ໃນວັນທີ 9 ເມສາ 2021, ທະນາຄານ ເອຊີລີດາລາວ ຈຳກັດ, ປະຊາທະນາຄານທີ່ທ່ານໄວ້ວາງໃຈ ແລະມີວິໄສທັດໃນການເປັນຜູ້ນຳທາງດ້ານທະນາຄານເພື່ອ SME ໃນ ສປປ ລາວ. ໄດ້ຈັດສະເຫຼີມສະຫຼອງປີໃໝ່ລາວໂດຍຈັດພິທີທາງສາດສະໜາເພື່ອເປັນສິລິມຸງຄຸນໃຫ້ແກ່ຜູ້ຖືຮຸ້ນ, ຜູ້ບໍລິຫານ ແລະພະນັກງານທຸກຄົນ.

 

  ທ່ານ ລັດສະໝີ ຫງວນ ຜູ້ອຳນວຍການໃຫຍ່ທະນາຄານ ເອຊີລີດາລາວ ຈຳກັດ ກ່າວວ່າ: ປີໃໝ່ລາວເປັນເທສະການທີ່ມີການສະເຫຼີມສະຫຼອງຢ່າງກວ້າງຂວາງ ແລະເປັນເທດສະການທີ່ມີເອກະລັກ ແລະມີຊື່ສຽງຂອງປະເທດລາວ. ດັ່ງນັ້ນໃນມື້ນີ້ຖືເປັນມື້ສັນວັນດີທີ່ທະນາຄານຂອງພວກເຮົາໄດ້ຈັດພິທີທາງສາດສະໜາຂຶ້ນໂດຍມີພິທີບາສີສູ່ຂວັນ ແລະຖວາຍສັງຄະທານແດ່ພະສົງ 9 ອົງ, ຂ້າພະເຈົ້າຂໍສະແດງຄວາມຂອບໃຈ ແລະຂໍອວຍພອນໄຊແກ່ລູກຄ້າຂອງທະນາຄານເອຊີລີດາທຸກໆທ່ານໂດຍສະເພາະແມ່ນລັດຖະບານ, ເຈົ້າ ໜ້າທີ່ ແລະທະນາຄານແຫ່ງ ສປປ ລາວ ທີ່ໃຫ້ການແນະນຳ ແລະສະໜັບສະໜູນດ້ວຍດີຕະຫຼອດມາ, ຂໍຂອບໃຈຜູ້ຖືຮຸ້ນ, ສະພາບໍລິຫານ, ຜູ້ບໍລິຫານ ແລະ ພະນັກງານທຸກໆທ່ານຈົ່ງມີແຕ່ຄວາມສຸກຄວາມຈະເລີນ ແລະ ປະສົບຜົນສຳເລັດທຸກປະການທ່ານ ລຳພັນ ອິນສຸລິວົງ, ຫົວໜ້າພະແນກບໍລິຫານຂອງທະນາຄານເອຊີລີດາລາວ ຈຳກັດ ກ່າວວ່າ: ເນື່ອງຈາກວ່າການແຜ່ລະບາດຂອງພະຍາດໂຄວິດ-19 ແລະ ທະນາຄານຍັງສືບຕໍ່ປະຕິບັດຕາມມາດຕະການປ້ອງກັນການແຜ່ລະບາດຂອງພະຍາດໂຄວິດ-19 ຢ່າງເປັນປົກກະຕິ, ຄຽງຄູ່ກັນນັ້ນທະນາຄານຍັງຖືເອົາຄວາມສຳຄັນໃນການຮັກສາທະນຸທຳນຽມ, ວັດທະນະທຳແລະຮີດຄອງປະ ເພນີອັນດີງາມຂອງຊາດລາວ,ສະນັ້ນທະນາຄານ ເອຊີລີດາ ຈຶ່ງມີພຽງການຈັດພິທີທາງສາດສະໜາເພື່ອເປັນສິລິມຸງຄຸນ, ຊຶ່ງທຸກສຳນັກງານຂອງທະນາຄານ ເອຊີລີດາ ໄດ້ກຳນົດການຈັດພິທີໃນວັນ ແລະເວລາດຽວກັນທົ່ວປະເທດ, ຂ້າພະເຈົ້າຂໍຖືໂອກາດນີ້ອວຍພອນໄຊແກ່ຜູ້ບໍລິຫານ ແລະພະນັກງານທຸກໆທ່ານຕະຫຼອດຮອດຄອບຄົວຈົ່ງມີແຕ່ຄວາມສຸກ, ມີສຸຂະພາບແຂງແຮງ ແລະປະສົບຜົນສຳເລັດຕະຫຼອດປີໃໝ່ນີ້ ແລະຕະຫຼອດໄປ.

 

  ທະນາຄານ ເອຊີລີດາລາວ ຈຳກັດ ເປັນທະນາຄານທຸລະກິດຕ່າງປະເທດທີ່ດຳເນີນທຸລະກິດໃນ ສປປ ລາວ ມາໄດ້ຫຼາຍກວ່າ 12 ປີ, ໃນລະດັບພູມີພາກ, ກຸ່ມເອຊີລີດາມີທະນາຄານເອຊີລີດາມະຫາຊົນຊຶ່ງເປັນບໍລິສັດແມ່ ແລະມີ 4 ບໍລິສັດລູກທີ່ດຳເນີນທຸລະກິດໃນປະເທດກຳປູເຈຍ, ລາວ ແລະ ມຽນມາ, ກຸ່ມເອຊີລີດາມີຊັບສິນລວມທັງໝົດຫຼາຍກວ່າ 6.6 ຕື້ໂດລາສະຫະລັດ, 319 ສຳນັກງານ,ຕູ້ເອທີເອັມ 809 ໜ່ວຍ ແລະໃຫ້ບໍລິການລູກຄ້າຫຼາຍລ້ານຄົນ ແລະບໍລິການໂອນເງິນໄປທົ່ວໂລກ.