ສະຖາບັນສິນຊັບເມືອງເໜືອຕັ້ງເປົ້າ 2019 ປ່ອຍກູ້ 91 ຕື້ກີບ

  ສະຖາບັນການເງິນຈຸລະພາກທີ່ຮັບເງິນຝາກສິນຊັບເມືອງເໜືອຈໍາກັດ ເປັນທີ່ໜຶ່ງໃນການສ້າງໂອກາດໃຫ້ປະຊາຊົນໄດ້ເຂົ້າເຖິງແຫຼ່ງທຶນທີ່ໃຫ້ບໍລິການດ້ວຍຄວາມວ່ອງໄວ, ຍືນຍົງ ແລະ ຈິງໃຈໄດ້ຮັບການສ້າງຕັ້ງຂຶ້ນໃນວັນທີ 15 ພະຈິກ 2018 ດ້ວຍທຶນຈົດທະບຽນ 9 ຕື້ກີບ, ເປີດພຽງປີກວ່າມີລູກຄ້າເພີ່ມຂຶ້ນຮອດ 3 ພັນກວ່າຄົນ, ປ່ອຍສິນເຊື່ອໃນປີ 2018 ລື່ນແຜນ 4% ຂະນະທີ່ຕັ້ງເປົ້າຈະປ່ອຍກູ້ປີ 2019 ນີ້ໃຫ້ໄດ້ 91 ຕື້ກີບ.

  ທ່ານ ສັນຕິ ອູ່ສິດທິເດດ ຜູ້ອໍານວຍການສະຖາບັນການເງິນຈຸລະພາກທີ່ຮັບເງິນຝາກສິນຊັບເມືອງເໜືອ ຈໍາກັດ ໄດ້ໃຫ້ສໍາພາດຕໍ່ທີມຂ່າວໃນລະຫວ່າງຈັດກອງປະຊຸມສະຫຼຸບການເຄື່ອນໄຫວ ວຽກງານຂອງສະຖາບັນທີ່ຫ້ອງປະ ຊຸມຂອງທະນາຄານເມື່ອວັນທີ 3 ມີນາ 2019 ນີ້ວ່າ: ສະຖາບັນການເງິນຈຸລະພາກທີ່ຮັບເງິນຝາກ ສິນຊັບເມືອງເໜືອ ຈໍາກັດ ເປັນທີ່ໜຶ່ງໃນການສ້າງໂອກາດ ໃຫ້ປະຊາຊົນໄດ້ເຂົ້າເຖິງແຫຼ່ງທຶນທີ່ໃຫ້ ບໍລິການດ້ວຍຄວາມວ່ອງໄວ, ຍືນຍົງ ແລະຈິງໃຈ. ນັບແຕ່ໄດ້ຮັບອະນຸຍາດດໍາ ເນີນທຸລະກິດໃນຮູບແບບສະຖາບັນການ ເງິນຈຸລະພາກທີ່ບໍ່ຮັບເງິນຝາກສິນຊັບ ເມືອງເໜືອໃນວັນທີ 18 ຕຸລາ 2017 ຫຼັງດໍາເນີນໄປໄລຍະໜຶ່ງ ມາຮອດໃນວັນ ທີ 15 ພະຈິກ 2018 ຈິ່ງໄດ້ປ່ຽນເປັນ ສະຖານບັນການເງິນຈຸລະພາກທີ່ຮັບ ເງິນຝາກສິນຊັບເມືອງເໜືອ ຈໍາກັດ ດ້ວຍທຶນຈົດທະບຽນເພີ່ມຂຶ້ນເປັນ 9 ຕື້ກີບ, ເປີດພຽງປີກວ່າມີລູກຄ້າເຂົ້າໃຊ້ບໍລິການເພີ່ມຂຶ້ນຮອດ 3.522 ຄົນ, ໄດ້ປ່ອຍສິນເຊື່ອໃນປີ 2018 ຢູ່ 2 ແຂ ວງຄື ແຂວງໄຊຍະບູລີ ແລະແຂວງ ຫຼວງພະບາງ ຕາມແຜນຈະປ່ອຍ 70 ຕື້ກີບ, ປະຕິບັດຕົວຈິງໄດ້ 73 ຕື້ກວ່າກີບ ລື່ນແຜນການ 4%. ການເກັບກູ້ (ຕົ້ນ ທຶນ ແລະດອກເບ້ຍ) ຂອງປີ 2018 ໄດ້ 20 ຕື້ກວ່າກີບ. ສໍາລັບເປົ້າໝາຍການ ປ່ອຍກູ້ປີ 2019 ນີ້ແມ່ນຈະໃຫ້ໄດ້ 91 ຕື້ກີບ, ໃນນີ້ຄາດປ່ອຍກູ້ຢູ່ຫຼວງພະບາງ 51 ຕື້ກີບ, ໄຊຍະບູລີ 40 ຕື້ກີບ. ກຸ່ມເປົ້າ ໝາຍສ່ວນໃຫຍ່ແມ່ນພະນັກງານທີ່ເຮັດ ວຽກໃນຫ້ອງການຕ່າງໆເປັນຕົ້ນແມ່ນພະນັກງານລັດຖະກອນ, ພະນັກງານລັດວິສາຫະກິດ ແລະພະນັກງານເອກະຊົນ. ສໍາລັບຜະລິດຕະພັນປະກອບມີເງິນຝາກປະຢັດ, ຝາກມີກໍານົດ ແລະເງິນຝາກເພື່ອອະນາຄົດ.

 ນອກຈາກນີ້ທາງສະຖາບັນການເງິນຈຸລະພາກຍັງໄດ້ປະກອບສ່ວນຊ່ວຍເຫຼືອສັງຄົມຢ່າງຕໍ່ເນື່ອງ ແລະປະກອບສ່ວນວັດຖຸປັດໄຈໃນວັນສໍາຄັນຕ່າງໆຂອງຊາດ ພ້ອມນີ້ທ່ານຜູ້ອໍານວຍການຍັງ ໄດ້ເຊີນຊວນພໍ່ແມ່ປະຊາຊົນຜູ້ທີ່ຕ້ອງ ການທຶນໃນການພັດທະນາທຸລະກິດຄອບ ຄົວຂອງຕົນເອງກໍ່ສາມາດເຂົ້າມາສຶກສາເບິ່ງບັນດານິຕິກໍາຕ່າງໆ ຊຶ່ງທາງສະ ຖາບັນກໍານົດໄວ້ ແລະໃຫ້ໝັ້ນໃຈວ່າທາງສະຖາບັນບໍລິການດ້ວຍໃຈ, ວ່ອງໄວ ແລະເປັນທໍາຕໍ່ລູກຄ້າທຸກທ່ານທີ່ມາໃຊ້ບໍລິການ ຫາກສົນໃຈກໍ່ສາມາດເຂົ້າໄປພົວພັນໄດ້ທີ່ຫ້ອງການຂອງສະຖາບັນຕັ້ງຢູ່ຫຼັງໂຮງຮຽນ ສ.ມ ສັນຕິພາບ ບ້ານ ນາວຽງຄໍາ ນະຄອນຫຼວງພະບາງ. 

ຂ່າວ: ສີສຸວັນ-ນສພ ເສດຖະກິດ-ສັງຄົມ

แชร์