ຄຳມ່ວນຮັບເງິນ 100 ລ້ານກີບ ປ້ອງກັນໂຄວິດ

ຂ່າວ: ກອງຄຳ 

  ວັນທີ 16 ມີນາ 2021 ບໍລິສັດ ເບຍລາວ ຈຳກັດ ໄດ້ມອບເງິນຈຳນວນ 100 ລ້ານກີບ ໃຫ້ແກ່ແຂວງຄຳມ່ວນເພື່ອປະກອບສ່ວນເຂົ້າໃນວຽກງານປ້ອງກັນ ແລະສະກັດກັ້ນພະຍາດໂຄວິດ-19 ໂດຍ ເປັນກຽດມອບຂອງທ່ານ ສູນທອນ ພົມມະຈັກ ປະທານບໍລິສັດ ເບຍລາວ ຈຳກັດ ແລະກ່າວຮັບໂດຍ ທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນໂດຍມີທ່ານ HenrikJuel Anderson ຜູ້ອຳນວຍການບໍລິສັດເບຍລາວພ້ອມດ້ວຍຄະນະ ແລະ ທ່ານຫົວໜ້າຫ້ອງວ່າການແຂວງຄຳມ່ວນເຂົ້າຮ່ວມເປັນສັກຂີພິຍານ.

 ທ່ານ ສູນທອນ ພົມມະຈັກ ກໍ່ໄດ້ຍົກໃຫ້ເຫັນການເຕີບໃຫຍ່ຂະຫຍາຍຕົວຂອງບໍລິສັດຊຶ່ງໄດ້ດຳເນີນທຸລະກິດທີ່ສອດຄ່ອງກັບແນວທາງນະໂຍບາຍຂອງພັກ, ລະບຽບກົດ ໝາຍຂອງລັດ ແລະກົນໄກການປັບປຸງປ່ຽນແປງຂອງພັກ-ລັດ ໃນແຕ່ລະໄລຍະຈຶ່ງເຮັດໃຫ້ບໍລິສັດໄດ້ຮັບການພັດທະນາ ແລະເຕີບໃຫຍ່ຂະຫຍາຍຕົວຈົນກາຍເປັນບໍລິສັດທີ່ສ້າງລາຍຮັບໃຫ້ແກ່ງົບປະມານເປັນອັບດັບຕົ້ນໆຂອງຊາດ ແລະຄຽງຄູ່ກັນນັ້ນທາງບໍລິສັດຍັງໄດ້ເຫັນໄດ້ຄວາມສຳຄັນ ແລະເອົາໃຈໃສ່ໃນການຊຸກຍູ້, ສົ່ງເສີມວັດທະນະ ທຳຮີດຄອງປະເພນີອັນດີງາມຂອງຊາດ, ວຽກງານກີລາ, ສາທາລະນະສຸກ, ສົ່ງເສີມວຽກງານການສຶກສາທີ່ຮຽນດີມີຄຸນສົມບັດ ແຕ່ດ້ອຍໂອກາດ ແລະປະກອບສ່ວນໃນງານສຳຄັນຕ່າງໆ.

  ໂອກາດນີ້ທ່ານເຈົ້າແຂວງຄຳມ່ວນກໍ່ໄດ້ມອບໃບຍ້ອງຍໍໃຫ້ແກ່ບໍລິສັດເບຍລາວພ້ອມທັງກ່າວສະແດງຄວາມຂອບໃຈມາຍັງບໍລິສັດທີ່ໄດ້ປະກອບສ່ວນຊ່ວຍເຫຼືອດ້ານງົບປະ ມານເພື່ອນຳໃຊ້ເຂົ້າໃນວຽກງານຄວບຄຸມ, ປ້ອງກັນ ແລະສະກັດກັ້ນພະຍາດໂຄວິດ-19 ຂອງແຂວງຄໍາມ່ວນໃນຄັ້ງນີ້ ແລະ ຫວັງວ່າທາງບໍລິສັດຈະສືບຕໍ່ປະກອບສ່ວນຊ່ວຍເຫຼືອແຂວງຄຳມ່ວນບໍ່ວ່າຈະເປັນດ້ານການຊຸກຍູ້, ສົ່ງເສີມວັດທະນະທຳຮີດຄອງປະເພນີອັນດີງາມຂອງທ້ອງຖິ່ນ ແລະວຽກງານອື່ນໆ.

• 19/03/2021