ບຸນປີໃໝ່ລາວໂຈະສະແດງສິລະປະດົນຕີ ແລະແຫ່ນາງສັງຂານ

  ເນື່ອງຈາກບຸນປີໃໝ່ປະຈຳຊາດເຮົາປີ ພສ 2564 ຄສ 2021 ນີ້ຍັງມີການແຜ່ລະບາດພະຍາດໂຄວິດ-19 ຢູ່ຊຸມຊົນຕ່າງໆໃນປະເທດໃກ້ຄຽງຍັງສືບຕໍ່ແຜ່ລະບາດ ສະນັ້ນຈັດສະເຫຼີມສະຫຼອງປີໃໝ່ທົ່ວປະຊາຊົນລາວບັນດາເຜົ່າຕ້ອງປະຕິບັດມາດຕະການຕ່າງໆໃນການປ້ອງກັນທີ່ລັດຖະບານວາງອອກເພື່ອເປັນການຮັກສາປ້ອງກັນບໍ່ໃຫ້ມີການ ຕິດເຊື້ອພະຍາດ.

  ຕາມແຈ້ງການສະບັບເລກທີ 286/ຫສນຍ ລົງວັນທີ 25 ມີນາ 2021 ໄດ້ກຳນົດໄວ້ວ່າ: 1: ວັນພັກສະຫຼອງປີໃໝ່ລາວປີນີ້ແມ່ນໃຫ້ເປັນເອກະພາບໃນຂອບເຂດທົ່ວປະເທດແຕ່ວັນທີ 14,15,16 ເມສາ, 2; ການຈັດຕັ້ງບຸນປີໃໝ່ລາວໃຫ້ປະຕິບັດສືບຕໍ່ຕາມຮີດຄອງປະເພນີ ແລະທຳນຽມອັນດີງາມຊຶ່ງຈັດຂຶ້ນພາຍໃນຄອບຄົວ, ສຳນັກງານອົງການ, ວັດວາອາຮາມ ແລະສະຖານທີ່ສັກກະລະບູຊາຕ່າງໆກາບບາສີສູ່ຂວັນການສົງພຣະ, 3, ກິດຈະກຳທີ່ບໍ່ອະນຸຍາດໃນຊ່ວງປີໃໝ່ປະກອບມີ: ການສະແດງສິລະປະດົນຕີຢູ່ພາຍໃນວັດ, ສະຖານທີ່ສາທາລະນະຕ່າງໆ ລວມທັງຢູ່ຕາມຫາດ, ແຄມນໍ້າ, ການຫົດນໍ້າເປື້ອນ, ນໍ້າສີ, ນຳໃຊ້ພາຫະນະອຸປະກອນອື່ນໆ ເພື່ອຫົດນໍ້າຄົນອື່ນຢູ່ຕາມຖະໜົນຫົນທາງແລະສະຖານທີ່ຕ່າງໆງານສະແດງດົນຕີ,ງານປະກວດນາງສັງຂານ,ແຫ່ນາງສັງຂານ,ການຈັດງານຕະຫຼາດນັດຍົກເວັ້ນສະຖານ ທີ່ລັດກຳນົດໄວ້.

4, ມອບໃຫ້ອົງການປົກຄອງທຸກຂັ້ນສົມທົບກຳລັງປະກອບອາວຸດຂັ້ນຕົ້ນເພີ່ມທະວີລາດຕະເວນຢູ່ຕາມບໍລິເວນຊາຍແດນເຄື່ອນໄຫວເວນຍາມສຳນັກງານຕາມບ້ານຕ່າງໆໃຫ້ເປັນປົກກະຕິ,5,ມອບໃຫ້ກະຊວງປ້ອງກັນຄວາມສະຫງົບສົມທົບພາກສ່ວນກ່ຽວຂ້ອງເອົາໃຈໃສ່ເຝົ້າລະວັງຮັກສາຄວາມປອດໄພສະຫງົບຄວາມເປັນລະບຽບຮຽບຮ້ອຍໃນສັງຄົມຕ້ານ ແລະແກ້ໄຂ້ທຸກປາກົດການຫຍໍ້ທໍ້ໃນສັງຄົມ.

6, ໃຫ້ຄະນະສະເພາະກິດສະກັດກັ້ນ ແລະປ້ອງກັນໂຄວິດ-19 ແຕ່ລະຂັ້ນສືບຕໍ່ປະຕິບັດໜ້າທີ່ຂອງຕົນດ້ວຍມາດຕະການຕ່າງໆ ເພື່ອແນໃສ່ຮັບປະກັນບໍ່ໃຫ້ມີການແຜ່ລະບາດໃນໄລຍະບຸນປີໃໝ່, 7 ໃຫ້ຂະແໜງອຸດສາຫະກຳ ແລະການຄ້າແຕ່ລະຂັ້ນສົມທົບພາກສ່ວນກ່ຽວຂ້ອງຄຸ້ມຄອງລາຄາສິນຄ້າໃຫ້ມີຄວາມໝັ່ນທ່ຽງ ແລະປົກກະຕິເດັດຂາດບໍ່ໃຫ້ຜູ້ປະກອບການຕ່າງໆໃຊ້ຊ່ອງວ່າງເພີ່ມຂຶ້ນລາຄາສິນຄ້າທຸກປະເພດ; 8, ໃຫ້ເຈົ້າໜ້າທີ່ປ້ອງກັນຄວາມສະຫງົບ ແລະອົກການປົກຄອງທຸກຂັ້ນຈັດຜັນຂະ ຫຍາຍແຈ້ງການສະບັບນີ້ໃຫ້ສອດຄ່ອງກັບສະພາບຈຸດພິເສດຂອງແຕ່ລະບ່ອນທັງຕິດຕາມກວດກາ ແລະຊຸກຍູ້ການຈັດຕັ້ງປະຕິບັດຕົວຈິງລາຍງານສະພາບໃຫ້ຂັ້ນເຖິງເປັນປົກກະຕິ.

   ສຸດທ້າຍແມ່ນມອບໃຫ້ກະຊວງຖະແຫຼງຂ່າວວັດທະນະທຳ ແລະທ່ອງທ່ຽວສົບທົບກັບພາກສ່ວນກ່ຽວຂ້ອງເພີ່ມທະວີການໂຄສະນາ ແລະເຜີຍແຜ່ນເນື້ອໃນແຈ້ງການສະບັບນີ້ຕິດພັນກັບລະບຽດສະເພາະຂອງຕົນຜ່ານຊື່ຕ່າງໆໃຫ້ພະນັກງານທະຫານຕຳຫຼວດຜູ້ປະກອບການ ແລະປະຊາຊົນເຂົ້າໃຈທົ່ວເຖິງ ແລະປະຕິບັດຖືກຕ້ອງ.

แชร์