ໄຊທານີ ນັກທຸລະກິດຍິງເນັ້ນຄວາມຮັບຜິດຊອບເປັນສິ່ງສຳຄັນ

 ປະຈຸບັນຍຸກນີ້ເປັນຍຸກໃໝ່ພາຍໃຕ້ການນຳພາຂອງພັກ-ລັດ, ເພີ່ນມີນະໂຍບາຍສູງໃຫ້ສິດສະເໝີພາບຍິງ-ຊາຍ ບົດບາດຍິງ-ຊາຍ ເທົ່າທຽມກັນໝົດມີໂອກາດເທົ່າທຽມກັນໝົດເຊັ່ນ: ການຮຽນຮູ້, ການເຮັດທຸລະກິດ, ການນຳພາຕ່າງໆແມ່ຍິງສາມາດເປັນຜູ້ນຳພາບໍລິຫານວຽກງານໄດ້ເປັນທີ່ເພິ່ງຂອງອົງກອນໄດ້ ແລະສາມາດສ້າງລາຍໄດ້ເຂົ້າມາຫຼໍ່ລ້ຽງອົງກອນໄດ້ທຸກພາກສ່ວນໃນການບໍລິຫານທຸລະກິດ.

  ທ່ານ ນາງ ໄຊທານີ ທຳມະວົງສາ ປະທານກຸ່ມບໍລິສັດ ເເນເຊີແນວຄອນ ຊາວຕີ້ງກຼຸບຈໍາກັດຜູ້ດຽວ (NCG) ຖືເປັນນັກທຸລະກິດທີ່ເພິ່ນມີຄວາມຮູ້ຄວາມສາມາດ ແລະຜ່ານປະສົບການຫຼາຍສົມຄວນເປັນທີ່ຮູ້ຈັກກັນດີໃນວົງການທຸລະກິດລາວຄໍາຂວັນປະຈໍາໃຈ: ບໍ່ມີມື້ໜ້າ, ມື້ນີ້, ດຽວນີ້ ແລະເຮັດມື້ນີ້ໃຫ້ດີທີ່ສຸດ.

  ປະຫວັດການເຮັດວຽກໃນໄລຍະຜ່ານມາ ປີ 1999 ໄດ້ຮຽນຈົບວິຊາສະເພາະໃນຂະແໜງການການບໍລິຫານທຸລະກິດ, ກະເລີ່ມເຂົ້າເຮັດວຽກຢູ່ພະແນກການຄ້າ ນະ ຄອນຫຼວງວຽງຈັນ ແຕ່ປີ 1999– 2006, ຫຼັງຈາກນັ້ນກໍ່ໄດ້ລາອອກຈາກລັດມາປະກອບອາຊີບເຮັດທຸລະກິດສ່ວນຕົວແຕ່ປີ 2007-2021.

  ປະຈຸບັນນີ້ເຊິ່ງໃນຂະແໜງການທຸລະກິດທີ່ຕົນເອງເຮັດມີດັ່ງນີ້ບໍລິສັດ ເນເຊີແນວຄອນຊາວຕີ້ງກຣຸບ ຈໍາກັດຜູ້ດຽວ (ປະທານບໍລິສັດ) ເຄື່ອນໄຫວທາງດ້ານທີ່ປຶກສາທາງດ້ານສະພາບແວດລ້ອມທໍາມະຊາດ ແລະສັງຄົມ, ບໍລິສັດ ພະລັງງານສີຂຽວ ແລະພັດທະນາການລົງທຶນ (ປະທານບໍລິສັດເຄື່ອນໄຫວທາງດ້ານການກະເສດ ແລະພະລັງງານໄຟຟ້າ, ບໍລິສັດເອັກທີດີໄຮເທັກເກັບກູ້ລະເບີດ (ປະທານບໍລິສັດ), ເຄື່ອນໄຫວບໍລິການເກັບກູ້ລະເບີດ,ບໍລິສັດ ຫີນເຫີບເນຍວານ້າ ຈໍາກັດ (ສັງຫາລິມາຊັບ), ເຄື່ອນໄຫວພັດທະນາທີ່ດິນ ແລະເຮືອນຈັດສັນ.

  ສ່ວນທຸລະກິດຫຼັກທີ່ເຄື່ອນໄຫວໄດ້ມີປະສົບການຜ່ານມາ ແລະສ້າງລາຍຮັບເປັນຫຼັກໃຫ້ແກ່ຕົນເອງແມ່ນບໍລິສັດທີ່ປຶກສາສະພາບແວດລ້ອມ, ໂຄງການດັ່ງກ່າວສ່ວນຫຼາຍແມ່ນໂຄງການປະມູນໄດ້ແບບສາກົນເກືອບ 80% ຊຶ່ງວຽກທີ່ຮັບຜ່ານມາໃນການສໍາຫລວດສະພາບແວດລ້ອມເປັນຕົ້ນເຊັ່ນ: ວຽກສຶກສາເຂື່ອນໄຟຟ້ານໍ້າຕົກຂະ ໜາດນ້ອຍ, ກາງ, ໃຫ່ຍເຊິ່ງສໍາເລັດແລ້ວບໍ່າຕໍ່າກວ່າ 30 ກວ່າໂຄງການ ແລະວຽກສຶກສາບໍ່ເຫຼັກ, ບໍ່ທອງ, ບໍ່ຖ່ານຫີນ, ບໍ່ແຮ່ສໍາເລັດແລ້ວ 12 ກວ່າໂຄງການ, ວຽກສຶກສາທາງລົດໄຟລາວ-ຈີນ, ວຽກສຶກສາທາງດ່ວນ ແລະໂຄງການອື່ນລວມກວ່າ 15 ໂຄງການ.

 ສະນັ້ນວຽກທີ່ພົ້ນເດັ່ນສ້າງລາຍໄດ້ໃຫ້ແກ່ບໍລິສັດໃຫ້ເຕີບໂຕມາປະຈຸບັນນີ້ຄືວຽກສຶກສາສະພາບແວດລ້ອມຊຶ່ງເປັນທີ່ຍອມຮັບໃຫ້ແກ່ສາກົນເຮັດວຽກສໍາເລັດ ແລະມີປະສົບ ການບໍ່ຕໍ່າກ່ວາ 15 ປີໄດ້ສ້າງຕັ້ງມາ ແລະ ມີລາຍຮັບໃນການປະກອບສ່ວນ ແລະ ພັນທະໃຫ້ງົບປະມານໃຫ້ພາກລັດຢ່າງເຕັມເມັດເຕັມໜ່ວຍ. ສ່ວນບໍລິສັດອື່ນແມ່ນສໍາຮອງ ແລະພວມພັດທະນາໃນການລົງທຶນຄາດຄະເນຕາມເປົ້າຈະສ້າງລາຍຮັບອີກປະມານ3-5 ປີທີ່ຄາດຄະເນໄວ້.

 ການເຮັດທຸລະກິດທີ່ປະສົບຜົນສໍາເລັດແນ່ນອນພວກເຮົາຕ້ອງອຸປະສັກ ແລະຄູ່ແຂງອັນມະຫາສານແຕ່ພວກເຮົາກໍ່ມີການວິເຄາະຮອບດ້ານ ແລະເປັນຈຸດແຂງຂອງພວກເຮົາກໍ່ຄື: ຜູ້ບໍລິຫານຕ້ອງຮັບຜິດຊອບສູງໃນການຕັດສີນໃຈຕໍ່ວຽກງານ, ສໍາຄັນຖ້າຮັບປາກແລ້ວ ຕ້ອງເຮັດວຽກໃຫ້ສໍາເລັດຕາມສັນຍາທີ່ໄດ້ຕົກລົງກັນ ແລະເປັນຄົນສັດຊື່ຕໍ່ຜູ້ ຮ່ວມງານເວົ້າຄໍາໃດແລ້ວຕ້ອງປະຕິບັດ, ລົງມືກະທໍາຕາມວຽກທີ່ໄດ້ຕົກລົງກັນ ແລະຕ້ອງເຮັດໃຫ້ສໍາເລັດ ຊຶ່ງໄປຕາມ ການວາງແຜນເຊັ່ນ: ການເຮັດວຽກຕ້ອງມີຄຸນນະພາບ ແລະສໍາເລັດຕາມໄລຍະເວລາທີ່ວາງແຜນຕ້ອງບໍລິການລູກຄ້າໃຫ້ວ່ອງໄວ ແລະພ້ອມແກ້ໄຂວຽກເມື່ອເຈີບັນຫາຕ້ອງແກ້ໄຂຮີບດ່ວນມີຄວາມຮັບຜິດຊອບສູງໃນວຽກທີ່ເຮັດ, ແລະ ລາຄາກໍ່ມີຄວາມຍຸຕິທໍາໃຫ້ແກ່ລູກຄ້າ ແລະ ຖືເອົາລູກຄ້າຄືຄົນໃນຄອບຄົວຂອງຕົນເອງ, ມີຫົວຄິດປະດິດສ້າງໃນການພິກຜັນທຸລະກິດໃຫ້ປີ່ນອ້ອມຕາມສະພາບເສດຖະກິດ ແລະວິເຄາະຄາດຄະເນລວງໜ້າໄວ້ 5 ປີ ໃນການວາງແຜນ.

แชร์