ເມືອງບໍ່ແຕນ ທຳລາຍອາຫານທະເລສົດ

ໂດຍ: ບຸນເລີດ ໄຊຍະລາດ

  ໃນຕອນເຊົ້າຂອງວັນທີ 26 ມີນາ 2021 ນີ້ຫ້ອງການອຸດສາຫະກຳ ແລະການຄ້າເມືອງບໍ່ແຕນ ແຂວງໄຊຍະບູລີ ໄດ້ຈັດພິທີທຳລາຍອາຫານທະເລສົດ ແລະແຊ່ງແຂງຂຶ້ນຢູ່ທີສະໜາມຖິ້ມຂີ້ເຫຍື້ອຂອງເມືອງໂດຍການເຂົ້າຮ່ວມຂອງທ່ານ ບຸນຊູ ໄຊຍະພູມຮອງ ຫົວໜ້າອຸດສາຫະກຳ ແລະການຄ້າເມືອງພ້ອມດ້ວຍພະນັກງານວິຊາການຫ້ອງ ການທີ່ກ້ຽວຂ້ອງເຂົ້າຮ່ວມຢ່າງພ້ອມພຽງໂດຍການປະຕິບັດຕາມແຈ້ງການຂອງພະແນກອຸດສາຫະກຳ ແລະການຄ້າແຂວງ ໄຊຍະບູລີສະບັບ ເລກທີ 2240/ອພຄ, ຊຍ ວ່າດ້ວຍການຫ້າມນຳເຂົ້າຊົ່ວຄາວອາຫານທະເລທຸກປະເພດສົດ ແລະແຊ່ງແຂງຈາກລາຊະອານາຈັກໄທ ແລະປະຕິບັດຕາມແຈ້ງການຂອງທ່ານເຈົ້າເມືອງບໍ່ແຕນ ສະບັບເລກທີ 547/ຈມ,ບຕ ລົງວັນທີ 25 ທັນວາ 2020 ວ່າດ້ວຍການສືບຕໍ່ປະຕິບັດມາດຕະການຜ່ອນຜັນ ແລະປ້ອງກັນຄວບຄຸມສະກັດກັ້ນ ແລະແກ້ໄຂການລະບາດຂອງພະຍາດໂຄວິດ-19 ດັ່ງນັ້ນໃນວັນທີ 23 ມີນາ 2021 ຫ້ອງການອຸດສາຫະກຳ ແລະການຄ້າເມືອງໄດ້ສົມທົບກັບພາກສ່ວນທີ່ກ່ຽວຂ້ອງລົງກວດກາຕົວຈິງຢູ່ຕາມຮ້ານອາຫານຕ່າງໆໃນທົ່ວເມືອງບໍ່ແຕນຊຶ່ງສາມາດກວດພົບ ແລະຢຶດອາຫານທະເລທີ່ຫ້າມນຳເຂົ້າ ແລະຈຳໜ່າຍໄດ້ດັ່ງນີ້: ປາມຶກ 4 ຖົງ,ກຸ້ງ5 ກິໂລ ແລະປູມ້າ 2 ກິໂລ ລວມມູນຄ່າທັງໝົດ 350.000 ກີບ ມາຮອດວັນທີ 26 ມີນາ 2021 ນີ້ ຈຶ່ງໄດ້ຈັດພິທີທຳລາຍສິນຄ້າຕ້ອງຫ້າມດັ່ງກ່າວ.

แชร์