ດາຣາພົງ ທີມງານຄືຂົວຕໍ່ຫົວໃຈ ສຳຄັນໃນການເຮັດທຸລະກິດ

 ທ່ານ ນາງ ດາຣາພົງ ຍຸຕິທຳ ຫຼືມີນາ ຫຼາຍຄົນຮູ້ຈັກດີໃນວົງການທຸລະກິດເປັນນັກທຸລະກິດລາວຍິງຍຸກໃໝ່ມີແນວຄິດການພັດທະນາ ແລະເປັນຜູ້ຢູ່ເບື້ອງຫຼັງທຸລະກິດທີ່ປະສົບຜົນສຳເລັດຫຼາຍຢ່າງທີ່ມີວິໄສທັດ ແລະອຸດົມການເລື່ອງການເຮັດວຽກສິ່ງສຳຄັນຄິດສະເໝີວ່າທີມງານຄືໝາກຫົວໃຈຂອງອົງກອນ, ຖ້າເຮົາມີທີມງານທີ່ມີຄຸນ ນະພາບເວລາທີ່ເຮົາໃຊ້ໃນການບໍລິຫານແຕ່ລະອົງກອນກໍ່ຈະມີປະສິດທິພາບຍິ່ງຂຶ້ນ.

  ທ່ານ ນາງ ດາຣາພົງ ຍຸຕິທຳ ຮອງປະທານສະມາຄົມ LAOSME ໃຫ້ສຳພາດນັກຂ່າວໜັງສືພີມເສດຖະກິດ-ສັງຄົມ ຮູ້ວ່າ: ແມ່ນໄດ້ສຶກສາປະລິນຍາໂທສາຂາບໍລິຫານບຸກຄະລາກອນ ແລະ ບໍລິຫານລະບົບຂໍ້ມູນຂ່າວສານໃນອົງກອນໃຫຍ່ປີ 2010 ທີ່ມະຫາວິທະຍາໄລ PAUL VALERY ແລະ Université deMontpellier III,ປະເທດຝຣັ່ງຫຼັງຈາກກັບມາໄດ້ເຂົ້າເຮັດວຽກກັບບໍລິສັດນໍາເຂົ້າຂອງຝຣັ່ງ ແລະໄດ້ເລີ່ມເຮັດທຸລະກິດໃນປີດຽວກັນຄືປີ 2011 ໂດຍການເປີດບໍລິສັດ ທີ່ປຶກສາ ESDS Co.,LTD, ຊຶ່ງເປັນບໍລິສັດທີ່ໃຫ້ບໍລການກ່ຽວກັບການສໍາຫລວດຂໍ້ມູນ, ການປະເມນ ແລະສຶກສາຄວາມເປັນໄປໄດ້ໂຄງການ, M&E ແລະ ການຈັດຝຶກອົບຮົມຕ່າງໆ. ເນື່ອງຈາກກ່ອນໄປຮຽນຕໍ່ຂ້າພະເຈົ້າໄດ້ມີປະສົບການເຮັດວຽກດ້ານນີ້ມາກ່ອນຈຶ່ງເຫັນໂອກາດ ແລະ ຕັ້ງໃຈລົງເລິກປະລິນຍາໂທໃນຫົວຂໍ້ດັ່ງກ່າວເພື່ອກັບມາເປີດທຸລະກິດດ້ານສະເພາະ.

  ສຳລັບການກ້າວເຮັດທຸລະກິດປະຈຸບັນຫຼັງຈາກເປີດບໍລິສັດທີ່ປືກສາມາໄດ້ໄລຍະໜຶ່ງ ,ຂ້າພະເຈົ້າໄດ້ມີໂອກາດຄົ້ນຄວ້າ ແລະເຮັດວິເຄາະກ່ຽວກັບທຸລະກິດຫຼາຍຂະແຫນງການຮ່ວມກັບໝູ່ ແລະຄູ່ຮ່ວມທຸລະກິດ,ທັງຂະແຫນງການສຶກສາ,ກະສິກໍາ,ອະສັງຫາ ແລະສິ່ງແວດລ້ອມ, ຕໍ່ມາຈຶ່ງໄດ້ເປດສູນພາສາອັງກິດ (English House) ໃນປີ 2015 ເຊິ່ງເປັນຊ່ວງທີ່ຫລາຍອົງກອນກໍາລັງຍົກລະດັບດ້ານພາສາອັງກິດຂອງບຸກຄະລາກອນຕົນເອງເນື່ອງຈາກກະແສການແຊບຸກຄະລາກອນໃນປະເທດອາຊຽນ, ຕໍ່ມາປີ 2016 ໄດ້ເປີດທຸລະກິດກ່ຽວກັບການບໍລິຫານຈັດການສິ່ງເສດເຫຼືອ ແລະ ການບໍລິການເກັບຂົ້ເຫຍື້ອຊື່ວ່າບໍລິສັດ Waste Pro Collection ຊຶ່ງແມ່ນຄອບຄົວເປັນຜູ້ບໍລິຫານ, ແລະໄດ້ຮ່ວມກັບໝູ່ເຮັດທຸລະກິດອະສັງຫາຊື່ບໍລິສັດ Century 21 Real Pro ໃນປີ 2017 ຊຶ່ງເປັນທຸລະກິດ Franchise ຂອງຕ່າງປະເທດປະຈຸບັນແມ່ນຂາຫຸ້ນເປັນຜູ້ຮັບຜິດຊອບ ແລະ ບໍລິຫານທັງໝົດ ແລະ ລ່າສຸດໃນປີ 2019 ໄດ້ມໂອກາດເຂົ້າມາເຮັດທຸລະກິດກ່ຽວກັບການຜະລິດ ແລະສົ່ງອອກເຄື່ອງປະດັບໄປຕ່າງປະເທດ, ລວມທັງໝົດທຸລະກິດທີ່ດໍາເນີນຢູ່ນອກຈາກບໍລິສັດອະສັງຫາແມ່ນສ້າງວຽກເຮັດງານທໍາປະມານ250 ຄົນ, ສະເພາະໂຮງານຜະ ລິດ ແລະ ສົ່ງອອກເຄື່ອງປະດັບແມ່ນພະນັກງານຢູ່ເກືອບ 150 ຄົນ.

   ສຳລັບບັນຫາ ແລະ ສິ່ງທ້າທາຍໃນການເຮັດທຸລະກິດມີຫຼາກຫຼາຍຢ່າງທີ່ພົບພໍ້ແຕ່ທີ່ທ້າທາຍທີ່ສຸດສໍາລັບຂ້າພະເຈົ້າຄືການບໍລິຫານເວລາ ແລະ ການພັດທະນາຍຸດທະ ສາດການດໍາເນີນທຸລະກິດ ແຕ່ລະຢ່າງ, ເນື່ອງຈາກຂະແໜງການທຸລະກິດທີ່ເຮົາເຮັດແຕ່ລະຢ່າງຂ້ອນຂ້າງແຕກຕ່າງກັນ.

  ຍຸດທະສາດຂອງການບໍລິຫານຂອງຂ້າພະເຈົ້າຄືນໍາໃຊ້ບຸກຄະລາກອນທີ່ມຄຸນນະພາບ, ສ້າງຜູ້ນໍາໃນອົງກອນທີ່ສາມາດຕັດສິນໃຈແທນເຮົາໄດ້,ໃຫ້ອິດສະຫຼະທີມງານໃນການບໍລິຫານ, ອອກແນວຄວາມຄິດ ແລະ ແກ້ໄຂບັນຫາຮ່ວມກັນ, ວັດທະນະທໍາໃນອົງກອນແຕ່ລະບ່ອນແມ່ນແນໃສ່ຄວາມເທົ່າທຽມກັນ, ຄວາມສາມັກຄີ ແລະ ຜົນປະ ໂຫຍດຂອງທີມງານເປັນຫຼັກ,ໃຫ້ທມງານມສ່ວນຮ່ວມ ແລະເປັນສ່ວນສໍາຄັນຂອງການຂັບເຄື່ອນທຸລະກິດໃນແຕ່ລະບາດກ້າວ ຫຼືເຫດການສໍາຄັນຂອງອົງກອນ,ເພີ່ມພູນທັກສະ ແລະພັດທະນາຄວາມຮູ້ຄວາມສາມາດຂອງບຸກຄະລາກອນຢ່າງຕໍ່ເນື່ອງ.

 ເລື່ອງການເຮັດວຽງສິ່ງສຳຄັນຄິດສະເໝີວ່າທີມງານຄືໝາກຫົວໃຈຂອງອົງກອນ,ຖ້າເຮົາມີທີມງານທີ່ມີຄຸນນະພາບເວລາທີ່ເຮົາໃຊ້ໃນການບໍລິຫານແຕ່ລະອົງກອນກໍ່ຈະມີປະສິດທິພາບຍິ່ງຂຶ້ນເພາະສະນັ້ນຂ້າພະເຈົ້າຈະຕ້ອງໝັ່ນໃຈຕະຫຼອດເວລາວ່າທີມງານຂອງຕົນເອງເຮັດວຽກຢ່າງມີຄວາມສຸກ ແລະ ມີຄວາມຕ້ອງການພັດທະນາຕົນ ເອງຢູ່ສະເໝີ, ທີ່ສໍາຄັນຜູ້ບໍລິຫານຜູ້ຈັດການ ຫຼືຜູ້ນໍາໃນແຕ່ລະອົງກອນຮວມທັງຂ້າພະເຈົ້າເອງກໍ່ຕ້ອງເປັນແບບຢ່າງທີ່ດີໃຫ້ແກ່ທີມງານ.

แชร์