3 ບໍລິສັດ ເປັນຄູ່ຮ່ວມທຸລະກິດ

 ວັນທີ 17 ມີນາ 2021 ທີ່ບໍລິສັດ ລາວໂທລະຄົມມະນາຄົມມະຫາຊົນ ນະຄອນຫຼວງວຽງຈັນ ໄດ້ຈັດພິທີເຊັນສັນຍາວ່າດ້ວຍການເປັນຄູ່ຮ່ວມທຸລະກິດເພື່ອເຊື່ອມຕໍ່ລະ ບົບການຊໍາລະຜ່ານບໍລິການເອັມມັນນີກະເປົ໋າເງິນທາງມືຖືລະຫວ່າງບໍລິສັດ ລາວໂທລະຄົມມະນາຄົມ ແລະບໍລິສັດ ລາວໂມບາຍມັນນີ ຈໍາກັດຜູ້ດຽວ ແລະບໍລິສັດ ຊີ.ພີ. ລາວ ຈໍາກັດ ເປັນກຽດລົງນາມໂດຍທ່ານ ທັນສະໄໝ ຊາມຸນຕີ ຜູ້ອໍານວຍການບໍລິສັດລາວໂມບາຍມັນນີ ຈໍາກັດຜູ້ດຽວ ແລະ ທ່ານ ທໍານອງ ພົນທອງມາກ ຜູ້ອໍານວຍການໃຫຍ່ບໍລິສັດ ຊີ.ພີ. ລາວຈໍາກັດ, ໂດຍເປັນກຽດການເຂົ້າຮ່ວມຂອງທ່ານ ສຸພົນ ຈັນທະວີໄຊ ຜູ້ອໍານວຍການໃຫຍ່ບໍລີສັດລາວໂທລະຄົມມະນາຄົມມະຫາຊົນ, ມີຫົວ ໜ້າ, ຮອງຫົວໜ້າທັງສາມຝ່າຍພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

ການເຊັນສັນຍາຄັ້ງນີ້ເພື່ອເປັນການເປີດຕົວຄູ່ຮ່ວມທຸລະກິດກັບບໍລິສັດ ຊີ.ພີ. ລາວຈໍາກັດຢ່າງເປັນທາງການໃນການໃຫ້ບໍລິການການເງິນດີຈີຕອລເທິງມືຖື M Money ເພື່ອເປັນທາງເລືອກໃຫ້ສາມາດຊໍາລະສິນຄ້າລະບໍລິການພາຍໃນຮ້ານໂດຍຜ່ານກະເປົ໋າເງິຍດິຈິຕ້ອນ M Money ເພື່ອແນ່ໃສ່ການສ້າງຄວາມສະດວກສະບາຍວ່ອງໄວໃຫ້ກັບລູກຄ້າ ແລະເປັນການເພີ່ມຊ່ອງທາງໃນການຊໍາລະເງິນໃຫ້ສະດວກຍິ່ງຂຶ້ນ ແລະໄດ້ມາດຕະຖານສາກົນພາຍໃຕ້ຄໍາຂວັນໃຫ້ຊີວິດງ່າຍຂຶ້ນຕາມດີຈີຕອລ, ບໍລິການຂອງບໍລິສັດ ຊີ.ພີ. ລາວ ຈໍາກັດ ເພື່ອເປັນຄູ່ຮ່ວມທຸລະກິດທີ່ຮັບຊໍາລະສິນຄ້າ, ບໍລິການພາຍໃນຮ້ານ ແລະບໍລິການໃຫ້ບໍລິສັດ ຊີ.ພີ. ລາວ ຈໍາກັດ ລວມເຖິງລູກຄ້າທາງຮ້ານ CP Pork Shop ທຸກສາຂາໂດຍຜ່ານກະເປົ໋າເງິນດີຈີຕອລ M Money.

  ການຮ່ວມມືທາງທຸລະກິດຄັ້ງນີ້ເປັນບາດກ້າວໜຶ່ງທີ່ສໍາຄັນ ແລະເປັນບາດກ້າວທໍາອິດໃນການຫັນການຊໍາລະເງິນຮູບແບບໃໝ່ຜ່ານ M Money ກະເປົາເງິນເທີງມືຖືເຂົ້າໃນຫົວໜ່ວຍທຸລະກິດທີ່ທັນສະໄໝ ແລະ ມີຄວມຈໍາເປັນໃນການດຳລົງຊີວິດປະຈໍາວັນຂອງຜູ້ຄົນໃນທົ່ວປະເທດເປັນສ່ວນໜຶ່ງໃນການສ້າງທ່າແຮງ, ຊຸກຍູ້, ສົ່ງເສີມ ແລະຜັນຂະຫຍາຍເສດຖະກິດດີຈີຕອລ, ຫຼຸດຜ່ອນການນໍາໃຊ້ເງິນສົດຕາມແຜນພັດທະນາເສດຖະກິດດີຈີຕອລຂອງພັກ-ລັດ ໃຫ້ປະກົດຜົນເປັນຈິງຕາມວິໄສທັດຂອງບໍລິສັດລາວໂມບາຍມັນນີຈໍາກັດຜູ້ດຽວເປັນຜູ້ນໍາດ້ານການບໍລິການການເງິນດີຈີຕອລໃນ ສປປ ລາວ.

แชร์