ຄິດຫາທີ່ຢູ່ອາໄສ ຊັບພະສິນ ພຣັອບເພີ ອະສັງຫາຄືອີກທາງເລືອກ

  ຂ່າວດີສຳລັບຜູ້ຄົນທີ່ຕ້ອງການທີ່ຢູ່ອາໄສປະຈຸບັນທາງບໍລິສັດ ຊັບພະສິນພຣັອບເພີຕີ ອະສັງຫາ ຈັດໂປຮພິເສດໃນຊ່ວງປີໃໝ່ລາວດ້ວຍເງື່ອນໄຂການຈ່າຍແບບຫຼາຍທາງເລືອກເຊັ່ນ: ການຈ່າຍຜ່ອນເລີ່ມຕົ້ນໜ້ອຍພຽງແຕ່ 5 ລ້ານກີບ ແລະ ບໍ່ມີດອກເບ້ຍຍາວເຖິງ 24 ເດືອນ ຫຼືຈະຈ່າຍ 50% ຫຼື 100% ກໍ່ມີທັງສ່ວນຫຼຸດສູງເຖິງ 12% ແລະມີທັງຂອງແຖມເອົາກ່ອງເຕີ້ໄຟ ແລະນໍ້າເຂົ້າໃຫ້ລູກຄ້າພ້ອມນັ້ນກໍ່ຍັງມີດິນບ໋ອກ ຫຼືເສົາຮົ້ວແຖມໃຫ້ລູກຄ້າອີກພ້ອມ.

   ທ່ານ ນາງ ສັບພະສິນ ພອນສະຫວັນ ຜູ້ອຳນວຍການບໍລິສັດຊັບສິນພຣັອບເພີຕີ ຈຳກັດ ຜູ້ດຽວໃຫ້ສຳພາດກັບທີມຂ່າວເສດຖະກິດ-ສັງຄົມວ່າ: ນັບແຕ່ຈົດທະບຽນເປັນບໍລິສັດອະສັງຫາລິມະຊັບໃນປີ 2013 ມາຮອດປະຈຸບັນໄດ້ 5 ປີ, ໂດຍກິດຈະກຳຫຼັກໆທີ່ດຳເນີນແມ່ນແບ່ງຂາຍດິນຈັດສັນ, ປຸກເຮືອນໃຫ້ເຊົ່າ ແລະ ມີທີ່ດິນໃຫ້ເຊົ່າ, ໃນການດຳເນີນທຸລະກິດບໍລິສັດໄດ້ຖືສຳຄັນຄວາມເປັນເອກະລັກຂອງບໍລິສັດເປັນສ່ວນຫຼາຍກໍຄືການບໍລິການຕ້ອງມີລະບົບຢ່າງດີ, ລະບົບທີ່ດຳເນີນໃນບໍລິສັດແມ່ນເລີ່ມຈາກການເລືອກດິນໃຫ້ໄດ້ຕາມມາດຕະຖານທີ່ຕ້ອງການ.

  ທ່ານ ນາງ ສັບພະສິນ ພອນສະຫວັນ ໃຫ້ຮູ້ອີກວ່າ: ທຸກໂຄງການລູກຄ້າສາມາດຈ່າຍໄດ້ຫຼາຍຊ່ອງທາງຄື: ຈ່າຍສົດ 100% ຂອງມູນຄ່າດິນຈະໄດ້ຮັບສ່ວນຫຼຸດປະ ມານ 8-10% ລວມທັງຂອງແຖມເປັນຄຳ, Gift Voucher, ດິນບ໋ອກສ່ວນຊ່ອງທາງທີ່ສອງຈ່າຍກ່ອນເຄິ່ງໜຶ່ງ ແລະອີກເຄິ່ງໜຶ່ງໄດ້ໃບຕາດິນແລ້ວຈຶ່ງຈ່າຍແມ່ນຈະໄດ້ຮັບສ່ວນຫຼຸດ 5% ພ້ອມ Gift Voucher ແລະດິນບ໋ອກ, ຊ່ອງທາງທີ 3 ຈ່າຍ 30% ຂອງມູນຄ່າດິນ ແລະສ່ວນທີ່ເຫຼືອແມ່ນຈ່າຍຜ່ອນ 12-16 ເດືອນຂຶ້ນຢູ່ກັບລາຄາຂອງດິນ ແລະ ຄວາມສາມາດຈ່າຍຂອງລູກຄ້າ, ພິເສດອີກຢ່າງໜຶ່ງເນື່ອງໃນໂອກາດຕ້ອນຮັບປີໃໝ່ສາກົນນີ້, ທາງບໍລິສັດໄດ້ຈັດກິດຈະກຳພິເສດຂຶ້ນເພື່ອເປັນການຄືນກຳໄລໃຫ້ກັບລູກຄ້າ,ທັງເປັນທາງເລືອກໃໝ່ອີກໜຶ່ງທາງ,ນອກຈາກໃຫ້ຈ່າຍຜ່ອນໃນລາຄາ 5 ລ້ານກີບ ແລ້ວມີເຄື່ອງແຖມທີ່ເປັນຄຳ, ວັດສະດຸກໍ່ສ້າງ ແລະພິເສດສຸດທີ່ຄິດວ່າຍັງບໍ່ມີບໍລິສັດໃດຈັດກໍ່ຄືການຄືນກຳໄລໃຫ້ລູກຄ້າໂດຍພຽງແຕ່ລູກຄ້າຊື້ດິນປະໄວເພື່ອເກັງກຳໄລ ແລະ ຖ້າເວລາຜ່ານໄປມູນຄ່າຂອງດິນເພີ່ມຂຶ້ນລູກຄ້າ ຈະໄດ້ເງິນຄືນຕັ່ງແຕ່ມື້ຊື້ໄປຈົນເຖິງຄົບ1 ປີ ໃນອັດຕາດອກເບ້ຍ 1% ຂອງມູນຄ່າດິນຕໍ່ເດືອນຫຼື 12% ຕໍ່ປີ.

  ສຳລັບປີ 2021 ທາງບໍລິສັດມີໂຄງການດິນຈັດສັນເພື່ອປະຊາຊົນໃໝ່ 2 ໂຄງການຕັ້ງຢູ່ບ້ານໂພນຄໍ້ ເມືອງໄຊທານີ ນະຄອນຫຼວງວຽງຈັນ ຊຶ່ງມຸ່ງໃສ່ປະຊາຊົນຜູ້ທີ່ມີລາຍໄດ້ໜ້ອຍກໍ່ສາມາດຊື້ດິນເປັນຂອງຕົນເອງໄດ້ໂດຍອີງໃສ່ທໍາເລດີໃກ້ທາງໃຫຍ່ບໍ່ໄກຈາກເຂດທີ່ກໍາລັງພັດທະນາໃກ້ຕະຫຼາດໃກ້ໝູ່ບ້ານລາຄາຖືກສາມາດຊື້ໄວ້ເພື່ອປຸກເຮືອນຢູ່ອາໄສ ຫຼືສາມາດຄ້າຂາຍໄດ້ມີຖະໜົນຕັດຜ່ານໃນໂຄງການເປັນເສັ້ນທາງປູຫີນກວ້າງ 6-7ແມັດ,ມີໄຟຟ້າ ແລະນໍ້າໃຊ້ສະດວກສະບາຍສາມາດປຸກສ້າງໄດ້ທັນທີ, ໃນ 1 ປີຜ່ານມາສາມາດຂາຍດິນໄດ້ທັງໝົດປະມານເກືອບ 500 ຕອນ.

  ແນວໃດກໍ່ຕາມທ່ານໃດຕ້ອງການດິນ ແລະທີ່ຢູ່ອາໄສກໍ່ສາມາດເຂົ້າໄປປຶກສາກັບບໍລິສັດ ຊັບສິນ ພຣັອມເພີຕີ ຈຳກັດ ຜູ້ດຽວ ສະຖານທີ່ຫ້ອງການເພິ່ນຢູ່ບ້ານດ່ານຊ້າງ ເມືອງໄຊທານີ ນະຄອນຫຼວງວຽງຈັນ ຫຼືຕິດຕໍ່ສອບຖາມໄດ້ທີ່ໝາຍເລກໂທລະສັບ 55799782-0205541 3436.

แชร์