ສະໂມສອນ ເບ ປີ້ງແບ້ ສະຫວັນ ມາລວຍ ເອັຟຊີ

  ສະໂມສອນ ເບ ປີ້ງແບ້ ສະຫວັນ ມາລວຍ ເອັຟຊີ ຖືເປັນທີມໜຶ່ງລະດັບແຖວໜ້າວົງການບານເຕະຟຸດຊໍ ແລະເປັນທີ່ຮູ້ຈັກກັນດີປະຈຸບັນຊຶ່ງເມື່ອທ້າຍອາທິດຜ່ານມາກໍ່ສາມາດສ້າງຜົນງານໄດ້ດີສົມສັກສີໃນນັດຊິງຊະນະເລີດການແຂ່ງຂັນຟຸດຊໍລາຍການ ຣີໄວຄັບ ຊີງຂັນປະທານສະຫະພັນບານເຕະແຫ່ງຊາດລາວເອົາຊະນະທີມສະໂມ ສອນ ໄອສະປອດ ເອັຟຊີ 5-4 ຄວ້າແຊ໋ມ.

  ສຳລັບນັດຊີງຊະນະເລີດຖືເປັນຄູຊິງແບບດຸເດືອດເຮັດໃຫ້ແຟນບານຂອບສະໜາມເຊຍແບບສຸດມັນຕັ້ງແຕ່ເລີ່ມເກມຈົນນາທີສຸດທ້າຍ, ຊຶ່ງຮ້ານເບປີ້ງແບ້ສະຫວັນມາລວຍ ໄດ້ປະຕູຂຶ້ນນໍາໄປກ່ອນແຕ່ຈົບເຄິ່ງເວລາທີ 1 ໄອ-ສະປອດ ພິກຂຶ້ນນໍາ 3-2, ສ່ວນເຄິ່ງເວລາທີ 2 ໃນຕົ້ນເກມ ຮ້ານເບ ປີ້ງແບ້ ສະຫວັນ ມາລວຍ ໄລ່ຕິສະເໝີ 3-3 ແລະເກມກໍ່ສູສີກັນປ່ຽນກັນບຸກປ່ຽນກັນຍິງແຕ່ຍິງບໍ່ດີພໍທີ່ຈະເປັນປະຕູຈົນມາເຖິງໄລຍະ 5 ນາທີສຸດທ້າຍ ສຸລິຈັນ ຍິງໄກບານລຽບພຽງຜ່ານມືຜູ້ຮັກສາປະຕູຂອງ ໄອ-ສະປອດ ເຂົ້າໄປຢ່າງສວຍງາມເຮັດໃຫ້ ຮ້ານເບ ປີ້ງແບ້ ສະຫວັນ ມາລວຍ ພິກຂຶ້ນນໍາ 4-3 ແລະ ນາທີສຸດທ້າຍ ຄໍາຜາ ພິພັກຂະວົງ ຍິງປະຕູທີ 5 ໃຫ້ກັບທີມຂຶ້ນນໍາ 5-3 ແລະໄລຍະ 10 ວິນາທີສຸດທ້າຍ ໄອ-ສະປອດ ໄດ້ປະຕູໄລ່ມາເປັນ 4-5 ແຕ່ໄລ່ບໍ່ທັນເຮັດໃຫ້ຮ້ານເບ ປີ້ງແບ້ ສະຫວັນ ມາລວຍ ເອົາຊະນະໄປຫວຸດຫວິດ 5-4ຄວ້າແຊ້ມໄປຄອງ. ນອກນີ້ນັກເຕະນິດນີລັນຈັນຈະເລີນຈາກສະໂມສອນ ເບ ປີ້ງແບ້ສະຫວັນ ມາລວຍ ເອັຟຊີ ຄວ້າລາງວັນຜູ້ຍິງປະຕູສູງສຸດຍິງໄດ້ 18 ປະຕູໄດ້ຂັນແລະເງິນຈຳນວນ 1 ລ້ານກີບ.

ຜ່ານການແຂ່ງຂັນລາຍການດັ່ງກ່າວອັນດັບ 1 ສະໂມສອນ ເບ ປີ້ງແບ້ ສະຫວັນ ມາລວຍ ເອັຟຊີ ໄດ້ຮັບຂັນ, ຫຼຽນ ແລະເງິນຈຳນວນ 8 ລ້ານກີບ,ອັນດັບ 2 ສະໂມ ສອນ ໄອສະປອດ ເອັຟຊີ ໄດ້ຮັບຫຼຽນ ແລະເງິນ ຈຳນວນ 5 ລ້ານກີບ, ອັນດັບ 3, ສະໂມສອນ ທະເວັນຕິຊິກ ຢຸໄນເຕັດ ໄດ້ຮັບຫຼຽນ ແລະເງິນ ຈຳນວນ 3 ລ້ານກີບ.

แชร์