ເຂົ້າໜົມອື່ງແຊບຖືກໃຈບໍລິການດີ ຮ້ານນາງເມ 4 ແຍກໄຟແດງສີຫອມ

   ຮ້ານເຂົ້າໜົມ ນາງ ເມອື່ງ ແລະຄູ່ນ້ອຍ ຖືວ່າເປັນຮ້ານຕຳນານທີ່ສືບທອດກັນມາດົນນານເກືອບ 40 ປີ ທີ່ເພິ່ນເນັ້ນລົດຊາດດັ່ງເດີມ ແລະ ມີເຄັດລັບພິເສດຂອງເພິ່ນເອງເຮັດໃຫ້ລູກຄ້າຕິດໃຈມາໃສ່ບໍລິການຈົນຮອດປະຈຸບັນເປັນທີຮູ້ຈັກກັນດີໂດຍສະເພາະຊາວນະຄອນຫຼວງວຽງຈັນ.

  ນາງ ເມ ເຈົ້າຂອງຮ້ານເຂົ້າໜົມອື່ງໃຫ້ສຳພາດຮູ້ວ່າ: ຮ້ານເຂົ້າໜົມ ນາງ ເມອື່ງ ແລະຄູ່ນ້ອຍຖືວ່າເປັນການເປີດບໍລິການເຮັດຂາຍມາແຕ່ປີ 1980 ສະໄໝຜູ້ເປັນແມ່ ແລະຕົນເອງກໍ່ໄດ້ມາສືບຕໍ່ເຮັດຂາຍຈົນມາຮອດປະຈຸບັນໂດຍທາງຮ້ານແມ່ນມີບໍລິການຂາຍເຂົ້າໜົມທຸກຢ່າງມີເຂົ້າໜົມຄູ່, ເຂົ້າໜົມອື່ງ ແລະເຂົ້າໜົມປະຕິໂຊ້ໃສ້ໝູ່ ແລະອື່ນໆ ໂດຍຈະຂາຍກ້ອນລະ 1000 ພັນກີບ ເຄື່ອງທີ່ນຳມາບໍລິການເຮັດອາຫານກໍ່ຊອກຊື້ຕາມຕະຫຼາດບ້ານເຮົາ.

  ປະຈຸບັນການຂາຍເຂົ້າໜົມຖືວ່າແມ່ນໄດ້ຮັບການຕອບຮັບດີຂາຍດີພໍສາມາດລ້ຽງຄອບຄົວຢູ່ໄດ້ລູກຄ້າສ່ວນໃຫຍ່ກໍ່ແມ່ນຄົນທົ່ວໄປທີ່ເຄີຍໃຊ້ບໍລິການແຕ່ດົນກັບມາໃຊ້ຢູ່ຊຶ່ງການບໍລິການຂາຍນອກຈາກຂາຍໜ້າຮ້ານຍັງມີໃຫ້ບໍລິການຕ່າງສະຖານທີ່ງານຕ່າງໆ ແລະເລື່ອງລາຄາແມ່ນຂື້ນຕາມໄລຍະທາງ ແລະລູກຄ້າຕ້ອງການ.

  ແນວໃກກໍ່ຕາມຮ້ານນາງເມເຂົ້າໜົມອື່ງບອກໄວ້ເລີຍລົດຊາດແມ່ນແຊບຖືກໃຈຮັບຮ້ອງຫຼາຍຄົນກໍ່ຈະຖືກໃຈເພາະຜູ້ຂຽນເຄີຍໃຊ້ບໍລິການມາແລ້ວຫຼາຍຄັ້ງແຕ່ບໍ່ຜິດຫວັງ ສະນັ້ນທ່ານໃດຢາກລອງຊີມໄປຫາເພິ່ນໄດ້ສະຖານທີ່ຮ້ານແມ່ນໃກ້ສີແຍກໄຟແດງສີຫອມ ເປີດບໍລິການແຕ່ເຊົ້າ 7:00 ໂມງຮອດ 20:00 ໂມງຕາມຄວາມເໝາະສົມ ຫຼືໂທໄປບໍລິການ 02077719155 ວອດແອັບ 02091866997.

แชร์