ເຟສບຸກເຕືອນຢ່າເຊື່ອບົດຄວາມ ດ້ານສຸຂະພາບທັງໝົດ

Facebook ກຳລັງປະເຊີນກັບບັນຫາໃຫຍ່ໃນການແຊຣຂໍ້ມູນ ແລະບົດຄວາມດ້ານສຸຂະພາບທີ່ບໍ່ຖືກຕ້ອງໃນໜ້າ Timeline ຂອງຜູ້ໃຊ້ເປັນຈຳນວນຫຼາຍຈາກການກວດສອບໃນປີ 2018 ພົບວ່າ 7/10 ຂອງບົດຄວາມສຸຂະພາບທີ່ຖືກແຊຣເປັນຂໍ້ມູນປອມແຕ່ຂໍ້ມູນປອມຖືກແຊຣຫຼາຍເຖິງ 12,3 ລ້ານຄັ້ງໃນຂະນະທີ່ຂໍ້ມູນຖືກຕ້ອງມີຍອດແຊຣພຽງ 11 ລ້ານຄັ້ງເທົ່າ ນັ້ນ.

ຜົນການວິໄຈຈາກ Health Feedback ໄດ້ເຮັດການກວດສອບບົດຄວາມກ່ຽວກັບສຸຂະພາບ ທີ່ມາຈາກສື່ສິ່ງພິມທີ່ມີຊື່ສຽງຈຳນວນຫຼາຍລວມທັງເວັບໄຊທີ່ຄຸມເຄືອຊຶ່ງເປັນຕົວປ່ອຍຂ່າວດຶງດູດຍອດເຂົ້າເວັບໄຊດ້ວຍການພາດຫົວຂ່າວທີ່ໜ້າສົນໃຈ ແລະຂໍ້ມູນທີ່ເຮັດໃຫ້ເຂົ້າໃຈຜິດພົບວ່າບົດຄວາມສຸຂະພາບທີ່ຖືກແຊຣຫຼາຍທີ່ສຸດແບ່ງຕາມຫົວຂໍ້ຄື: ພະຍາດ ແລະວິທີການປິ່ນປົວ, ອາຫານສານອາຫານ ແລະວັກແຊງ Health Facebook ບອກວ່າຂໍ້ມູນສ່ວນຫຼາຍກ່ຽວກັບວັກແຊງທີ່ຖືກແຊຣ ໄປນັ້ນເປັນຂໍ້ມູນທີ່ຖືກຕ້ອງ (ເຖິງ ແມ່ນວ່າເລື່ອງລາວສ່ວນຫຼາຍກ່ຽວກັບພະຍາດທີ່ສາມາດປ້ອງກັນໄດ້ດ້ວຍວັກແຊງຈະຖືກປົກປິດດ້ວຍກຸ່ມຕໍ່ຕ້ານການສັກວັກແຊງກໍຕາມ)  ແລະຂໍ້ມູນທາງດ້ານອາຫານ ແລະໂພຊະນາການເປັນຫົວຂໍ້ເລື່ອງທີ່ໄດ້ຮັບການແຊຣຂໍ້ມູນທີ່ບໍ່ຖືກຕ້ອງຫຼາຍທີ່ສຸດໃນຄວາມເປັນຈິງແລ້ວມີບົດຄວາມຫຼາຍກວ່າ 100 ອັນດັບທຳອິດທີ່ຖືກວັດຄວາມໜ້າເຊື່ອຖືມີບົດຄວາມ 45%  ທີ່ໄດ້ຮັບການປະເມີນວ່າ  “ໜ້າເຊື່ອຖືຫຼາຍ” ແລະ” ໜ້າເຊື່ອຖື” ໃນຂະນະທີ່ອີກ 35% ໄດ້ຮັບການປະເມີນວ່າ “ຄວາມໜ້າເຊື່ອຖືຕໍ່າ”

ເພື່ອກຳຈັດຂ່າວປອມ  Facebook  ໄດ້ເປີດຕົວໂຄງການຕ່າງໆ ເພື່ອຈັດການກັບເລື່ອງນີ້ແຕ່ເບິ່ງຄືວ່າມັນຈະເນັ້ນໄປທີ່ຂ່າວການເມືອງເປັນສ່ວນຫຼາຍນີ້ອາດຈະເຖິງເວລາແລ້ວທີ່ເຄືອຂ່າຍໂຊຊຽວຈະຫັນມາໃຫ້ຄວາມສົນໃຈກັບຂ່າວສຸຂະພາບເພາະຂໍ້ມູນທີ່ຜິດພາດເຫຼົ່ານັ້ນອາດຈະທຳຮ້າຍສຸຂະພາບຂອງຜູ້ຄົນໃນວົງກວ້າງໄດ້.

แชร์