ນຳສະເໜີຊຳຊຸງກາແລັກຊີ ເອັສ 10 ແລະ ເອັສ 10

  ໃນວັນທີ 28 ກຸມພານີ້, ນະຄອນຫຼວງວຽງຈັນ, ບໍລິສັດ ລາວຊຳຊຸງ ເອເລັກໂຕຣນິກ ຈຳກັດຜູ້ດຽວ ໄດ້ນໍາສະເໜີສະມາສ໌ໂຟນລຸ້ນໃໝຫຼ້າສຸດຄື: SAM SUNG Galaxy S10 ແລະS10+ ຊຶ່ງເປັນສະມາສ໌ໂຟນທີ່ບໍ່ພຽງແຕ່ໂດດເດັ່ນແຕ່ຄືຄວາມແຕກຕ່າງທີ່ບໍ່ຄືໃຜໂດຍສະເພາະແມ່ນລະບົບສະແກນລາຍ ນິ້ວມືເທິງໜ້າຈໍແບບ Ultrasonic Fin gerprint, ທີ່ສໍາຄັນສາມາດແບ່ງປັນແບັດເຕິຣີແບບໄຮ້ສາຍໃຫ້ກັບສະມາສ໌ໂຟນລຸ້ນອື່ນໄດ້.

  SAMSUNG Galaxy S10 ແລະ S10+ ເປັນສະມາສ໌ໂຟນລຸ້ນໃໝ່ຫຼ້າສຸດທີ່ມາພ້ອມກັບໜ້າຈໍທີ່ດີທີ່ສຸດຂອງຊໍາຊຸງຄື: ມີໜ້າຈໍກວ້າງສຸດຂອບ, ໜ້າຈໍາ Dynamic AMOLED ທີ່ມີຄຸນນະພາບ HDR 10+, ຊຶ່ງມີ Dynamic tone Mapping ທີ່ໃຫ້ລາຍລະອຽດໂທນສີ ແສງສວຍງາມສົມຈິງບໍ່ວ່າຈະມືດດໍາ ພຽງໃດກໍ່ສະແດງແສງເສດສີໄດ້ຢ່າງ ແມ້ນຍໍ້າ ແລະດ້ວຍໜ້າຈໍສະແດງຜົນທີ່ ແຈ້ງສະຫວ່າງຂຶ້ນຊຶ່ງຈະເຮັດໃຫ້ເຫັນແສງຕອນກາງແຈ້ງໄດ້ຢ່າງຊັດເຈນຂຶ້ນ ກວ່າເກົ່າ, ທັງຍັງສາມາດຖະໜອມສາຍ ຕາ ໃນການຊ່ວຍຫຼຸດແສງສີຟ້າທີ່ເປັນ ອັນຕະລາຍຕໍ່ສາຍຕາຄົນເຮົາໄດ້ເຖິງ 42% ໃນກາງຫຼິ້ນມືຖືຕອນກາງຄືນ.

  ສ່ວນກ້ອງຖ່າຍຮູບ SAMSUNG Galaxy S10 ແລະ S10+ ມາພ້ອມກັບກ້ອງຫຼັງ 3 ເລນຄື: ເລນ Telephoto ຊຸມຊັດເຈນເຫັນຄົບທຸກລາຍລະ ອຽດ, ເລນກ້ວາງ Wide-angle ຖ່າຍພາບງາມທຸກຊ່ວງເວລາ ແລະເລນກວ້າງພິເສດ Ultrawide ເກັບພາບໄດ້ກວ້າງເຖິງ 123 ອົງສາ. ຍິ່ງໄປກວ່ານັ້ນ ຍັງ ສາມາດແບ່ງປັນແບັດເຕິຣີແບບໄຮ້ສາຍ ໃຫ້ກັບສະມາສ໌ໂຟນລຸ້ນອື່ນໄດ້ນໍາອີກ.

 SAMSUNG Galaxy S10 ແລະ S10+ ມີຄວາມແຕກຕ່າງກັນເລັກນ້ອຍຄື: ໜ້າຈໍ, ກ້ອງ ແລະແບັດເຕິຣີ, ຊຶ່ງGalaxy S10 ຈະມີຂະໜາດນ້ອຍກວ່າ Galaxy S10+, ລວມມີ 3 ສີຄື: ສີຂາວພຣີຊຶມ, ສີຂຽວພຣີຊືມ ແລະສີດຳພຣີຊືມ. ສໍາລັບລາຄາ SAMSUNG Galaxy S10 ແມ່ນ 7,59 ລ້ານກີບ, ສ່ວນ S10+ ແມ່ນ 8,39 ລ້ານກີບ.

 ແນວໃດກໍດີສະມາສ໌ໂຟນດັ່ງກ່າວແມ່ນເປີດໃຫ້ຈອງແລ້ວ, ທ່ານໃດສົນໃຈສາມາດສັ່ງຈອງໄດ້ຕາມຮ້ານທີ່ຮ່ວມ ລາຍການ SAMSUNG Galaxy ເລີ່ມຕັ້ງ ແຕ່ວັນທີ 28 ກຸມພາ ເຖິງວັນ ທີ 5 ມີນາ 2019 ແລະຈະວາງຈໍາໜ່າຍ ໃນວັນທີ 8 ມີນາ 2019 ນີ້, ໂດຍທ່ານ ຈະໄດ້ຮັບສິດທິພິເສດໃນການສັ່ງຈອງ ຄື: SAMSUNG Galaxy S10 ຄວາມຈໍາໂຕເຄື່ອງ 128 GB ແມ່ນຈະໄດ້ຮັບ Galaxy Buds ລວມມູນຄ່າ 1,12 ລ້ານກີບ, ສຳລັບ SAMSUNG Galaxy S10+ ຄວາມຈໍາໂຕເຄື່ອງ 128GB ແມ່ນຈະໄດ້ຮັບ Galaxy Buds ແລະ Car Charger ລວມມູນຄ່າ 1,46 ລ້ານກີບ.

ນສພ ເສດຖະກິດ-ສັງຄົມ

แชร์