ຄວາມເຊືອໝັ້ນພາກທຸລະກິດໃນອາຊີຫຼຸດລົງ.

     ຜົນການສຳຫຼວດໃໝ່ພົບວ່າຄວາມເຊື່ອໝັ້ນພາກທຸລະກິດໃນອາຊີຫຼຸດລົງເພາະມີຄວາມເປັນຫ່ວງດ້ານສົງຄາມການຄ້າລະຫວ່າງ ສປ ຈີນແລະອາເມລິກາ.ຕາມຂ່າວຕ່າງປະເທດລາຍງານໃນວັນທີ 19 ທັນວາວ່າຜົນການສຳຫຼວດຄວາມເຊື່ອໝັ້ນພາກລະທຸລະກິດ 11 ປະເທດ ອາຊີປາຊິຟິກປະຈຳໄຕມາດ 4 ຂອງປີນີ້ ຫຼຸດລົງ ເນື່ອງຈາກເກີດປັດໄຈຄວາມສ່ຽງຫຼາຍຢ່າງແລະມີຄວາມເປັນຫ່ວງດ້ານສົງຄາມການຄ້າໂລກ, ເສດຖະກິດ ສປ ຈີນ ລໍຕົວແລະອັດຕາດອກເບ້ຍສູງຂຶ້ນ, ທຸລະກິດດ້ານເຕັກໂນໂລຊີແລະໂທລະຄົມມະນາຄົມທີ່ໄດ້ຮັບຜົນທະທົບຈາກຄວາມຕ້ອງການໃນຕະຫຼາດໂລກງຽບເຫງົາດັດຊະນີຕໍ່າ ລົງ 44 ຈຸດ, ທຸລະກິດໃນໄຕ້ຫວັນຂອງ ສປ ຈີນ ເຊິ່ງເປັນຜູ້ສົ່ງອອກດ້ານອິເລັກໂຕນິກທີ່ສຳຄັນດັດຊະນີອາດຕິດລົບສູງສຸດເຖິງ 17 ຈຸດ, ເຊັ່ນດຽວກັບທຸລະກິດໃນຍີ່ປຸ່ນແລະ ສ ເກົາຫຼີ ອາດຈະຕິດລົບຫຼາຍທີ່ສຸດ.

ຂະນະທີ່ຟິລິບປິນ, ມາເລເຊຍແລະໄທມີຄວາມຄາດຫວັງໃນດ້ານບວກຫຼາຍທີ່ສຸດໃນການສຳຫຼວດຢ່າງໃດກໍຕາມປະເທດເຫຼົ່ານີ້ຍັງມີຄວາມເປັນຫ່ວງໃນເລື່ອງການຮັບມືກັບທະນາຄານກາງອາເມລິກາ (ເຟດ) ຂຶ້ນດອກເບ້ຍນະໂຍບາຍຢ່າງຕໍ່ເນື່ອງແລະເງິນໂດລາສະຫະລັດແຂງຄ່າ.

• 21/12/2018