ບໍ່ຄຳເຊໂປນ ມອບຄ່າຊັບພະຍາກອນແຮ່ທາດ 3,4 ລ້ານໂດລາ

  29 ມີນາ 2021 ທ່ານ ພູດົງ ສຸຂະວົງ ຫົວໜ້າກົມຄຸ້ມຄອງຊັບສິນແຫ່ງລັດ, ກະຊວງການເງິນໄດ້ຮັບຄ່າຊັບພະຍາກອນແຮ່ທາດຈາກການຜະລິດ-ຈຳໜ່າຍໂລຫະຄຳ ແລະທອງຂອງໄຕຼມາດທີ 4 ປີ 2020 ຈຳນວນ 3,4 ລ້ານໂດລາມອບໂດຍທ່ານ ພໍແຮຣິສ, ຜູ້ຈັດການໃຫຍ່ບໍລິສັດລ້ານຊ້າງມີເນໂຣນສ໌ລິມິເຕັດບໍ່ຄຳ-ທອງເຊໂປນ (ລຊມລ) ໂດຍການເປັນສັກຂີພິຍານຂອງຮອງຫົວໜ້າພະແນກຂອງກະຊວງການເງິນ ທ່ານ ນາງ ໄພວອນ ທຸມພາວັນ, ຮອງຫົວໜ້າພະແນກ ທ່ານ ດວງດີ ພັນດານຸວົງ, ວິຊາການພະແນກທ່ານອານຸສອນໂຄດປະທິບ, ຜູ້ອຳນວຍການໃຫຍ່ ລຊມລ ທ່ານ ສະໝານ ອະເນກາ ແລະຫົວໜ້າພົວພັນພາຍນອກທ່ານນາງດາວມະນີຈັນພະແກ້ວ.  

   ຍອດລາຍຈ່າຍຄ່າພາສີຊັບພະຍາກອນແຮ່ທາດໃຫ້ແກ່ລັດຖະບານທັງໝົດຂອງສົກປີ 2020 ແມ່ນເທົ່າກັບ 14,5 ລ້ານໂດລາ ນອກຈາກພັນທະອື່ນໆທີ່ໄດ້ມອບເຂົ້າເປັນລາຍຮັບຂອງລັດຖະບານເປັນຕົ້ນອາກອນກຳໄລ, ອາກອນນໍ້າມັນເຊື້ອໄຟ ແລະອາກອນລາຍໄດ້.

  ນັບຕັ້ງແຕ່ເລີ່ມມີການຂຸດຄົ້ນ-ປຸງແຕ່ງ-ຜະລິດຄຳ-ທອງ ມາແຕ່ປີ 2003 ເປັນຕົ້ນມາ, ທາງບໍລິສັດລ້ານຊ້າງມີເນໂຣນສ໌ລິມິເຕັດບໍ່ຄຳ-ທອງເຊໂປນໄດ້ປະກອບສ່ວນພັນທະຂອງຕົນທີ່ເປັນລາຍຮັບໂດຍກົງໃຫ້ແກ່ລັດຖະບານແຫ່ງ ສປປ ລາວ ເປັນເງິນທັງໝົດຫຼາຍກວ່າ US$ 1,5 ຕື້ລວມທັງຄ່າຊັບພະຍາກອນແຮ່ທາດທັງໝົດຫຼາຍກວ່າ 172 ລ້ານໂດລາ.

แชร์