ຊຶ່ງເປັນປີທີ່ມີການທ້າທາຍຫຼາຍເພາະໄດ້ວາງກົນລະຍຸດໃນຕະຫຼາດໃໝ່ໂດຍຈັດເປັນ 6 ທິບ ແລະ 1 ໜ່ວຍງານຊຶ່ງທັງໝົດພວກເຮົາໄດ້ມີການປັບປຸງດັດແກ້ເນື້ອໃນຂອງສັນຍາຕົວແທນຈໍາໜ່າຍຄືນໃໝ່ເພື່ອໃຫ້ສອດຄ່ອງເໝາະສົມກັບສະພາບ ແລະຄວາມຮຽກຮ້ອງຕ້ອງການຂອງປະກັນໄພໃນໄລຍະໃໝ່.

ຂ່າວ: ແພງຕາ

แชร์