ປາກທາ ປັບປຸງຕາດຫ້ວຍໄຄ້ກຽມເປີດເປັນແຫຼ່ງທ່ອງທ່ຽວ

  ວັນທີ 1 ເມສາ 2021 ນີ້ທ່ານ ບຸນປະສິດ ຈັນທອງໃສ ວ່າການຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະທ່ອງທ່ຽວເມືອງປາກທາພ້ອມຄະນະໄດ້ນຳພາພໍ່ແມ່ປະຊາຊົນບ້ານຫ້ວຍຊົວະເມືອງປາກທາປັບປຸງນໍ້າຕົກຕາດຫ້ວຍໄຄ້ບ້ານຫ້ວຍຊົວະເພື່ອກະກຽມເປີດເປັນແຫຼ່ງທ່ອງທ່ຽວນໍ້າຕົກຕາດທຳມະຊາດ, ໃນຊວງປີໃໝ່ລາວນີ້ເພື່ອເປັນການປັບປຸງນໍ້າຕົກຕາດທຳມະຊາດຫ້ວຍໄຄ້ເມືອງປາກທາ ໃຫ້ເປັນແຫຼ່ງທ່ອງທ່ຽວທາງທຳມະຊາດຮອງຮັບນັກທ່ອງທ່ຽວທາງພາຍໃນ ແລະ ຕ່າງປະເທດໃຫ້ ມາທ່ຽວຊົມພັກຜ່ອນສ້າງແຫຼ່ງລາຍຮັບໃຫ້ປະຊາຊົນທ່ອງຖິ່ນແນໃສ່ເປີດເປັນແຫຼ່ງທ່ອງທ່ຽວໃຫ້ນັກທ່ອງທ່ຽວໄດ້ມາທ່ຽວຊົມໃນຊວງປີໃໝ່ລາວທີ່ຈະມາເຖິງມໍ່ໆນີ້, ການປັບປຸງແຫຼ່ງທ່ອງທ່ຽວດັ່ງກ່າວໄດ້ນຳພາພໍ່ແມ່ປະຊາຊົນສ້ອມແປງເສັ້ນທາງເຂົ້າຫາຕາດ, ອະນາໄມຕາມຫ້ວຍນໍ້າແປງຄັນຄູ່ກັນນໍ້າ, ໃຫ້ເປັນວັງບ່ອນລົງອາບຫຼິ້ນ, ອະນາໄມໜ້າຕາດແປງຂົວຂ້າມວັງ, ແປງແພບ່ອນລົງຫຼິ້ນນໍ້ານອກຈາກນັ້ນຍັງຈະໄດ້ແປງຕູບຕາມສະຖານທີ່ພັກຜ່ອນໃຫ້ນັກທ່ອງທ່ຽວໄດ້ເດີນທາງເຂົ້າໄປສະດວກສະບາຍເຊິ່ງເສັ້ນທາງຢາງອອກທາງໃຫຍ່ປະມານ 500 ແມັດ ຢ່າງເລາະຂຶ້ນຕາມຫ້ວຍຊົມທຳມະຊາດເຊິ່ງຈະປະກອບດ້ວຍນໍ້າຕົກຕາດ, 2 ແຫ່ງ ຕາດທີ 1 ມີຄວາມສູງປະມານ 15 ແມັດ, ໄລຍະຫາງຈາກຕາດທີ 1 ຫາຕາດທີ 2 ປະມານ 200 ແມັດ ນໍ້າຕົກຕາດແຫ່ງທີ 2 ນີ້ຈະເປັນອຸໂມງຜາຫີນສູງ 20 ແມັດ, ກວ້າງ 15 ແມັດ ມີນໍ້າຕົກມາຈາກໜ້າຜາເຊິງແມ່ນທາງເຂົ້າໄປຈະໄດ້ໄຕແພເຂົ້າໄປອາກາດຈະເຢັນສົດຊື່ນເໝາະແກ່ການຜັກຜ່ອນສຳລັບນັກທ່ອງທ່ຽວທີ່ຈະເດີນທາງມາທ່ຽວມາພັກຜ່ອນພາຍ ຫຼັງປັບປຸງສຳເລັດ ແລະເປີດເປັນທາງການແລ້ວທາງປະຊາຊົນແມ່ນຈະມີການບໍລິການທາງດ້ານອາຫານ ແລະເຄື່ອງດື່ມຢ່າງເປັນກັນເອງ.

ຂ່າວ: ບຸນເພັງ ທຸມມະວົງ

แชร์