ນໍ້າດື່ມຫົວໃຈ ເນັ້ນສະອາດເພື່ອສຸຂະພາບຜູ້ບໍລິໂພກ

ຂ່າວ: ສີສຸວັນ

ທ່ານ ພັດທະນາ ເຈົ້າຂອງໂຮງງານຜະລິດນໍ້າກ້ອນ-ນໍ້າດື່ມສະອາດເປີດໃຈຕໍ່ສື່ຂ່າວໜັງສືພີມເສດຖະກິດ-ສັງຄົມປະຈໍາແຂວງຫຼວງພະບາງພວກເຮົາວ່າ: ຫົວໃຈຫຼັກສໍາຄັນໃນການດໍາເນີນທຸລະກິດແມ່ນລູກຄ້າສະນັ້ນທາງໂຮງງານຂອງພວກເຮົາແມ່ນໄດ້ເນັ້ນຄຸນນະພາບສະອາດເປັນຫຼັກໃນການຜະລິດ ແລະ ໃສ່ໃຈທຸກຂັ້ນຕອນເພື່ອການຊົມໃຊ້, ເພື່ອສຸຂະພາບຂອງລູກຄ້າກໍຄືສັງຄົມໄດ້ເຊື່ອໝັ້ນທາງດ້ານຄຸນນະພາບຂອງໂຮງງານຜະລິດນໍ້າກ້ອນ-ນໍ້າດື່ມສະອາດຂອງພວກເຮົາ.  

  ທ່ານກ່າວຕື່ມວ່າສໍາລັບໂຮງງານນໍ້າດື່ມແມ່ນໄດ້ເລີ່ມສ້າງຕັ້ງມາແຕ່ເດືອນສິງຫາ 2020 ລວມໄລຍະການຕິດຕັ້ງກໍ່ສ້າງໂຮງງານແມ່ນ 3 ເດືອນກວ່າຈຶ່ງສໍາເລັດລວມມູນຄ່າທັງໝົດ 1 ແສນໂດລາສະຫະລັດ ຫຼືປະມານ 900 ລ້ານກວ່າກີບ, ແລະໄດ້ເປີດເປັນທາງການກາງເດືອນພະຈິກ ປີຜ່ານມາ, ຈຸດປະສົງກໍເພື່ອຜະລິດນໍ້າດື່ມທີ່ສະອາດ ແລະໄດ້ມາດຕະຖານທຽບເທົ່າກັບສາກົນອອກໃຫ້ພໍ່ແມ່ປະຊາຊົນໄດ້ຊົມໃຊ້ພ້ອມນີ້ຍັງມີໂຮງງານຜະລິດນໍ້າກ້ອນທີ່ສະອາດໄດ້ມາດຕະຖານຊຶ່ງໄດ້ຈຳໜ່າຍຮັບໃຊ້ສັງຄົມມາກ່ອນການສ້າງໂຮງງານນໍ້າດື່ມ.

  ໂຮງງານນໍ້າດື່ມຫົວໃຈ ແລະນໍ້າກ້ອນພັດທະນາໄດ້ນໍາໃຊ້ລະບົບເຄື່ອງທີ່ທັນສະໄໝເຂົ້າໃນການຜະລິດກັ່ນຕອງດ້ວຍລະບົບຣີເວີສໂອສໂມຊິສ໌ (ອາໂອ) 2 ຊັ້ນ ແລະຂ້າເຊື້ອດ້ວຍແສງອູນຕຣາໄວໂອເລັດທ໌ ແລະໂອໂຊນ 3 ເທົ່າ, ທັງນີ້ກໍ່ເພື່ອຮັບປະກັນດ້ານຄຸນນະພາບຂອງນໍ້າດື່ມໃຫ້ມີຄວາມສະອາດປອດໄພຕະຫຼອດໄປ.

  ສໍາລັບຜະລິດຕະພັນທາງໂຮງງານແມ່ນໄດ້ຜະລິດນໍ້າດຶ່ມມີສອງຂະໜາດຄື: ຕຸກໃຫຍ່ບັນຈຸໄດ້ 20 ລິດ, ລາຄາ 5.000 ກີບ, ກາງບັນຈຸໄດ້ 8 ລິດ, ລາຄາ 3.000 ກີບ ແລະເພື່ອຄວາມສະດວກອີກດ້ານໜຶ່ງທາງໂຮງງານໄດ້ຜະລິດນໍ້າດຶ່ມຕຸກນ້ອຍ, ໃຫຍ່, ກາງເຮັດເປັນແພັກເພື່ອຮັບໃຊ້ບໍລິການງານຕ່າງໆ ຂອງສັງຄົມ, ຜ່ານການຜະລິດອອກຈໍາໜ່າຍມາໄລຍະໜຶ່ງແມ່ນໄດ້ຮັບການຕອບຮັບຈາກສັງຄົມເປັນຢ່າງດີ ແລະຈະໄດ້ເພີ່ມເຄື່ອງຈັກທີ່ທັນສະໄໝເຂົ້າໃນການຜະລິດຕື່ມອີກໃນໄວໆນີ້.

 ສະນັ້ນຫາກທ່ານໃດສົນໃຈກໍສາມາດເຂົ້າໄປໃຊ້ບໍລິການນໍາທາງໂຮງງານພັດທະນາໄດ້ສະຖານທີ່ຕັ້ງຢູ່ຮ່ອມສະຖານີໄຟຟ້າບ້ານຂົວທີ່ໜຶ່ງຫ່າງຈາກໜ້າທາງປະມານ500 ແມັດ, ມີທັງນໍ້າດື່ມ, ນໍ້າກ້ອນສະອາດ ແລະຜະລິດຕະພັນເຄື່ອງດື່ມຂອງເບຍລາວພ້ອມສົ່ງໃຫ້ທ່ານເຖິງທີ່ ແລະທ່ານໃດສົນໃຈຢາກເປັນຕົວແທນຈໍາໜ່າຍນໍ້າກ້ອນ, ນໍ້າດຶ່ມສະອາດໄປບໍ່ຮອດ, ຈອດບໍ່ເຖິງສາມາດໂທ: 020 77712888; 030 5334404 ບໍລິການຕະຫຼອດ 24 ຊົ່ວໂມງ.

แชร์