ນັກທຸລະກິດລາວຈະພັດທະນາໜອງໝີເປັນແຫຼ່ງທ່ອງທ່ຽວ

  ເພື່ອເປັນການສົ່ງເສີມການທ່ອງທ່ຽວແບບອະນຸລັກໂຄງການສົ່ງເສີມກະສິກຳປູກຟັງ-ລ້ຽງສັດ ໃນວັນທີ 25 ມີນາ ທີ່ພະແນກແຜນການ ແລະການລົງທຶນໄດ້ຈັດພິທີເຊັນບົດບັນທຶກຄວາມເຂົ້າໃຈລະຫວ່າງລັດຖະບານນັກທຸລະກິດໂດຍການລົງນາມເຊັນ ທ່ານ ພູຂົງ ບັນນາວົງ ຮອງເຈົ້າຄອງທັງເປັນຫົວໜ້າພະແນກແຜນການ ແລະການລົງທຶນນະຄອນຫຼວງວຽງຈັນ,

  ທ່ານ ຫຼ້າສາຍ ນວນທາສິງ ຫົວໜ້າພະແນກກະສິກຳ ແລະປ່າໄມ້ນະຄອງຫຼວງວຽງຈັນ, ທ່ານ ນາງ ວີໄລວອນ ຈັນທະລາຕີ ຫົວໜ້າພະແນກຖະແຫຼງຂ່າວ, ວັດທະ ນະທຳ ແລະທ່ອງທ່ຽວນະຄອນຫຼວງວຽງຈັນ,ທ່ານ ຄຳໜູນ ຕຽງທະລາດ ເຈົ້າເມືອງປາກງື່ມ,ທ່ານ ນາງ ພານີວັນ ລັດຕະນະໂກສົນ ປະທານບໍລິສັດ ຊັບມະຫາໄຊ ອະສັງຫາລິມະຊັບ ຈຳກັດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

 ການເຊັນສັນຍາຄັ້ງນີ້ກໍເພື່ອໃຫ້ບໍລິສັດເກັບກຳຂໍ້ມູນສຶກສາສຳຫຼວດຄວາມເປັນໄປໄດ້ໂຄງການສົ່ງເສີມກະສິກຳປູກຟັງ-ລ້ຽງສັດ ແລະທ່ອງທ່ຽວແບບອະນຸລັກໂດຍສົມທົບກັບພະແນກແຜນການ ແລະການລົງທຶນນະຄອນຫຼວງວຽງຈັນ, ພະແນກກະສິກຳ ແລະປ່າໄມ້ ແລະທາງເມືອງປາກງື່ມ.

  ທ່ານ ນາງ ພານີວັນ ລັດຕະນະໂກສົນ ກ່າວວ: ໂຄງການສຳປະທານໜອງໝີ ເມືອງປາກງື່ມມີເນື້ອທີ່ 150 ເຮັກຕາ ໂດຍຈະສຳປະທານ 65 ປີ ໂດຍຈະພັດທະນາເປັນແຫຼ່ງທ່ອງທ່ຽວແບບກະສິກຳປະຊາຊົນມີສ່ວນຮ່ວມ 3 ໝູ່ບ້ານ ໃຫ້ເຮັດປະຊາຊົນມີອາຊີບເສີມປູກພືດລ້ຽງສັດໂຄງການໂດຍຈະສົ່ງວິສາການລົງພື້ນທີ່ສອນປະຊາຊົນ ໂດຍຈະມີຕະຫຼາດຮອງຮັບໃຫ້.

แชร์