ສຶກສາ ສາລະວັນ ປາຖະກະຖາວັນສ້າງຕັ້ງພັກ

  ວັນທີ 5 ເມສາ 2021 ທີ່ ຫ້ອງປະຊຸມພະແນກສຶກສາທິການ ແລະກີລາແຂວງສາລະວັນ (ສກຂ ສາລະວັນ) ໄດ້ຈັດພິທີປາຖະກະຖາຫວນຄືນມູນເຊື້ອວັນສ້າງຕັ້ງພັກປະຊາຊົນປະຕິບັດລາວຄົບຮອບ 66 ປີ (22/3/1955-22/3/2021) ໂດຍການບັນລະຍາຍຂອງທ່ານ ນາງ ທອງໃບ ໄຊຍະສານ ຮອງຫົວໜ້າພະແນກສຶກ ສາທິການ ແລະກີລາແຂວງ, ມີບັນດາທ່ານຄະນະພັກ, ຜູ້ອຳນວຍການໂຮງຮຽນເຕັກນິກວິຊາຊີບແບບປະສົມແຂວງ, ໂຮງຮຽນສາມັນກິນນອນຊົນເຜົ່າແຂວງ, ສູນການສຶກສານອກໂຮງຮຽນ, ສູນໄອທີ, ຫົວໜ້າແລະຮອງຂະແໜງ, ພ້ອມດ້ວຍວິຊາການເຂົ້າຮ່ວມ.

  ທ່ານ ນາງ ທອງໃບ ໄຊຍະສານ ໄດ້ຍົກໃຫ້ເຫັນເຖິງປະຫວັດສາດແຫ່ງການກຳເນີດ ແລະຂະຫຍາຍຕົວຂອງພັກປະຊາຊົນປະຕິບັດລາວຕະຫຼອດໄລຍະ 66 ປີຜ່ານມາທີ່ພັກເຮົາໄດ້ນຳພາການປະຕິບັດ ຊາດທິປະໄຕ ນຳພາປົກປັກຮັກສາ ແລະສ້າງສາລະບອບໃໝ່, ເວລາໄດ້ກໍ່ຍຶດໝັ້ນລັດທິມາກ-ເລນິນເປັນພື້ນຖານ, ແນວຄິດປະທານ ໄກສອນ ພົມວິຫານ ແລະຍຶດຖືຫຼັກໝັ້ນຂອງຊົນຊັ້ນກຳມະກອນຢ່າງສະເໝີຕົ້ນສະເໝີປາຍສົບທົບແໜ້ນລະຫວ່າງລັດທິຮັກຊາດອັນແທ້ຈິງກັບລັດທິສາກົນອັນຜ່ອງໃສ,  ມີຄວາມຈົງຮັກພັກດີຕໍ່ອຸດົມການປະຕິບັດ ແລະຜົນປະໂຫຍດຂອງປະຊາຊົນລາວບັນດາເຜົ່າ, ຖືເອົາຄວາມສາມັກຄີພາຍໃນເປັນຫຼັກ, ເຕົ້າໂຮມຄວາມສາມັກຄີເປັນປຶກ ແຜ່ນພາຍໃນຊາດ, ເຊີດຊູຄວາມເປັນແບບຢ່າງນຳໜ້າ, ຮັກສາໄດ້ຄຸນທາດການເມືອງ ແລະ ຄຸນສົມບັດສິນທຳປະຕິບັດ, ຄວາມເຊື່ອໝັ້ນຈາກປະຊາຊົນລາວບັນດາເຜົ່າຕະຫຼອດມາ. 

  ເມື່ອທົບທວນຫວນຄືນເສັ້ນທາງແຫ່ງການຕໍ່ສູ້ອັນລະອິດລະອ້ຽວ ແລະມີໄຊສະຫງ່າງາມຂອງຊາດເຮົາປະຊາຊົນບັນດາເຜົ່າມີຄວາມເອກອ້າງທະນົງໃຈຢ່າງຫາອັນໃດປຽບບໍ່ໄດ້ທີ່ເຫັນວ່າຕະຫຼອດໄລຍະ 66 ປີຜ່ານມາ ພັກປະຊາຊົນປະຕິບັດລາວໄດ້ນຳພາທົ່ວປວງຊົນລາວບັນດາເຜົ່າດຳເນີນການຕໍ່ສູ້ຕ້ານການຮຸກຮານ ແລະແຊກແຊງຂອງພວກຈັກກະພັດລ່າເມືອງຂຶ້ນ, ເຮັດຊຳເລັດເພື່ອປົດປ່ອຍຊາດສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ, ພັກປະຊາຊົນປະຕິບັດລາວໃນປະຈຸບັດໄດ້ຮັບການສ້າງຕັ້ງຂຶ້ນເພື່ອສືບທອດພະລະກິດອັນສະຫງ່າງາມຂອງພັກກອມມູນິດອິນດູຈີນໃນການນຳພາຂະບວນການປະຕິບັດຂອງປະເທດເຮົາໂດຍກົງ, ການກຳເນີດເກີດຂຶ້ນຂອງພັກປະຊາຊົນປະຕິວັດລາວແມ່ນຂີດໝາຍ ແລະບາດກ້າວລ້ຽວປະຫວັດສາດອັນສຳຄັນຍິ່ງໃນວິວັດທະນາການຂອງຊາດລາວເຮົາໄດ້ກ້າວຕໍ່ສູ້ປົດປ່ອຍປະຊາ ຊົນທັງເປັນການເປີດເສັ້ນທາງອັນສະຫວ່າງສະໄຫວແຫ່ງການນຳພາຊາດເຮົາກ້າວໄປສູ້ຄວາມເປັນເອກະລາດ ແລະສ້າງສາບ້ານເມືອງໄປສູ້ຄວາມວັດທະນາຖາວອນ. 

แชร์