JDB ເປີດໜ່ວຍບໍລິການສູນການຄ້າໄອເຕັກມໍ

ຂ່າວ: ຄໍາຕົ້ນ ວໍລະຈັກ

   ໃນວັນທີ 30 ມີນາ 2021 ທີ່ສູນການຄ້າໄອເຕັກມໍ ນະຄອນຫຼວງວຽງຈັນ ໄດ້ມີພິທີເປີດໜ່ວຍບໍລິການທະນາຄານຮ່ວມພັດທະນາຂຶ້ນຢ່າງເປັນທາງການເປັນກຽດເຂົ້າຮ່ວມໃນພິທີຄັ້ງນີ້ໂດຍທ່ານ ວິໄລ ສີພະພອນ ຜູ້ອໍານວຍການໃຫຍ່ທະນາຮ່ວມພັດທະນາມີຜູ້ບໍລິຫານຂອງທະນາຄານຮ່ວມພັດທະນາ, ທ່ານ ສົມຄິດ ວີວາວົງ ຮອງຜູ້ອໍານວຍການໃຫຍ່ບໍລິສັດລາວເວີນ (LAO WORLD) ທ່ານ ນາງ ຄໍາພາ ຄໍາບຸນເຮືອງ ຜູ້ຈັດການທົ່ວໄປໄອເຕັກມໍ ແລະທ່ານ ນາງ ຫຼ້າພາວັນ ອິນເມືອງໄຊຜູ້ອໍາ ນວຍການບໍລິສັດລາວສະກາຍເທຣດດິ້ງ ຈໍາກັດຜູ້ດຽວ (Sky Supermarket) ຕະຫຼອດຮອດພະນັກງານວິຊາການທີ່ກ່ຽວຂ້ອງກໍ່ໄດ້ເຂົ້າຮ່ວມຢ່າງພ້ອມພຽງ.

  ພິທີໄດ້ເລີ່ມຕົ້ນດ້ວຍການຕັດແຖມຜ້າເພື່ອເປີດໜ່ວຍບໍລິການໄອເຕັກມໍຢ່າງເປັນທາງການເພື່ອບໍລິການດ້ານການເງິນທີ່ທັນສະໄໝແບບຄົບວົງຈອນເພີ່ມທາງເລືອກໃຫ້ກັບລູກຄ້າໃນການເຮັດທຸລະກຳດ້ານການເງິນ ແລະ ລູກຄ້າສາມາດເລືອກໃຊ້ພະລິດຕະພັນດີໆຂອງທະນາຄານຮ່ວມພັດທະນາ, JDB ໄດ້ປັບປຸງວຽກງານການບໍລິການໃຫ້ເປັນທີ່ປະທັບໃຈຂອງລູກຄ້າທຸກລະດັບ, ເພື່ອອໍານວຍຄວາມສະດວກໃນການເບີກຖອນເງິນສົດ, ໂອນຊໍາລະສະສາງພາຍໃນ ແລະຕ່າງປະເທດຕາມຄວາມຕ້ອງການຂອງລູກຄ້າ.

  ຈາກກນັ້ນກໍໄດ້ໄປຢຽມຊົມສູນການຄ້າສະກາຍຊູບເປີມາເກັດຊຶ່ງເປັນລູກຄ້າຂອງທະນາຄານຮ່ວມພັດທະນາຊຶ່ງສາມາດຊໍາລະຄ່າສິນຄ້າຜ່ານແອັບ JDB yes ເທິງມືຖືຂອງທ່ານໄດ້, ນອກຈາກນັ້ນ JDB ຍັງໄດ້ປ່ອຍສິນເຊື່ອເພື່ອພະນັກງານລັດຖະກອນສິນເຊື່ອເພື່ອການສຶກສາ, ສິນເຊື່ອຫັນຊັບເປັນທຶນ, ສິນເຊື່ອຊຸກຍູ້ສົ່ງເສີມ SME ແລະສິນເຊື່ອທຸລະກິດລູກຄ້າລາຍໃຫຍ່, ອອກຜະລິດຕະພັນໃໝ່ເຊັ່ນ: ບັດ ATMUnionPayບັດ VISA Debit Contactless ທີ່ມາພ້ອມນະວັດຕະກຳໃໝ່ໃນການແຕະເພື່ອຈ່າຍ, ບັດ UnionPay ແລະ Visa Credit, ແອັບ JDB Yes ກໍສາມາດຊໍາລະຄ່ານໍ້າປະປາ, ຄ່າໄຟຟ້າ, ຄ່າທາງ,ຄ່າທີດິນ ແລະສາມາດໂອນເງິນຂ້າມທະນາຄານໄດ້ເທີງມືຖືຂອງທ່ານ ແລະຍັງມີການບໍລິການອື່ນໆອີກຢ່າງຫຼວງຫຼາຍ, ເພື່ອພັດທະນາໃຫ້ເປັນ Digital Banking ເທື່ອລະກ້າວ, ສ້າງຜົນກໍາໄລ ປະຕິບັດຕາມ KPI ໃຫ້ບັນລຸເປົ້າໝາຍທີ່ວາງໄວ້ເພື່ອປະກອບສ່ວນໃນການສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງໂດຍໄປຕາມຄໍາຂວັນຂອງທະນາ ຄານຮ່ວມພັດທະນາ “ເຕີບໃຫ່ຍໄປພ້ອມກັນ”.

   ເນື່ອງໃນໂອກາດບຸນປີໃໝ່ລາວທີ່ຈະມາເຖິງນີ້ຄະນະຜູ້ບໍລິຫານພ້ອມດ້ວຍພະນັກງານທະນາຄານຮ່ວມພັດທະນາ ຫຼື JDB ຂໍອວຍພອນໄຊອັນປະເສີດມາຍັງການນໍາພັກ-ລັດ ຕະຫຼອດເຖິງລູກຄ້າທຸກທ່ານ ແລະປະຊາຊົນບັນດາເຜົ່າຈົ່ງມີສຸຂະພາບແຂງແຮງປະສົບຜົນສໍາເລັດໃນໜ້າທີ່ວຽງານຂອງທ່ານດ້ວຍ.

แชร์